Populære bibelvers fra Domano Ma̧ȩ 5

Del

¿Jabo tjana̧ japarëremȩde Ütë tjamo̧ judi? Tjana̧ japadëa̧, jabechji̧ a̧ro̧rȩ jabë chjai̧dëri̧ jape cjiarä jënȩ ea̧ pio ju̧i̧ ana̧ri̧ na̧rȩrëremȩdiibe Joja pio ju̧i̧ pio ibë chjiari tuti yürüa̧ oaiä. Tjamo̧ davä. Quiricho pio judi ano̧ mire ja̧bopea̧ oa jabërä tuti yürürëremȩdejȩ.

Tjamo̧ davä. Ma̧diä ma̧diä cjiarea̧ decjiari̧ jidatarea̧ chiaji̧ri̧rȩ cjo̧ro̧rea̧rȩ. Danȩrȩ, a̧ro̧rȩ jidatarea̧ decjiaji̧ri̧rȩ cjo̧ro̧chea oa yürürëremȩdiibe Ütë tjamo̧ judi jibëa̧ Tjo pio ju̧i̧. Ado Tjo tjamo̧ pio judi ji̧dë ma jo̧rȩta tänȩdiibe Ütërë ibë eapea̧ pio ju̧i̧ chjiari. Pio ju̧i̧iä jabechji̧, badëri̧ jidatarea̧ decjiari̧ jidataji̧ri̧rȩ cjo̧ro̧rea̧rȩ.

Jabo pio ju̧i̧iämo̧i̧ ma̧ chiadëri̧ cjiari̧ jo̧rȩtadërea̧rȩ jabo. Jabechji̧ a̧ro̧rȩ chjai̧dëri̧ chjätäa̧ pio ju̧i̧iäbo ma̧ chiadëri̧ cjiari̧ jo̧rȩtarea̧rȩ. Aja̧, tjamo̧ri̧ yo̧requededibe ca̧ oti̧. Pio ju̧i̧iäbo ma̧ chiadëri̧ cjiari̧ jo̧rȩtarea̧rȩ ibë chjadëri̧ a̧do tara. Jabechji̧ chjai̧dëri̧ chjätäa̧ üdë ma̧ chjua jo̧rȩtarea̧ yürü pio ju̧i̧iä chjadëri̧ a̧dodiibe. Ado a̧ro̧rȩ ma̧ chjua jo̧rȩtaji̧ri̧rȩ cjo̧ro̧rä, jabechji̧ goae tjamo̧dejȩ Ütë tjamo̧ pio ju̧i̧iä. Ado pio ju̧i̧iä ma̧ chiadëri̧ cjiamȩrȩ dadiibe. 'Aja̧, jabechji̧ ma̧ chjua jo̧rȩtaji̧ri̧rȩ cjo̧ro̧diro̧da, chjai̧dë oa chjätäräbo ma̧ chjua jo̧rȩtaji̧ri̧rȩ cjo̧ro̧diro̧da, ütëchjape jädiro̧da' quëna̧ jo̧rȩtamȩrȩ dadiibe. Ado judi pio ibë chjiari ja̧di dari̧ jo̧rȩta̧ oaiä, jabechji̧ jidatarea̧ chiaji̧ri̧rȩ cjo̧ro̧rea̧rȩ.

Pio ju̧i̧iä yaba̧, a̧ro̧rȩ Ano̧mȩ Jechu Quiricho pio ju̧i̧iäpȩmo̧ quëna̧ pio oaiä, jabechji̧parȩa̧ oa cjiarea̧rȩ Ütë tjamo̧ pio judi tänȩa̧ oa. Ado jabechji̧parȩa̧ oa cjia̧ oaiä ma̧ chjupi̧ cjiari̧ jo̧rȩtarea̧ darea̧rȩ Ütë tjamo̧ pio ju̧i̧di irä cjiarea̧mi̧ dari̧. Tjamo̧ davä. A̧ro̧rȩ Jechu pio ju̧i̧ quëna̧ oaiä, jabechji̧ Ütë tjamo̧ pio ju̧i̧iäpȩ ëba jämi̧ dari̧ japarëremȩdiibe. Aja̧, Ütërë cjäri̧ri̧ cjia da̧ chja̧oeräpȩ ano̧ mire cjo̧ro̧pea̧ oa, ëba jämi̧ dari̧ japarëremȩdiibe Ütë tjamo̧ pio ju̧i̧ nö̧ta ori̧ bagari̧ ëba cjiarea̧ dapea̧ oa. Ado pio ju̧i̧iä jabechji̧, ma̧ chiadëri̧ cjiaji̧ri̧rȩ cjo̧ro̧rea̧rȩ, jidatarea̧ chiaji̧ri̧pea̧ji̧ri̧rȩ. Tjamo̧ davä. Ütë tjamo̧ pio judimi̧ dape jäpea̧ pio ju̧i̧, jënȩ ibë ëba goapea̧ pio ju̧i̧ jidataji̧ri̧rȩ cjo̧ro̧rea̧rȩ, ma̧ chiadëri̧ cjiaji̧ri̧rȩ.

Jabechji̧ a̧ro̧rȩ ibëa̧ ma̧na̧ri̧ japea̧ oaiä chjätärea̧mi̧dërä chjadëri̧ a̧dorëremȩdiibe Quiricho judi. Ütara̧ doro pio ibë chjiari ano̧ mire ja̧borëremȩde chjai̧dëri̧ jape cjiaji̧ri̧ pio ji̧ri̧ chjiari.

Ado pio ju̧i̧ ja̧ goe oaiä jabechji̧parȩa̧ oa cjiarea̧rȩ yaba̧. Ado jabechji̧parȩa̧ oa cjia̧ oaiä, jabechji̧ Ütë ja̧ ërecjiarea̧ decjiaräpȩrea̧rȩ. Bape chjaorea̧ decjiaräpȩrea̧rȩ. Ju̧i̧ ja̧ ërecjia̧ üdë ibë acji cjatärea̧mi̧dëräpȩrea̧rȩ.

Cja̧rȩmȩ üi̧ üdë ta̧rëdiädërërea̧ oaiä chjai̧dëri̧ japaji̧ri̧ maearë cjiadiärëreji̧ri̧rea̧rȩ ütëbodärärë. Jabo ado cja̧rȩmo̧ üi̧ üdë ta̧rëdiäa̧ oaiä jabechji̧parȩa̧ oa cjiarea̧ daea̧rea̧rȩ pumȩ no̧i̧dë tjamo̧rȩ.

Ado pio ju̧i̧iä ma̧ chiadëri̧ cjiari jo̧rȩtarea̧ darea̧rȩ a̧ro̧rȩ Ütë tjamo̧ pio ju̧i̧ ja̧ queri̧räpȩ cjiami̧ dari̧ cjiaji̧ri̧pea̧ tara. Jabechji̧ Ano̧mȩ Jechu Quiricho judi pio ibë chjiari tuti japea̧ oaiä, jabechji̧ Ütë tjamo̧ pio ju̧i̧ ja̧ queri̧räpȩ cjiami̧ dari̧ cjiarea̧rȩ yaba̧, a̧ro̧rȩ jachi tjamo̧räpȩ cjiami̧ dari̧ cjiarërea̧ ji̧.