Populære bibelvers fra Rimlianenge 8

Del

Ne ame džinása, so kon rikiréla syr Drógima Devlés dro péskiro iló i konés khardé pir Léskiro uphenybén, odolén Devél lydžála sarén ke baht.

I me mištés džinóm, so ni meribén, ni džiibén, ni Jangóly, ni anglypyna, ni dová, so isyn kakaná, ni dová, so javéla angíl; ni vučipén, ni xoripén, nisó javír, so isyn džidó pe saró parnó svéto, na moginéla te terdjol maškír aménde i Devléskiri láska dre Isusóste Xristosóste, amaré Raste-Devléste.

Adiáke-pac' i Dúho (Fáno) podrikiréla amen dre amaró bizorjakiriben; ame na džinása, pal so i syr trej te mangaspe Devléske, ne Dúho kokoró mangéla Devlés pal dová, so amaré lavá isyn na dre zor te piridel.

So ame tedy phenása pe davá? Kóli Devél isyn pal aménde, tedy kon isyn proti aménde?

Tedy, nane kakaná nisavó obrakiriben vaš odolénge, savé dživéna dre Isusóste Xristosóste na pir loč (plot'), a pir Dúho (Fáno).

Pal-dová so ločákire-grehóskire Manušéskiro tyrdypén lydžála ke meribén, a Duhoskiro tyrdypén déla džiibén i ramánjo (miro).

Ne saró davá ame pirizorjakirasa Odoleskire zorjása, Konéske adiáke drieván ame jaciám dróga.

Paldavá me duminava, so adadyvesatuno amaró piridživiben nisó na mol angíl daja sláva, saví otčhakirelape aménge.

Kon terdjola maškír aménde i Xristososkiri láska? Piridživiben, ci pharipén, ci tradypen, ci nangipén, ci dar, ci meribén?

A Odová, Kon probinela ile, džinéla, pal so Dúho (Fáno) mangéla, pal-dová so Jov mangelape pal sventonende pir Devléskiri vólia.

pal-dová so saré, kon keréla pir Devléskiro Dúho (Fáno), isyn čačuné Devléskire Čhavé.

Pal-dová so, kon dživéla pir ločákiro tyrdypén, odová i duminéla pal loč, a kon dživéla pir Dúho (Fáno), odová duminéla i pal Dúho (Fáno).

Odová, Kon na tangindia Péskire Čhavés, ne Jov otdyjá Les pal sarénde aménde, ci na darinela Jov adiáke-pac' aménge khetané Lésa saró?

Devléskiro Dúho (Fáno) dophenéla khetané amaré duhósa pal dová, so ame sam Devléskire čhavé. Ne kóli ame sam Léskire čhavé, tedy aménde isyn paš dro meknó mištypén Devléskiro i paš dro Xristosóskiro meknó mištypén, kóli ame čačunés Lésa menčynasape, sob (kaj) khetané Lésa adiáke-pac' te proslavinaspe.

Pal-dová so ločakire-grehoskire-manušéskiro tyrdypén isyn proti Devléste: jone ž na kandéna Devléskiro Zakóno, i jone na moginéna te kandén

Paldavá kažno džidó sozdyiben pe phuv, baré nadejasa užakiréla, kiéli Devléskire čhavé javéna xulaja pir svéto

Paldavá ame džinása, so saró davá džidó sozdyiben ke davá časo déla gódla dre mén'ki, sýrby angíl dová, syr čhavoró bijandjola.