Populaire Bijbelverzen uit Откровение 8

Delen

Пынъӣӷаҳа̄м қылъпыҳтақңамигу ма̄ӷраӷвинлӣтаңа печатылъҳым, қилягми қалъыгнаниӷўа̄ӷутут ынтақун афлъюм авылъҳатун тахка̄н.

Сивулӣм яқулгым қалӷиҳта̄тни қалӷиҳта̄. Та̄хкын кафтыкшаклъю, кынықлъю акумлютык а̄ўмың нунамун милю̄тахкыт. Ынка̄м пиңаюҳқылъҳа нунам паныҳтуқ, пиңаюҳқылъҳитлъю уқфигыт паныҳтут, қамахлъютыңлъю сюңаӷьюлӷӣт выга̄ӷыт паныҳтут.

Ысҳаӷақалъю, нагақуӷақалъю қаўа̄хпак тыңа̄лӷӣ қӯлвани, игляхтулюни пилӷӣ: «Сыӷлыӷўа̄ӷунақңӯқ! Сыӷлыӷўа̄ӷунақңӯқ! Сыӷлыӷўа̄ӷунақңӯқ! Киңулӣт пиңают яқулгыт қалӷиҳнақыхкумыхтыки қалӷиҳта̄тытың, та̄хкын ынңа̄талъ сыӷлыпыста̄ӷунақңӯқ югнун нунами кияҳлъыҳӣт тама̄ни пилъыӷни!»

Тӯңлиҳа̄н яқулгым қалӷиҳта̄тни қалӷиҳта̄. Та̄хкын сяңўа̄ на̄йӷаҳлъяхсюгнилңуқ кумаӷугңалӷӣ, милю̄та̄т кылъӣнун. Ынка̄м пиңаюҳқылъҳа кылъӣм а̄ўгуҳтуқ.

Пиңайӣтаңита яқулгым қалӷиҳта̄тни қалӷиҳта̄. Та̄хкын иӷалықыта̄ҳлъяк, кумаӷуӷңалӷӣ нанистун, қилягамың ифкаҳтуқ пиңаюҳқылъҳитхун кӣўытлъю, сыңъулӷӣтлъю мыӷыт. А̄тҳа иӷалықыта̄ӷым «Сюңаӷни». Пиңаюҳқылъҳа мыӷым сюңаӷниҳтыкақ ынка̄м юлӷутыҳлъягыт мыӷлютың туқукат қаюҳлъяк мық сюңаӷниҳтыка̄лӷӣ.

Стамӣтаңита яқулгым қалӷиҳта̄тни қалӷиҳта̄. Та̄хкын ся̄м тынпӣ сиқинық, танқиқ, иӷалықата̄ӷытлъю, ынка̄м пиңаюҳқылъҳи мамлыхтӣ. Пиңаюҳқылъҳа аӷныӷым мамлыхта̄, пиңаюҳқылъҳалъю унугым.