Korint I 2
2
1Be io da gin meher ndro mu, mu ndere hian, io de gin bohernou le ndro mu le longu ber boan ndoun ndoun bui, io de gin bohernou le ndro mu le nongen dsoln bugane, dege su ndremda hernou su gin hinen i. 2Be io gin meher ndro mu, io ha leng bohernou le ndro mu longu le Jesu Kristo ge, su da gin dadhe i le gei. 3Ndangen io da heb ndoa bui, io gin rerr, io gin noh, debosan io bosoui le ndro mu longu hendr e hendr molhege. 4Io da gin bohernou le ndro mu le bern asu ndremda hernou bui, io da gin bohernou le ndro mu gle ndoui ad Meluan Helian, gle ndoui ber lang. 5Io ha leng, mu boro nongen le Jesu gle ndoui ad Meluan Helian, aga ndoui ad Jehova ge, io mbuere, mu da hanguruen nongen asu ndramed molhe. 6Nongen adu, iou da gin boharni le ndro mu, aga nongen molhe bui, i nongen hian ge le ndro su, dansu le longu ber lang. Aga nongen molhe le longu hendr e hendr ber boan bugane, aga nongen le su ndorlaben ber gor boan bui, aga nongen molhege i na glos. 7Bugane, iou bohernou logu le Jehova, aga nongen hian ge su gin nhui, su gin gorni goru, malabo i gin boharni le ndro du nongen ogo. 8Su ndorlaben ber gor boan dansu le longu ogo bui. Be dansu i, su de dadhe Jesu le gei bui. 9Iou da bohernou, dege hom gin hondre goru: Begmarn ad homo de gin ilndri masou, delengan ad homo de gin hirong i masou, bergoln ad hom ndramed de gin hanguruen i masou, gle memrad, Jehova i da beg hengen le ndro su, su da golnisden i. 10Jehova i gin boharni le ndro du longu ogo le ndoui ad Meluan Helian. Meluan Helian i danen longu masigane, i danen longu masi ad Jehova lie. 11Sehe ndramed i danen bergoln ad hom ndramed, meluan ad ndramed ge, i danen i. Dagara homo i de danen longu le Jehova bui, Meluan ad Jehova ge danen i. 12Ndorlaben de gin hengen me ndro du meluasu ndramed ber boan bui, i gin ilgi le bergoldu meluan ad Jehova ge. Dandu malabo memrad masi Jehova da gin daui me ndro du. 13Le longu ogo iou da bohernou aga nongen dege su ndremda hernou ber boan su bosoui i, bui, aga nongen, Meluan Helian i da gin daui me ndro du. Nongen adu, aga nongen ad Meluan Helian, aga nongen le longu ber lang. 14Hom ndramed molhe ber boan i de danen i memrad ad Meluan Jehova bui, i hanguruen longu ber lang, aga molhege, i de danen i bui, Meluan Helian de gin boharni le ndro i bugane. 15Hom ndramed, Meluan ad Jehova i da le bergoln, i da hanguruen monen ge le longu masi ber boan, ma homo asu ndramed ber boan i de danen i bui, ndramed ogo i dirbe. 16Dege homo gin bai: Sie i danen hanguruen ad Ndorlaben, sie danen henunuen i le longu hendr e hendr? Hanguruen ad Jesu Kristo i da le bergoldu.
Nu geselecteerd:
Korint I 2: LLENT
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Published by the British and Foreign Bible Society 1956