सपन्याह 1:10-12
सपन्याह 1:10-12 नेपाली नयाँ संशोधित संस्करण (NNRV)
परमप्रभु भन्नुहुन्छ, “त्यस दिन माछा ढोकाबाट पुकारा, नयाँ टोलबाट रुवाबासी, र डाँड़ाहरूबाट ठूलो आवाज मास्तिर जानेछन्। हे बजार भएको ठाउँमा बस्ने हो, चिच्च्याएर रोओ। तिमीहरूका सबै व्यापारीहरू खतम हुनेछन्, चाँदीका व्यापार गर्नेहरू सबै नष्ट हुनेछन्। त्यस बेला बत्ती बालेर म यरूशलेमलाई खोज्नेछु, र ढुक्क भएर बस्नेहरूलाई, थिग्रो भएर बसेको दाखमद्यजस्तै हुनेहरूलाई, र ‘परमप्रभुले न त असल न खराब गर्नुहुन्छ’ भनी विचार गर्नेहरूलाई म सजाय दिनेछु।
सपन्याह 1:10-12 पवित्र बाइबल, नेपाली समकालीन संस्करण (NCV)
“त्यस दिन” याहवेह भन्नुहुन्छ, “माछा मूलढोकाबाट रुवाबासी सुनिनेछ; सहरका नयाँ टोलबाट विलाप र डाँडाहरूबाट ठूलो आवाज सुनिनेछ। तिमी बजारमा बास बस्नेहरू, विलाप गर; तिम्रा सारा व्यापारीहरूको नामनिशानै मेटिनेछन्, चाँदीका व्यापार गर्नेहरू सबै नाश हुनेछन्। त्यस बेला म यरूशलेमलाई बत्ती बालेर खोज्नेछु, र आफैँमा ढुक्क भएर बस्नेहरू, जो मद्यका थिग्राजस्तै छन्, जसले, ‘याहवेहले न असल, न त खराब नै गर्नुहुन्छ’ भन्नेहरूलाई दण्ड दिनेछु।
सपन्याह 1:10-12 पवित्र बाइबल (NERV)
परमप्रभु यसो भन्नुहुन्छ, “त्यस समय मानिसहरू यरूशलेमको माछा ढोकामा सहायताको निम्ति रूँदै बोलाई रहेका हुनेछन्। तिनीहरू शहरको अरू भागमा पनि रोइरहेका हुनेछन्। अनि सामानहरू भत्किरहेको भयानक आवाज जस्तै पहाडबाट शहर वरिपरि सुनिने छ। शहरको तल्लो भागमा बस्ने मानिसहरू पनि चिच्याउनेछन्। किनकि व्यापारीहरू अनि धनी व्यापारी नष्ट हुनेछन्। “त्यस समय, म एउटा बत्ती लिएर यरूशलेममा गएर खोज्नेछु। म ती सबैलाई खोज्नेछु जो आफ्नो तरीकाले बाँच्नमा सन्तुष्ट छन्। उनीहरू भन्छन्, ‘परमप्रभुले केही गर्नुहुन्न। उहाँले न त सहायता नै गर्नु हुन्छ न चोट नै पुर्याउनु हुन्छ।’ म तिनीहरूको खोजि गर्नेछु, उहाँले ती सबैलाई दण्ड दिनु हुन्छ।
सपन्याह 1:10-12 सरल नेपाली पवित्र बाइबल (सरल नेपाली)
परमप्रभु भन्नुहुन्छ, “त्यस दिन यरूशलेमको माछा ढोकामा रुवावासी चलेको सुन्नेछौ। सहरको नयाँ टोलमा विलाप गरेको सुनिन्छ र डाँडा-डाँडामा भयानक आवाज सुनिनेछ। बजारमा बस्नेहरूचाहिँ विलाप गर्दै रोओ किनभने व्यापारीहरू सबै मरिसकेका हुनेछन्। “त्यस बेला हातमा बत्ती लिएर म यरूशलेममा खोजी गर्नेछु। आफैंमा सन्तोष गरी ढुक्क भई बस्ने र मनमा ‘परमप्रभुले असल या खराब केही गर्नुहुन्न’ भन्ने मानिसहरूलाई म दण्ड दिनेछु।