Josva 14
14
Kanaan blir delt ved loddkasting
1 # 4 Mos 34,17ff Dette er landområda som israelittane fekk til eigedom i Kanaans land, og som presten Elasar og Josva, son til Nun, og leiarane for kvar familie blant stammane i Israel tildelte dei. 2#4 Mos 33,54; 34,13 Ved å kasta lodd fordelte dei området som eigedom til dei ni stammane og den eine halve stammen, slik Herren hadde sagt gjennom Moses. 3#4 Mos 34,13ff; 5 Mos 3,12ff; 10,9; Jos 13,14 For Moses hadde gjeve dei to stammane og den halve stammen eigedom på austsida av Jordan. Men levittane gav han ikkje eigedom saman med dei. 4#1 Mos 48,5; 4 Mos 35,2ff; Jos 21,1ff Etterkomarane til Josef utgjorde to stammar, Manasse og Efraim. Levittane fekk ingen del av landet. Men dei fekk byar å bu i, med beitemarker for buskapen og feet sitt. 5Israelittane gjorde som Herren hadde sagt Moses, og fordelte landet.
Kaleb får Hebron
6 # 4 Mos 14,24.30 Då kom etterkomarane av Juda til Josva i Gilgal, og kenasitten Kaleb, son til Jefunne, sa til han: Du veit kva Herren sa til gudsmannen Moses om deg og meg då vi var i Kadesj-Barnea. 7#4 Mos 13,6.17ff; 14,6ff; 5 Mos 1,28 Eg var førti år gammal då Moses, Herrens tenar, sende meg frå Kadesj-Barnea for å spionera i landet, og eg gav rapport etter beste skjøn. 8#4 Mos 13,31ff; 32,8f Brørne mine som følgde meg dit opp, tok motet frå folket, men eg heldt meg trufast til Herren min Gud. 9Den dagen svor Moses: «Sanneleg, det landet du set foten din på, skal høyra deg og borna dine til for alltid fordi du heldt deg trufast til Herren min Gud.» 10#4 Mos 14,38 Sjå, Herren har late meg leva desse førtifem åra slik han lova, heilt frå han gav lovnaden til Moses medan Israel gjekk i ørkenen, og fram til denne dag. Og sjå, no er eg åttifem år gammal. 11#4 Mos 27,18 Eg er framleis like sterk som den dagen Moses sende meg ut. Mi kraft til å kjempa er den same no som då, både til å dra ut og til å koma heim. 12#4 Mos 14,28; 5 Mos 2,10 Så lat meg no få dette fjellandet som Herren lova meg den dagen. Du høyrde då sjølv den gongen at det bur anakittar der, og at dei har store, sikre byar. Kanskje Herren vil vera med meg så eg kan ta landet deira, slik som han lova.
13Då velsigna Josva Kaleb, son til Jefunne, og gav han Hebron til eige. 14Difor er Hebron i eiga til slekta hans den dag i dag, fordi kenasitten Kaleb, son til Jefunne, heldt seg trufast til Herren, Israels Gud. 15#11,23 Hebron heitte før Kirjat-Arba, etter den største mannen blant anakittane.
Og landet fekk kvile frå krigen.
Markert nå:
Josva 14: N11NN
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).