भजनसंग्रह 136:1-12
भजनसंग्रह 136:1-12 नेपाली नयाँ संशोधित संस्करण (NNRV)
परमप्रभुलाई धन्यवाद देओ, किनभने उहाँ भलो हुनुहुन्छ, उहाँको प्रेम अनन्तकालसम्म रहिरहन्छ। देवताहरूका परमेश्वरलाई धन्यवाद देओ, उहाँको प्रेम अनन्तकालसम्म रहिरहन्छ। प्रभुहरूका परमप्रभुलाई धन्यवाद देओ, किनभने उहाँको प्रेम अनन्तकालसम्म रहिरहन्छ। उहाँले मात्र आश्चर्य कामहरू गर्नुहुन्छ: उहाँको प्रेम अनन्तकालसम्म रहिरहन्छ। उहाँले आफ्नो समझशक्तिले स्वर्ग सृष्टि गर्नुभयो: उहाँको प्रेम अनन्तकालसम्म रहिरहन्छ। उहाँले पानीमाथि पृथ्वी फैलाउनुभयो: उहाँको प्रेम अनन्तकालसम्म रहिरहन्छ। उहाँले ठूला-ठूला ज्योतिहरू बनाउनुभयो: उहाँको प्रेम सदाकाल रहिरहन्छ। उहाँले दिनमा प्रभुत्व गर्नलाई सूर्य बनाउनुभयो: उहाँको प्रेम अनन्तकालसम्म रहिरहन्छ। उहाँले रातमा प्रभुत्व गर्नलाई चन्द्र र तारा बनाउनुभयो: उहाँको प्रेम अनन्तकालसम्म रहिरहन्छ। उहाँले मिश्रदेशका ज्येष्ठहरूलाई मार्नुभयो: उहाँको प्रेम अनन्तकालसम्म रहिरहन्छ। उहाँले उनीहरूका बीचबाट इस्राएललाई निकाली ल्याउनुभयो: उहाँको प्रेम अनन्तकालसम्म रहिरहन्छ। उहाँले शक्तिशाली हात र पसार्नुभएको पाखुराले तिनीहरूलाई निकाली ल्याउनुभयो: उहाँको प्रेम अनन्तकालसम्म रहिरहन्छ।
भजनसंग्रह 136:1-12 पवित्र बाइबल, नेपाली समकालीन संस्करण (NCV)
याहवेहलाई धन्यवाद देओ, किनकि उहाँ भलो हुनुहुन्छ। उहाँको अचुक प्रेम सदासर्वदा रहिरहन्छ। देवताहरूका परमेश्वरलाई धन्यवाद देओ; उहाँको अचुक प्रेम सदासर्वदा रहिरहन्छ। प्रभुहरूका प्रभुलाई धन्यवाद देओ: उहाँको अचुक प्रेम सदासर्वदा रहिरहन्छ। उहाँलाई धन्यवाद देओ, उहाँले मात्र ठूला अद्भुत कार्यहरू गर्नुहुन्छ; उहाँको अचुक प्रेम सदासर्वदा रहिरहन्छ। उहाँलाई धन्यवाद देओ, जसले आफ्ना समझशक्तिले आकाश सृष्टि गर्नुभयो; उहाँको अचुक प्रेम सदासर्वदा रहिरहन्छ। उहाँलाई धन्यवाद देओ, जसले पानीमाथि पृथ्वी फैलाउनुभयो; उहाँको अचुक प्रेम सदासर्वदा रहिरहन्छ। उहाँलाई धन्यवाद देओ, जसले विशाल ज्योतिहरू बनाउनुभयो; उहाँको अचुक प्रेम सदासर्वदा रहिरहन्छ। उहाँलाई धन्यवाद देओ, जसले दिनमा प्रभुत्व गर्नलाई सूर्य बनाउनुभयो; उहाँको अचुक प्रेम सदासर्वदा रहिरहन्छ। उहाँलाई धन्यवाद देओ, जसले रातमा प्रभुत्व गर्नलाई चन्द्रमा र ताराहरू बनाउनुभयो; उहाँको अचुक प्रेम सदासर्वदा रहिरहन्छ। उहाँलाई धन्यवाद देओ, जसले इजिप्टका पहिले जन्मेकाहरूलाई प्रहार गर्नुभयो; उहाँको अचुक प्रेम सदासर्वदा रहिरहन्छ। र उहाँलाई धन्यवाद देओ, जसले तिनीहरूको बीचबाट इस्राएललाई निकालेर ल्याउनुभयो; उहाँको अचुक प्रेम सदासर्वदा रहिरहन्छ। उहाँलाई धन्यवाद देओ, जसले शक्तिशाली हात र पराक्रमी पाखुराले तिनीहरूलाई निकालेर ल्याउनुभयो; उहाँको अचुक प्रेम सदासर्वदा रहिरहन्छ।
