Populære bibelvers fra MATIU 3

Del

Pa-itangu bàdi wàngu pawunda-mi nyimi ba dunjaku-minjaka da njalami.

Tunaka nu rongu-nanyaka na liina i Ala, “Yiana jia-yaka na Ana pambuha-nggu. Nyuna na mali hàmuya na etinggu,” na mawàna.

Hàla parunu, i Yehu hi nadita pa-renggangu welingu la wai luku nuna. Hi jia tabunggahu biana na awangu, tàka i Yehu hi naita-ya na Ngahuna i Ala ba napuru hama tuna kulundiha-ya la tiduna.

Nyungga ku-parunu wànggai wai tandana nyimi ba dunjaku-minjaka da njalami; tàka napa na manàmu-nya ba taliu-nggu nyungga, nyuna duna na ma-parunu wànggai Ngahuna i Ala dàngu epi. Nyuna nabokulu-mapa duna welingu lai nyungga. La payiutu-nya halapa-ana nyungga yia nda ràka-mbuna.

Na kataka ninya-padua-ka la papunggu-ya na pingina na ai lundu la amu - amuna. Da pingi ai - pingi ai da manda tu wuada napa papunggu-ha hi ndauha-ha la epi.

Yiana i Yuhani jia-yaka na palana i Wunangu Yahaya la paniina, “Ninya na tau mawa - wara la maràda wara, ‘Rima-nyawa àndana i Miri; pa-linjaku-nya ngia palina Nyuna!’ ” ba wàna.