Populære bibelvers fra रोमि 12

Del

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

आम्‍नुओ तामित्‍माआ खानानिन आम्‍नुओ ऩङानुने, आम्‍नुओ दुखादा काआङ लिसानिन, अ़धुन यामारायुङ्‌सानिन।

अ़त्‍लोदाङ्‌का हारा मान्‍लिदानिन, मेन अ़नुवाक्‌आ अ़अ़त्‍पा हारा चात्‍तानुम।

अ़क्‍छा निएदा ब़ब़, नाना खोन्‍कि निछाचि सोमातुक्‍कातुक मुवानिन। खानानिन्‌दाङ्‌का च़लोक निचि साया मेत्‍तानुम्‍च़म।

सोम्‍तुक्‍मा झारा अ़छ़ङ मुने। खाक्‍को य़ङ अ़अ़त्‍पा मुयाङ, मो ऩङाछिरानुम। खाक्‍को य़ङ अ़नुवाक मुयाङ, मो मुवायुङ्‌सानुम।

लिमा ऱनालो झाराएनान सेवाङ्‌नि युङ्‌मा लामानिन।

निछाचि ओ, देम्‍खाछाङ आप्‍पि अ़फान मान्‍लात्‌दानिन, मेन निनाम्‍हाङ्‌ओ अ़चुमाइसुङ्‌दा लेत्‍तापुवानुम। देकिनालो छाप्‍तायुङ्‌सा, “अ़फान कालात अ़ङ्‌का ओ, अ़ङ्‌का अ़फान लात्‍तुङ।” नि निनाम्‍हाङ म़य़ङायुङ्‌सा।

राक्‌दा देम्‍खाछाङ देङ्‌मान्‍लादानिन, मेन हाङ्‌पा झारा साकोङ्‌वाआ ब़रानुम।

निनाम्‍हाङ्‌आ ऩपुवाङ्‌ओ अ़चुपाङ्‌आ अ़ङ्‌का खानानिन झारा लोनानिन, आप्‍पि खानानिन तोक्‍पोनि मान्‍मित्‌दानिन्‍चिन। मेन खानानिन निनाम्‍हाङ्‌आ देम च़लोक साकोङ्‌छ़ङ ऩप़न्‌युङ्‌सिन, खानानिन्‌छाङ मोन्‍तेकाङा नुलोक मित्‍माचिदोत।

खानानिन अ़त्‍लोओ अ़फान्‌दा अ़त्‍लो मान्‍च़दानिन। खाक्‍को य़ङ झारा म़नाचिओ अ़चुबुदा अ़नुवाक मुयाङ, मोदा मिन्‍मा पाक्‍तानुम।

अ़क्‍छा निएदा तोङानिन्‌कि युङानिन। तोक्‍पो मान्‍लिदानिन, मेन कासिम्‍नान्‍चिन्‌एनान तोङानिन। देम्‍खाछाङ ऱक्‍भाक मान्‍लिदानिन।

मोसोओ अ़फान्‌दा, “आम्‍ङेङ सास़याङ्‌नालो मो चान्‍तु, मो वामित्‍मास़याङ्‌नालो चाक्‌वा प़। मोत्‍नि त़च़नालो खाना मोचि लेजोआ त़सेरुखाइसुचि।”

खानानिन काल़क्‌चि आसिखा पुवानुम्‍च़म, माङ्‌मान्‍हिम्‍दानुम्‍च़म। ऩङाकानुचिएनान ऩङानुसानिन्‍चिन। काखाप्‌चिएनान खावानिन।

निनाम्‍हाङ्‌ओ अ़चुम़नाचिओ अ़चुहाप्‍मादिमादा फासानुम्‍च़म खोन्‍कि तावाङ्‌चि साऩङ्‌वा मेत्‍तायुङ्‌सानुम्‍च़म।

देत्‍नि आन्‍को अ़क्‌तात ओ आन्‍पोक्‌दा ब़द्‍धे आन्‍पोक्‍फुत्‍चि म़याक खोन्‍कि झारा पोक्‍फुत्‍चिओ अ़क्‌तात्‌ङा अ़चुकाचि अ़मुनिन, मोवात्‍निङा, आन्‍कान ब़द्‍धे याइन्‌येन्‌नुछाङ आन्‍कान ख्रिस्‍तदा अ़क पोक मुन्‌येन, खोन्‍कि झारा अ़क्‍छा निओ पोक्‍फुत्‌चि ओ।