1Gelindo 16
16
Shentulade Baer Khighaku
1Shentulade baer khighakui kieliese bi Jialataini jiohuilade fenfulasan mutun taye qingiezhi gie. 2Niefanie xinqide jien kunla goya hashughalane agizhi khizhedene ghura, pse bi irekude ta cai khireighane. 3Bi irekudeni ta chenren giesan kunlade xinni deilazhi hhelai tai murei ughuzhi Yelusalende khughozhi echighaye. 4Bi echise heshi bise hhela mare hhantu echise olune.
Baoloi Jihua
5Bi Maqidunse daone giezho, daokudeni tai uzhele ireye. 6Kenen bi tanre nietan soune, kenen unchai daoghane. Ingiedene bi khala echise ta mii khughose olune. 7Bi ede zinie jingo giekude tai uzhedene echiku duran uwo. Ezhan duran bise bi tanre hhantu ezighancha souse giezho. 8Bi izhi Ifusode souzhi 50 qienni jieqi kurune. 9Fandui giechen kun olon woma, made yu aghui yu zointu wijien keizhi chonjiku jihui olon wo.
10 Qimotai irese ta hhende goude giezhi bu ayigha, hheye biwo giezhi Ezhanyi wilieni giezho. 11Ingiese kienliuzhe hhei gade bu uzhe. Pinnande khughozhi echigha, mii enende ire gie. Gaijiulare hhantu hhe irekui bi sagheizho. 12Gaijiu Yaboloi kieliese hhe gaijiulare hhantu tai hhende echi giezhi bi hhende haojihui goude fenfulawo, hhe ene shihoude echiku duran uwo, jihui irese echine.
Zuihouku Kielien
13Ta jinxin giezhi xinyan jiere beizhi undanla, ere kunyi yanzii khizheghazhi khidunde bei. 14Ta yan giese oreku zhugheghala gie.
15 Siqifana nie gie kun Yagaiyade Ersai tou 1 giede xianxin giesei ta mejiene. Pse hhela zhomen shentulai ushilazho. Gaijiula, bi tai goude fenfulaye, 16ta qimutu kunlai, pse hhelare hhantu khishulazhi wilie giesan kunlai man shunji. 17Siqifana, Futunadu, Yagaigu irese bi bayasuzho. Ta enende uwoma, hhela banman giewo. 18Hhela tai pse mii bayasughazho. Imutu kunlai ta danren gie.
19 Yaxiyani jiohuila tande kielien asazho. Yajila, Baijilaghala pse hhelai giede hhantulasan jiohui Ezhanni miende tande shixinji kielien asazho. 20Gaijiula man tande kielien asazho. Ta zhughesene nieniedene kielien asa.
21Bi Baolo qinsi huaizhi kielien asazho. 22Kien Ezhande ulie orese hhei indan kharakui wo. Mai Ezhan, ire! 23Ezhan Ersai nenjien tanre hhantu bi gie! 24Mexiha Ersai miende mii oreku tanre man hhantu wo!
Markert nå:
1Gelindo 16: sce
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
© 2020-2024 River Street Publishing.