Populære bibelvers fra Ro 12

Del

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

Maak'e chi numtaak li ink'a' us sa' aab'een, chaq'ax b'an a'an rik'in li us.

Jo' tz'aqal eeras eeriitz'in naq chera eerib' cherib'il eerib'; chek'oxla naq q'axal ka'loq' oxloq'eb' leekomon.

Mexrahok yal chi pak'b'il, chetz'eqtaana li ink'a' us, chapchooqex chi kaw rik'in li us.

Wi naru xb'aanunkil, chexwanq sa' usilal rik'ineb' chixjunil, jo'ch'inal jo'nimal naxk'e rib' cheru.

Ex was wiitz'in raarookex inb'aan, mex'eeqajunk, kanab'omaq b'an naq li Yos taaraqoq aatin, xb'aan naq tz'iib'anb'il sa' li Santil Hu: “We li eeqajunk; laa'in tinq'ajkamunq, chan li Qaawa'”.

Cheyalaq eeq'e chi k'anjelak chi maak'a' hilank, anchalaq b'an leemusiq' naq yooqex chi paab'ank; chexk'anjelaq chiru li Qaawa'.

Sa' xk'ab'a' li maatan k'eeb'il we ninye eere chejunilex ut chejunjunqal: meek'oxla eerib' naq numtajenaq eena'leb', chek'oxla b'an yal tz'aqalaj, a' yaal chanru li maatan k'eeb'il re li junjunq xb'aan li Yos sa' xk'ab'a' li xpaab'aal.

Maa'ani chereeqajun wi' li raaxiik' rik'in raaxiik'; chek'ehaq eech'ool chi xb'aanunkil li us chiruheb' chixjunil.

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

Jo'kan naq “wi taatz'okaaq li xik' na'ilok aawe, k'e chi wa'ak; wi taachaqiq re, k'e chi uk'ak. Rik'in xb'aanunkil a'in taachalq xxutaan aab'aan”.

Chetz'aama rusilal li Yos sa' xb'eeneb' li xik' neke'ilok eere; cherusilaheb' ut meemajewaheb'. Chisaho'q sa' eech'ool rik'ineb' li saheb' sa' xch'ool, chexyaab'aq rik'ineb' li yookeb' chi yaab'ak.

Chexwotzoq rik'ineb' laj santil paab'anel li wankeb' sa' rajb'al ru, chexk'ehoq ochochnaal.

Jo' chanru naq sa' jun chi tz'ejwalej wank naab'al qacha'al, ab'an chixjunil li cha'alej moko jun ajtawi' ru li xk'anjeleb', jo'kano ajwi' laa'o: naab'alo, ab'an juno ajwi' chi tz'ejwalej rik'in li Kriist, ut chiqajunilo qacha'al qib' chiqib'il qib'.