भजनसंग्रह 2:2-4

शेयर गर्नुहोस्

भजनसंग्रह 2:2-4 नेपाली नयाँ संशोधित संस्करण (NNRV)

परमप्रभु र उहाँका अभिषिक्त जनको विरुद्धमा पृथ्‍वीका राजाहरू खड़ा हुन्‍छन्‌, र शासकहरू आपसमा सल्‍लाह गर्छन्‌। तिनीहरू भन्‍छन्‌, “हामी उनीहरूका साङ्‌लाहरू छिनालौं,” “र उनीहरूका बन्‍धनहरू फुकाऔं।” स्‍वर्गमा विराजमान हुनुहुनेचाहिँ हाँस्‍नुहुन्‍छ, परमप्रभुले तिनीहरूको उपहास गर्नुहुन्‍छ।

भजनसंग्रह 2:2-4 पवित्र बाइबल, नेपाली समकालीन संस्करण (NCV)

याहवेह र उहाँका अभिषिक्त जनका विरुद्धमा पृथ्वीका राजाहरू खडा हुन्छन्, र शासकहरू एकजुट भएर भेला भएका छन्। तिनीहरू यसो भन्छन्, “आओ, हामी तिनीहरूका साङ्लाहरू छिनालौँ, र तिनीहरूका बन्धनहरू फुकालौँ।” स्वर्गमा विराजमान हुनुहुनेचाहिँ हाँस्‍नुहुन्छ; प्रभुले तिनीहरूको उपहास गर्नुहुन्छ।

भजनसंग्रह 2:2-4 पवित्र बाइबल (NERV)

तिनीहरूका राजाहरू र अगुवाहरू परमप्रभुको विरूद्ध र उहाँले रोजेका राजाको विरूद्धमा युद्ध गर्न एकजुट भए। ती अगुवाहरूले भने, “परमेश्वर र आफूले रोजेका राजाको विरूद्ध विद्रोह गरौं, तिनीहरूबाट अलग हौं।” तर मेरा स्वामी, स्वर्गका राजा ती मानिसहरू प्रति हाँस्नुहुन्छ। परमप्रभुले तिनीहरूलाई हाँसोको पात्र बनाउनु हुन्छ।

भजनसंग्रह 2:2-4 सरल नेपाली पवित्र बाइबल (सरल नेपाली)

तिनीहरूका राजाहरूले विद्रोह गर्छन्, तिनीहरूका शासकहरूले परमप्रभुको विरुद्ध र उहाँले चुन्‍नुभएको राजाको विरुद्ध जाल रच्‍छन्। “तिनीहरूका राज्‍यदेखि हामी छुटौं; तिनीहरूको बन्‍धन फालिदिऔं,” भनी तिनीहरू भन्‍छन्। स्‍वर्गमा आफ्‍नो सिंहासनबाट परमप्रभु हाँस्‍नुहुन्‍छ र तिनीहरूका कमजोर युक्तिलाई खिसी गर्नुहुन्‍छ।