Populære bibelvers fra A-ROMA 1

Del

Mumu chishi kwivwa sonyi ha sango lipema: mumu kuliapwa je tachi ja Zambi ha ulamwino kuli mweswe mafuliela; hatangu kuli A-Yunda, ni kuli A-Ngresia nawa.

Mumu ululi wa Zambi kanausololamo wa kukatuka ku Ufulielo, wa kutwala ku Ufulielo: ngwe chinasonewa ngwo, Alioze mukwa ululi kumakenda ku Ufulielo.

Mumu chize ku kutanga cha hashi, yuma yenyi yize kuyishi kumoneka, yinamoneka pundu, se kuyinalumbunuka ku yuma yize yakutangiwa, ni tachi jenyi ja mutolo ni uzambi wenyi; hanga akaapwise keshi kaliongelo.

Mumu chipwe anyingikine Zambi, kamuchichimiekene ngwe Zambi, chipwe kasakwilile; alioze asekele mu manyonga jo, ni mbunge jo ja kuhulama jatayile.

Waze asumbakenyene umwenemwene wa Zambi ni mahuza, nikuwayila, nikulingila chuma cha kutanga, hi mwe Tangi ko, mwenawo kafumana ndo ku miaka ya mutolo. Amene.

Mumu utenu wa Zambi kuunasoloka wa kukatuka mwilu ha utanganyanyi weswe ni uhenge weswe wa atu, waze kakufungika umwenemwene ni uhenge

Ha chikuma chino Zambi waakunjikile ku kusasaminya cha sonyi: mumu mapwo jo alumwine chize chinate ni chisemewa mu chize kuchatele: chizechene malunga nawa, nikuhichika chize chinate ni mapwo, asasaminyine mu usolo wo umwe kuli mukwo ni mukwo, lunga ni lunga nikulinga sonyi, no nikutambula muli ayo ene fweto yize yinalite ni kupianguka cho. Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele

Shimbu malivulwoka akwa mana, alumukine yihepuke. Alumwine uhenya wa Zambi, yoze keshi kupola, mu kulifwa cha Chizulie cha mutu wa kupola, ni wa tujita, ni wa tushitu, ni tututu akukalala.