होशे 1
1
1 #
2 राज़. 15:1-7; 2 इति. 26:1-23 अह समाद खोज़अ तेऊ ज़मानै बिधाता बेरीए शोहरू होशे का, ज़धू यहूदा मुल्खै उज़ियाह, जताम, अहाज अर हिजकिया राज़ किअ अर इज़राईल मुल्खै थिअ जोआशो शोहरू जरोबाम राज़अ।#2 इति. 27:1-8; 2 राज़. 15:32-38; 2 राज़. 16:1-20; 2 इति. 28:1-27; 2 राज़. 18:1—20:21; 2 इति. 29:1—32:33; 2 राज़. 14:23-29
होशे गूरे बेटल़ी अर शोहरू माठै
2ज़धू पैहली बारी बिधाता आपणैं गूर होशे का इज़राईला लै समाद खोज़अ, तधू बोलअ बिधाता इहअ, “तूह डेऊ संघा कर कंज़री बेटल़ी संघै बैह, तेसे लुआद बी हणीं ज़ेही सह आसा तेही ई। सह हणअ ज़ाथी तिहअ ई ज़िहअ मेरी परज़ा मुल्है विश्वास घात किअ। मुंह बिधाता का दूर हई लागै तिंयां होरी देअए च़ाकरी करदै।”
3होशे किअ गोमेर नाओंए बेटल़ी संघै बैह। तेसे बाबा नाअं त दिबलाम। गोमेर हुई सुंदी अर तैहा का हुअ होशे लै एक शोहरू। 4बिधाता बोलअ होशे लै, “एऊ नाअं डाह तूह, ‘जज्रेल,’ किल्हैकि थोल़ै धैल़ै बाद दैणीं मुंह जज्रेल खागै राज़ै ज़ैऊए खिंबा लै सज़ा। किल्हैकि राज़ै ज़ैऊ किई ती तिधी खास्सै लोगे हत्या। मंऐं लाअ इज़राईल देश खतम करी।#2 राज़. 10:11 5तेभै करनअ मुंह जज्रेल खागै इज़राईले सैनो बल पठी खतम।”
6बादा का हुई गोमेर भिई सुंदी अर तेसे हुई एक शोहरी। बिधाता बोलअ होशे लै, “ऐहा शोहरी नाअं डाह, ‘कपैरी#1:6 कपैरी लोरुहामा,’ किल्हैकि ऐबै निं हुंह मेरी इज़राईली परज़ा लै झ़ूरदअ अर नां तिन्नां लै माफी छ़ाडदअ। 7पर यहूदा मुल्खे मेरी परज़ा संघै रहणीं मेरी झ़ूरी बरकरार। तिंयां बच़ाऊंणै मुंह तिन्नें दुशमणा का। तेता लै निं तिन्नें सैना हणीं ज़ुंण कतीर-कबाणा अर तलबारा करै जुध करा, नां एता लै तिन्नें सैना हणीं ज़ुंण रथ अर घोल़ै प्रैंदै बेशी जुध करा। पर तिंयां बच़ाऊंणै मुंह तिन्नें बिधाता आपणैं ज़ोरै।”
8ज़ांऊं गोमेर कपैरी का च़ूई चल़ाऊई मुक्की, सह हुई भिई सुंदी अर तेसो हुअ एक होर शोहरू। 9बिधाता बोलअ होशे लै, “एऊ शोहरू नाअं डाह, ‘परज़ात#1:9 परज़ात लो-आम्मी,’ किल्हैकि इज़राईली निं ऐबै मेरी आपणीं परज़ा आथी अर नां हुंह तिन्नों परमेशर आथी।
इज़राईल देश बणनअ भिई
10“पर तज़ी बी हणैं आजू इज़राईली समुंदरे रेता ज़िहै इहै खास्सै कि तिन्नां निं कुंण गणी सकदअ। एभै बोला हुंह तिन्नां लै, ‘तम्हैं निं मेरी परज़ा आथी।’ पर तेभै बोल़णअ तिन्नां लै, ‘तम्हैं आसा ज़िऊंदै परमेशरे लुआद।’#रोम. 9:26 11यहूदा अर इज़राईल दुही मुल्खै बस्सै दै इज़राईली हणैं भिई एक। तिन्नां छ़ांटणअ आप्पू लै एक्कै राज़अ अर तेखअ फिरनैं तिंयां आपणीं ऐहा ज़ैगा लै बापस कि इधी बस्से। जज्रेले सह धैल़ी हणीं महान!
Markert nå:
होशे 1: OSJ
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
This work is licensed under Creative Commons Attribution-ShareAlike 4.0 License.