Populære bibelvers fra ROM 16

Del

Cule kan daihnak a si mi Pathian in nan ke hnuai ah Satan cu a rialdip cing ding a si. Kan Bawipa Jesuh ih zaangfahnak cu nan hnenah um ko seh.

U le nau pawl, ṭhenṭhek awknak a suahpitu le zumnak a buaitertu le nan pom ciami zirhnak a dodaltu pawl kha ralring uh tiah ka lo forh. Annih cu pawl hlah uh.

Cubangtuk thil a tuahtu pawl cu kan Bawipa Khrih hrang hnaṭuantu an si lo; an pumpi hrang ṭuantu an si. An ṭong naal le an mi porhthiamnak in zaaraan pawl cu an bum ṭheh a si.

Pathian hnenah thangṭhat sunlawinak pe uhsi. Amah cu Jesuh Khrih ih Thuthang ṭha ka aupimi le a liam ciami san tampi sungah thuh in a um naón atu-ah phuan a si mi thuthuk thawngin nan zumnak sungah hngetkhoh zetih a lo dintertu a si. Atu-ah cun cuih thutak cu profet pawl ih cangannak thawngin mi hmuahhmuah ih hmaiah langter a si zo; cule kumkhua a nungmi Pathian ih thupekmi thawngin cuih thu cu zozo khal in an zum ih an thlunnak dingah miphun hmuahhmuah hnenah phuan a si zo. Thu hmuahhmuah ah a fim ih amah lawng Pathian a si mi hnenah Jesuh Khrih thawngih thangṭhatnak cu a kumkhua in um hram seh, Amen.