Populære bibelvers fra ኀበ ሰብአ ቆሮንቶስ 1 11

Del

ወከማሁ ጽዋዐኒ እምድኅረ ተደሩ ይቤሎሙ ዝ ውእቱ ጽዋዕ ዘሐዲስ ሥርዐት ውእቱ ደምየ ከመዝ ግበሩ ወሶበ ትሰትይዎ ተዘከሩኒ። አምጣነ ትበልዕዎ ለዝንቱ ኅብስት ወትሰትይዎ ለዝንቱ ጽዋዕ ሞቶ ለእግዚእነ ትዜንዉ እስከ አመ ይመጽእ።

እስመ ዘከመ ተመሀርኩ በኀበ እግዚአብሔር መሀርኩክሙ እስመ ለሊሁ እግዚእነ ኢየሱስ ክርስቶስ አመ ርእሶ ይእኅዝዎ በይእቲ ሌሊት ነሥአ ኅብስተ። አእኰተ ባረከ ወፈተተ ወይቤሎሙ ንሥኡ ብልዑ ዝ ውእቱ ሥጋየ ዘይትወሀብ በእንቲኣክሙ ወከመዝ ግበሩ ተዝካርየ።

ወይእዜኒ አመኪሮ ሰብእ ርእሶ ወአንጺሖ ይብላዕ እምውእቱ ኅብስት ወይስተይ እምውእቱ ጽዋዕ። እስመ ዘበልዖ ወዘሰትዮ እንዘ ኢይደልዎ ደይኖ ወመቅሠፍቶ በልዐ ወሰትየ ለርእሱ ለእመ ኢያእመረ ሥጋ እግዚእነ ወኢኮነ ንጹሐ ነፍሱ።

ወይእዜኒ ዘበልዖ ለዝንቱ ኅብስት ወዘሰትዮ ለዝንቱ ጽዋዕ እንዘ ኢይደልዎ ዕዳ ይትኃሠሥዎ በእንተ ሥጋሁ ወደሙ ለእግዚእነ።

ተመሰሉ ኪያየ በከመ አነ እትሜሰሎ ለክርስቶስ።