Populaire Bijbelverzen uit O KELUARAN 3

Delen

Ma Jou Madutu wato, ”Ngohi ganga NGOHI NAGA. Nënanga doka kokiani ngona nahetongo o Israel ma nyawaika. Unanga iwi heto-hetongo NGOHI NAGA, wohi hulokoka nginika.

Ma Jou Madutu wï baluhu, ”Ngohi aha tonï riwo ngona. Deʼ nako o Israeloka gënanga na aoka nahi hupu o Mesir mabereraka, ngini aha nihi horomati nihi puji Ngohino ol̄oku oka nënanga. Genanga ma nonako inyata Ngohi toni huloko ngona.”

Daha ma Jou Madutu wïtemo, ”Uha nomahi tigi-tigino. Ani sandal nahuputu, hababu ngona noma okoino o tonaka itebi-tebinoka.

Daha ma Jou wïtemo, ”Ngohi tämakeoka Ahi umati manga huha deʼ manga hangihara o Mesir mabereraka, deʼ Toihenoka toönanga manga böaka yogahoko yähibebasi deʼ o nyawa yadodiai o huha deʼ o hangihara. Igou-goungu, Ngohi tohi öriki mata-mata toönanga manga hangihara. Hababu gënanga Ngohi touti mangale tahibebasi önanga o Mesir manyawa manga giama mahoatoka deʼ Ta ao önanga yohupu o bereraino gënanga yödumutu o berera moi ilua-luasi. Matonaka ikaya deʼ iburere, deʼ öraha nanga o Kanaan manyawa, o Het manyawa, o Amori, o Feris, o Hewi deʼ o Jebusi manyawa yögogere.

Genangokadau ma Jou Ai malaekat womahi matoko ai diri unangika o uku itoka-tokara magoronaka ihupu omomo igogol̄owa marubu-rubuino. O Musa wamake o momo igogol̄owa gënanga itoka-tokara, mäkoyö ukua.

Oraha nanga Ngohi tonihuloko la nïhimanga o Mesir manga koano hupaya ngona yakunu nätuda Ahi umati yohupu deʼ o berera nënanga.”