खोज परिणाम: 1 Chronicles 15
१ शमूएल 15:1 (NNRV)
शमूएलले शाऊललाई भने, “परमप्रभुले तपाईंलाई इस्राएलमाथि राजा अभिषेक गर्न भनी मलाई पठाउनुभयो। अब परमप्रभुको वचन ध्यान दिएर सुन्नुहोस्।
१ शमूएल 15:2 (NNRV)
सर्वशक्तिमान् परमप्रभु भन्नुहुन्छ: ‘मिश्रदेशबाट इस्राएल उक्लेर आउँदा अमालेकीहरूले इस्राएललाई आक्रमण गरे। यसकारण त्यसको निम्ति अमालेकीहरूलाई दण्ड दिने निश्चय मैले गरेको छु’।
१ राजाहरू 15:19 (NNRV)
“मेरा पिता र तपाईंका पिताका बीचमा सन्धि भएझैँ म र तपाईंका बीचमा सन्धि होस्। हेर्नुहोस्, म सुन र चाँदीको यो कोसेली पठाउँदैछु। अब इस्राएलका राजा बाशासितका तपाईंको सन्धि तोड्नुहोस्, र तिनी मबाट फर्केर जाऊन्।”
१ राजाहरू 15:20 (NNRV)
आसासित बेन-हदद सहमत भए, र उनले आफ्ना फौजका सेनापतिहरूलाई इस्राएलका सहरहरूका विरुद्धमा पठाए। उनले इयोन, दान, हाबिल-बेथ-माका र नप्तालीसमेत सबै किन्नरेत विजय गरे।
१ राजाहरू 15:21 (NNRV)
जब बाशाले यो कुरा सुने, तब तिनले रामालाई निर्माण गर्न छोड़िदिए, र तिर्सामा फर्केर गए।
१ राजाहरू 15:22 (NNRV)
तब आसा राजाले सारा यहूदालाई एउटा हुकुम दिए— कसैलाई पनि नछोड़ीकन— र तिनीहरूले त्यहाँ बाशाले प्रयोग गरेका ढुङ्गा र काठहरू लगे। ती ढुङ्गा र काठहरू प्रयोग गरेर आसा राजाले बेन्यामीनको गेबा र मिस्पालाई पनि निर्माण गरे।
१ राजाहरू 15:23 (NNRV)
आसाको राजकालका अरू घटनाहरू र तिनका सबै उपलब्धिहरू, र तिनले गरेका सबै कार्यहरू र निर्माण गरेका सहरहरू के ती यहूदाका राजाहरूका इतिहासको पुस्तकमा लेखिएका छैनन् र? तापनि तिनको वृद्धावस्थामा बिरामीले गर्दा तिनका खुट्टा कूँजा भए।
१ राजाहरू 15:24 (NNRV)
तब आसा आफ्ना पित्रहरूसित सुते, र तिनका पुर्खा दाऊदको सहरमा तिनीहरूसँग तिनी गाड़िए। अनि तिनीपछि तिनका छोरा यहोशापात राजा भए।
१ राजाहरू 15:25 (NNRV)
यहूदाका राजा आसाको दोस्रो वर्षमा यारोबामका छोरा नादाब इस्राएलका राजा भए। तिनले इस्राएलमा दुई वर्ष राज्य गरे।
१ राजाहरू 15:26 (NNRV)
तिनले परमप्रभुको दृष्टिमा जे कुरा खराब थियो त्यही गरे, र इस्राएललाई तिनका पिताले गर्न लाएका पापमा चलेर तिनकै चालमा तिनी हिँड़े।
१ राजाहरू 15:27 (NNRV)
इस्साखारको घरानाका अहियाहका छोरा बाशाले तिनको विरुद्धमा षड्यन्त्र रचे, र नादाब र सबै इस्राएलले घेरिराखेको पलिश्तीहरूको सहर गिब्बतोनमा तिनलाई हिर्काएर मारे।
१ राजाहरू 15:28 (NNRV)
यहूदाका राजा आसाको तेस्रो वर्षमा बाशाले नादाबलाई मारे, र तिनीपछि राजा भए।
१ राजाहरू 15:29 (NNRV)
तिनी राजा हुने बित्तिकै तिनले यारोबामका जम्मै परिवारलाई मारे। यारोबामको कुनै जीवित प्राणीलाई तिनले छोड़ेनन्, तर तिनीहरू जम्मैलाई सर्वनाश गरे। यसरी आफ्ना दास शीलोका अहियाहद्वारा भन्नुभएको परमप्रभुको वचन पूरा भयो।
१ राजाहरू 15:30 (NNRV)
यारोबामले गरेका पापहरू र तिनले इस्राएललाई गर्न लाएका पापहरूको कारण, र तिनले परमप्रभु इस्राएलका परमेश्वरलाई रीस उठाएको कारण यो भएको थियो।
१ राजाहरू 15:31 (NNRV)
नादाबको राजकालका अरू घटनाहरू र तिनले गरेका सबै कार्यहरू के ती इस्राएलका राजाहरूका इतिहासको पुस्तकमा लेखिएका छैनन् र?
१ राजाहरू 15:32 (NNRV)
आफ्ना सारा राजकालभरि नै आसा र इस्राएलका राजा बाशाका बीचमा युद्ध भइरह्यो।
१ राजाहरू 15:33 (NNRV)
यहूदाका राजा आसाको तेस्रो वर्षमा अहियाहका छोरा बाशा तिर्सामा सारा इस्राएलका राजा भए, र तिनले चौबीस वर्ष राज्य गरे।
१ राजाहरू 15:34 (NNRV)
यारोबामकै चालहरूमा चलेर, र तिनले इस्राएलीहरूलाई गर्न लाएका पापहरू गरेर तिनले परमप्रभुको दृष्टिमा जे कुरा खराब थिए ती गरे।
१ इतिहास 15:1 (NNRV)
दाऊदले आफ्नो निम्ति दाऊदको सहरमा भवनहरू बनाए, अनि परमेश्वरका सन्दूकको निम्ति एउटा ठाउँ तयार गरेर त्यसको लागि एउटा पाल टाँगे।
१ इतिहास 15:2 (NNRV)
त्यसपछि लेवीहरूले मात्र परमेश्वरको सन्दूक बोक्नुपर्छ भनी तिनले उर्दी दिए। किनभने तिनीहरू नै त्यो बोक्न र सधैँ उहाँको सेवा गर्न चुनिएका थिए।
१ इतिहास 15:3 (NNRV)
तब त्यसको निम्ति तयार गरिएको ठाउँमा परमप्रभुको सन्दूक ल्याउन दाऊदले सबै इस्राएलीहरूलाई यरूशलेममा भेला गराए।
१ इतिहास 15:4 (NNRV)
तिनले हारूनका सन्तानहरू र लेवीहरूलाई एकसाथ भेला गराए:
१ इतिहास 15:5 (NNRV)
कहातका सन्तानबाट: उरीएलचाहिँ मुखिया र तिनका कुटुम्बहरू १२० जना।
१ इतिहास 15:6 (NNRV)
मरारीका सन्तानबाट: असायाहचाहिँ मुखिया र तिनका कुटुम्बहरू २२० जना।
१ इतिहास 15:7 (NNRV)
गेर्शोनका सन्तानबाट: योएलचाहिँ मुखिया र तिनका कुटुम्बहरू १३० जना।