Populære bibelvers fra रोमि 11

Del

देकिनालो झारा सामाचि खोक्‍कोएदाङ्‌का, खोक्‍कोलाम्‍पा खोन्‍कि खोक्‍कोसोओ निम्‍पाङ ओ। खोक्‍कोसोओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

आगा! निनाम्‍हाङ्‌ओ अ़चुतोक्‍मा, खोन्‍कि अ़चुखारु खोन्‍कि ताया देम तोक्‍पो ओ! खोक्‍कोसोओ अ़चुछ़ङ्‌छेन्‍माचि साङ्‌आ खालुमा ऱचि खोन्‍कि खोक्‍कोसोओ अ़चुलाम साङ्‌आ तुप्‍मा ऱ!

“साङ्‌आ हाङ्‌पाओ अ़चुमिन्‍मा सिन्‍तुयुङ्‌सु? माङ्‌लो खोक्‍कोसोओ अ़चुयायोक काप़ साङ लिसायुङ्‌सा?”

मोवात्‍निङा आइमित्‌छाङ सोम्‍तुक्‍मालाम्‍पा छेन्‍माय़ङ्‌चि म़हेनाओ अ़चुप्‍पो रुहुप म़युङ्‌याङ। मेन ओ सोम्‍तुक्‍मालाम्‍पाओ ओ, देम्‍खाछाङ काचिचिओ अ़तुक्‌वाआ माआङ। माङ्‌नालोना सोम्‍तुक्‍मा अ़नुछ्‍याओ सोम्‍तुक्‍माङा अ़लिनिन।

इस्राएलि म़नाचि जैतुनाओ अ़खेत्‌चिवाकोचिओ खोन्‍कि अब्राहाम, इसाक खोन्‍कि याकुब मो स़ङ्‌ताङ्‌ओ अ़भेन्‍चिवाको ओ। देम अ़खेत्‌चि म़ओराखारावात्‍नि देम यहुदिचिछाङ निनाम्‍हाङ अ़छिरादाकि म़खारा। मेन खाना निरावा खोक्‍लिदाओ स़ङ्‌ताङ्‌ओ अ़क्‌तात अ़खेत, मो जैतुन्‌ओ अ़खेत्‌दा त़चोक्‍तायुङ्‌सा। मोवात्‍नि हान खाना अ़क्‌तात अ़भेन्‌दाङ्‌का सावा खोन्‍कि ह़ङ्‌म़ङ्‌ओ आसिखा त़तोक्‍तु। मो म़ओराखाराओ खेत्‍चिओ अ़चुबुदा खाना च़लोक तोक्‍पो मान्‍लिदा। तोक्‍पोङा त़मुनालो ओ मित्‍तु, मो अ़भेन काक़क्‍क खाना माआङ, मेन अ़भेन्‌आ खाना त़क़क्‍क।