Chacaría 8:16-17

Rü ñaa nixĩ i chanaxwa̱xexü̃ nax penaxüxü̃: “Rü name nixĩ i guxü̃guma aixcümaxü̃ pegümaxã pixugü. Rü ngẽxguma ãẽ̱xgacüpe̱xewa guxchaxü̃gü pemexẽẽgu rü penaxwa̱xe nax aixcümaxü̃ pixugüxü̃ nax ngẽxma yanaxoxü̃ca̱x i ngẽma guxchaxü̃. Rü tama name nax pegüca̱x chixexü̃ pexügüxü̃, rü tama name nax ãẽ̱xgacügüpe̱xewa doraxü̃ pixugüxü̃, erü guxü̃ma i ngẽma rü naxchi chaxai. Rü choma ya Tupana nixĩ i nüxü̃ chixuxü̃ i ngẽma” —ñanagürü.