Populære bibelvers fra NINGPAWT NINGHPANG 35

Del

Bai Karai Kasang gaw, Chyahtum chyalai n-gun rawng ai Karai Kasang ngai rai nga nngai; mayat maya nna law htam wa u; amyu langai sha n-ga, amyu baw law law nang hta na tai na ra ai rai nna, na nshang na hkawhkam hkawseng mung hkrat shajang na mara ai. Abraham hte Isak hpe ngai jaw mawe ai lamu ga, nang hte na a amyu matu ni hpe mung ngai jaw na made ai, ngu nna shi hpe tsun wu ai.

Behtela de lung wa na anhte rawt saga; ngai kyin dut ai nhtoi e ngai hpe htan ya nna, ngai hkawm sa ai lam hta ngai hte rau nga ai Karai Kasang a matu, dai kaw e ngai tawn hkungri galaw na we ai, ngu wu ai.

Shaman ai hta Karai Kasang gaw, Na amying Yaku rai nga lit dai; ya hpang de na amying Yaku ngu na n rai, Israela she ngu na rai lit dai, nga nna shi hpe Israela ngu shamying da wu ai.

Dai rai nna Yaku gaw shi a nta masha ni hte shi kaw nga ai ni mahkra hte hpe, Nanhte lu ai hpara tsasam ni hpe shapraw kau mu; tinang hkum tinang shachyoi shapra nna hpun palawng galai mu.

Dai hpang Karai Kasang gaw Yaku hpe, Rawt u, Behtela de lung wa nna dai yang e nga nga u; na nhpu Esaw kaw na nang hprawng ai shaloi, nang kaw paw pru ai Karai Kasang a matu tawn hkungri galaw u, ngu nna tsun wu ai.

Rahkela gaw, si htan mat wa ai rai nna shi a nsoi nsa hkyet mat wa nga yang, dai ma hpe Ben-uni ngu nna shamying wu ai: kawa chyawm gaw shi hpe Ben-yamin ngu nna shamying wu ai.