Populære bibelvers fra Tekang Kbuten 17

Del

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Là bud Abram du ne boluyem. Yó tles boluyu kóm Abraham abay se uu gónó le menmà yó kem tey dê but tau talak tonok.

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Yó bud mon Dwata mò du, “Yó hol fasadu kóm, uu se angat gónó le menmà yó kem dê but tau talak tonok.

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Tódô bud hegdufok ebè tonok Abraham. Okóm mom knulihen, yó hendemen, “Là kóen bud mngà ne yóm tau deng lematu halayen. Sélétem mom tô Sara ne igoen deng syóm folò halayen.”

Yó bud mon Dwata mò ke Abraham, “Lenwóten ni, béem bud boluy ke yehenem Saray. Yó tles boluyen Sara.Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.

Lenwóten ni, gotu tnulì ye yó kem ngà logi bélê ye deng wolu buteng le sut. Homong ye yó kem kul ngà logi yó kem hesek ye sut lem gónô ye, ne kem ngà logi yó kem hesek benli ye lemwót bè tólóng benwu. Yóm nmò ye ni mò ilô yóm deng kesfasad te.

Okóm bè yóm ngaem Isak, yóm ngà angat sut gu bè Sara halay hulin, béléen gónóhu hlan du yóm fasadu.”

Lenwóten ni, gotu tnulì ye yó kem ngà logi bélê ye deng wolu buteng le sut. Homong ye yó kem kul ngà logi yó kem hesek ye sut lem gónô ye, ne kem ngà logi yó kem hesek benli ye lemwót bè tólóng benwu. Yóm nmò ye ni mò ilô yóm deng kesfasad te. Tódô kdéen ngà logi bélê ye gotu tnulì ye lu. Ni se ilô bè lówó ye mò gónón gfan yóm klaen dù sónen yóm deng kesfasad te.