Populaire Bijbelverzen uit ROM 11

Delen

Aɗaba iin wa vǝrɗya dǝgitah baɗǝmma, dlaɓa baɗǝm dǝgitah ɓagaa ba nǝ iin kiyavaana. Ndanngǝr kǝ Daadamazhigǝl ba tanngw damma zǝrazǝra! Andz bandkwaha.

Bak kǝ jiijiira maay ghaala tlaɗɗa dabariya Daadamazhigǝl ard sǝrgasǝrgaan biya! Tlaɗɗǝra sǝrgasǝrgaan maay ghaalaan biya, shariyahi ɓag nǝ iin hǝgga bi shigaan biya, dǝgitahi ɓag nǝ iin juujig kǝ sǝrgasǝrga uuda!

War wa tapǝghanatapǝg kǝ sǝrga dzamaghǝra Yaazhigǝli? War wa tapǝghanatapǝg kǝ nǝg kǝ tsaghwa sawariya nii?

Bandkwah dlaɓ ma ndzǝgana haniina. Mǝnng kyalma uudaha Israˈila kwa dzǝrghaaka Daadamazhigǝl tǝdvad hɛrǝrraana. Kwan kǝ dzǝrgǝna, dzǝrghaaka kwakyarvad hɛrrǝraan Daadamazhigǝla, kwakyarvad tlǝrahi ɓag nǝ uudah biya. Akwa maa maay ǝndkwah biya, ma nǝgal bi hɛrǝrǝn kǝ hɛrǝr biya.

Akwama kalavdakǝlǝg kyalma dǝvvaha uufa zaituna hǝnnyaha, kǝlǝvdaa dǝvva uufa zaituna tǝghal matlǝvtǝrǝt ǝmtaɗ dǝ dǝga hǝnnyaha. Kuramǝn am Yahudahǝn biya, am band dǝvva uufa zaituna tǝghalǝn nǝ uurama, kuram wa matlakurǝt nǝ uud dǝ dǝga hǝnnyaha, kwa iitǝr Yahudaha, kwam tlamkǝna nǝ uuram kǝ jiɗǝg tǝdvad tlaliya uufa hǝnnyaha. Mbakyarvad kwaha, tsam bi kǝ kusǝgha taakiya jamujig nǝ uuram kǝ kyalǝma dǝvvaha uufǝn kalavdanǝn biya. Akwama am tsa kusǝgha, am dzamnan taakiya uufǝn bi wa tsaghǝr tǝ kuram biya, bamma kuram wa tsaghǝr tǝ ndatsa uufiina.