Populære bibelvers fra 2 AkwaKorinte 1

Del

Ku shangariwe Nyambi, aye Tata wa Fumu wetu Yesu Krisitu, Tata o thsidirañeke no Nyambi ohengawethzo ouhe, aye oyu na tu hengawethzanga mu makando etu oahe ci natwe tu twethse ku hengawethza awa a di mu makando kohengawethzo ou naa tu pa Nyambi.

Inene dyodi tu nyandera nene Krisitu, nohengawethzo wetu dyo u kura nene ka Krisitu.

Yoshemwa, shime twaa ciyuva eci na tu ratweriwa kufa. Unone yoihe eyi shime na i tendahara ci twa cikurupera twathsinda, unone tu kurupere Nyambi oyu na pinduranga afu.

Uno honi Nyambi po yodiyo na tu thziimekanga atwe namwe mwa Krisitu. Yodiyo karo naa tu wethse, na a tu paka thsitamba ku tu tenda anuenthzi shemwa no ku paka Mupepo Oukenu mu micima thzetu kwikara thsitanarithso thseyi a kumbwethzire.

Ngeci atwepo tu nyanda twaa nyandera amwe ci mu wane ohengawethzo no kuyoyithsiwa! Inene yoihe tu hengawethziwa, natwe kenge twa ku mi hengawethza, mweyo mwaa piwa okoro o ku cithzua no ku kwata mucima o ku mu di mu makando o ku cishoka noa tu di nao.