Populære bibelvers fra रोमि 10

Del

मो खाना “येसु अ़ङ्‌हाङ्‌पा”नि य़ङ्‌सा आम्‍दोआ त़लोउ खोन्‍कि निनाम्‍हाङ्‌आ खोक्‍को म़सुवादाओदाङ्‌का अ़खोन्‍तालोइसा निकिना आम्‍साकोङ्‌वादा साकोङ्‌छ़ङ त़मुनालो खाना ऩलेन।

देकिनालो म़नाआ अ़साकोङ्‌वाआ साकोङ्‌छ़ङ मु, खोन्‍कि मो खोप्‍लो कान, खोन्‍कि खोसाआ अ़दोआ लोउ खोन्‍कि मो अ़लेन।

मोवात्‍निङा, य़ङ्‌खान एन्‍माय़ङ्‌दाङ्‌का साकोङ्‌छ़ङ ता, खोन्‍कि य़ङ्‌खान ख्रिस्‍तओ अ़चुय़ङ एन्‍मादाङ्‌का ता।

देकिनालो साम्‍कालिन य़ङ्‌याङ, “खोक्‍कोएदा साकोङ्‌छ़ङ कामु साङ्‌छाङ लेजोदा अ़छुक्‍निन।” यहुदि खोन्‍कि ग्रिक अ़क्‌तात्‌ओसा, खोक्‍को झारासोओ अ़क्‌तात अ़चुहाङ्‌पा म़युङ्‌याङ। खोन्‍कि खोक्‍को काबुक झारा च़लोक आसिखा म़प़चि। देकिनालो साम्‍कालिन य़ङ्‌याङ, “झारा साङ्‌आ हाङ्‌पाओ अ़चुऩङ बुउ, खो निनाम्‍हाङ्‌आ अ़लेन।”

खोन्‍कि मोचि मान्‍खान्‍माङ्‌तारि मोचिआ देत्‍नि नुय़ङ्‌खान खालुमा? ओवात्‍नि छाप्‌याङ, “नुय़ङ्‌खान खाकालुचिओ अ़चुलाङ्‌चि देम खान्‍नुओ!”

मेन खोक्‍को साकोङ्‌छ़ङ मान्‍मुअ़युक, खोक्‍को म़नाचिआ देत्‍नि अ़बुक? खोन्‍कि खोक्‍कोसोओ अ़चुतुक्‌वादा देम्‍खाछाङ मान्‌एन्‌अ़युक, खोक्‍को मोचिआ देत्‍नि साकोङ्‌छ़ङ अ़मु? खोन्‍कि खाकालु मात्‍द़ङ, मोचिआ देत्‍नि अ़एन?

देकिनालो झारा साकोङ्‌छ़ङ कामु साम्‌योक्‍मि म़कान्‍ने निकिना ख्रिस्‍तआ य़ङ्‌हुप अ़तासाला।