Populære bibelvers fra دَرگوَز 9

Del

بله ترا پمێشکا زندگا اِشتُن که وتی زۆر و واکا ترا پێش بداران و سجّهێن جهانا منی نامئے جار جنَگ ببیت.

هُداوندا گۆن موسّایا گوَشت: ”پِرئونئے کرّا برئو و گۆن آییا بگوَش: ’هُداوند، اِبرانیانی هُدا چُشَ گوَشیت: ”منی مهلوکا بِلّ که رئوت و منا پرستشَ کنت.

چێا که اگن من بلۆٹتێن، دێری وتی دستُن شهار داتگ‌اَت و تئیی و تئیی مردمانی سرا کَهرے دئور داتگ‌اَت و تئو چه جهانا گار و گُمسار بوتگ‌اَتئے.

هُداوند دستا شهارَ دنت و کَهچران، تئیی مال و دَلوَتانی سرا سکّێن گرانێن وباے دئورَ دنت، تئیی هر و اَسپ و اُشتر و پَس و گۆکانی سرا. بله هُداوند اِسراییلی و مِسریانی مال و دَلوَتانی نیاما پرک و پێرَ کنت و چه اِسراییلیانی مال و دَلوَتان یکّے هم نمریت.“‘“

بچار، باندا همے وهدا من اَنچێن تْرندێن ترۆنگلے گوارێنان که چه اِد و پێش مِسرا هچبر نبوتگ، چه هما وهدا بگر که مِسرئے بُنپد اێر کنگ بوتگ تان رۆچِ مرۆچیگا. نون هُکم دئے که تئیی هما مال و دَلوَت و اے دگه سجّهێن چیزّ که ڈَنّا اَنت، آیان پناهێن جاگهے ببرنت. هر مردم و دَلوَت که ڈَنّا بوت و پناه کنگ نبوت، اے ترۆنگل آییا لگّنت و آ مِریت.“‘“

اے پُر دنزَ بنت و سجّهێن مِسرئے مُلکئے سرا مانَ شاننت و سجّهێن مِسرا انسان و جانوَرانی جانا آبلَهێن رێش و سۆم پێدا کننت.“ موسّا و هارونا چه کورَهێا پُر زرت و پِرئونئے دێما اۆشتاتنت. موسّایا پُر آسمانئے نێمگا شانک داتنت و اے پُران انسان و جانوَرانی جانا آبلَهێن رێش و سۆم پێدا کرت.