Populære bibelvers fra A-ROMA 3

Del

Mumu eswe hanavulumuna, kanahono uhenya wa Zambi. Se hanatusambisa chawana ku vumbi lienyi, ku ukule uze uli muli Kristu Yesu

te ululi wa Zambi ku Ufulielo muli Yesu Kristu, kuli eswe, ni hali waze eswe akufuliela; mumu kulipwila chakuhi nichimwe.

yoze Zambi waselele kulutwe, akapwe kuka, ha kufuliela manyinga jenyi, ha kusolola chinyingi cha ululi wenyi ha kuzomboka milonga yize yapwile kushi, ha kulihumikiza cha Zambi. Ha kusolola chinyingi cha ululi wenyi ha mwaka uno haliapwila: hanga akasambe, akapwe mukwa kusambisa yoze uli ni Ufulielo muli Yesu.

mumu ku yitanga ya shimbi kechi kasambisa mutu niumwe kumeso jenyi; mumu ku shimbi, chinyingi cha shili muchiza.

ngwe chinasonewa ngwo, Mukwa ululi wakuhi niumwe, chipwe umuwika, ka; yoze wakunyingika wakuhi niumwe; yoze wakufupafupa Zambi wakuhi niumwe. Eswe hanahambuluka mu jila, hanapu hamuwika yisáshili; yoze wakulinga yipema wakuhi niumwe, chipwe umuwika, ka.

Kashika twakushinginyeka ngwetu, Masambisa mutu ku Ufulielo, keshi yitanga ya shimbi.

Ka, pundu; alioze Zambi apwe wamwenemwene, ni atu eswe akapwe akwa mahuza, ngwe chinasonewa ngwo, Hanga ukasambe ni maliji je, ni hanga ukakumbe muze makupatwila.