भजनसंग्रह 136:1-12 पवित्र बाइबल (NERV)
हामी परमप्रभुको प्रशंसा गरौं! किनभने उहाँ भलो हुनुहुन्छ। उहाँको स्नेहपूर्ण करूणा अनन्तसम्म रहनेछ। देवहरूका परमेश्वरलाई प्रशंसा गरौं! उहाँको स्नेहपूर्ण करूणा अनन्तसम्म रहनेछ। परमप्रभुहरूका पनि महा-परमप्रभुलाई प्रशंसा गरौंष। उहाँको स्नेहपूर्ण करूणा अनन्तसम्म रहनेछ। परमेश्वरको प्रशंसा गरौं! जसले एक्लैले नै आश्चर्यकामहरू गर्नुभयो। उहाँको स्नेहपूर्ण करूणा अनन्तसम्म रहनेछ। परमेश्वरको प्रशंसा गरौं! जसले आकाश बनाउन बुद्धि लगाउनु भयो। उहाँको स्नेहपूर्ण करूणा अनन्तसम्म रहनेछ। परमेश्वरले सुक्खा जमीन समुद्रमा राख्नु भयो। उहाँको स्नेहपूर्ण करूणा अनन्तसम्म रहनेछ। परमेश्वरले ठूला-ठूला ज्योतिहरू बनाउनु भयो, उहाँको स्नेहपूर्ण करूणा अनन्तसम्म रहनेछ। दिनमा शासन गर्न परमेश्वरले घाम बनाउनु भयो। उहाँको स्नेहपूर्ण करूणा अनन्तसम्म रहनेछ। परमेश्वरले रातमा शासन गर्नलाई जून र तारहरू बनाउनु भयो। उहाँको स्नेहपूर्ण करूणा अनन्तसम्म रहनेछ। परमेश्वरले मिश्रमा सबै भन्दा पहिला जन्मेका पुरूषहरू र पशुहरू मार्नु भयो। उहाँको स्नेहपूर्ण करूणाआ अनन्तसम्म रहनेछ। परमेश्वरले मिश्रबाट इस्राएललाई ल्याउनु भयो, उहाँको स्नेहपूर्ण करूणा अनन्तसम्म रहनेछ। परमेश्वरले आफ्नो महान् शक्ति र बल देखाउनु भयो। उहाँको स्नेहपूर्ण करूणा अनन्तसम्म रहनेछ।
भजनसंग्रह 136:1-12 सरल नेपाली पवित्र बाइबल (सरल नेपाली)
परमप्रभुलाई धन्यवाद देओ किनभने उहाँ भलो हुनुहुन्छ, उहाँको प्रेम अमर छ। सबै देवताहरूभन्दा महान् परमेश्वरलाई धन्यवाद देओ; उहाँको प्रेम अमर छ। सबै मालिकहरूभन्दा सर्वसामर्थी परमप्रभुलाई धन्यवाद देओ; उहाँको प्रेम अमर छ। उहाँले मात्र आश्चर्यका ठूल्ठूला कामहरू गर्नुहुन्छ; उहाँको प्रेम अमर छ। आफ्ना बुद्धिले उहाँले स्वर्ग बनाउनुभयो; उहाँको प्रेम अमर छ। उहाँले गहिरा सागरहरूमाथि पृथ्वीलाई बसाल्नुभयो; उहाँको प्रेम अमर छ। उहाँले घाम र जून बनाउनुभयो; उहाँको प्रेम अमर छ। घाम दिउँसो राज्य गर्न बनाउनुभयो; उहाँको प्रेम अमर छ। जून र ताराहरू राती राज्य गर्न बनाउनुभयो; उहाँको प्रेम अमर छ। मिश्रीहरूका जेठा छोराहरूलाई उहाँले मार्नुभयो; उहाँको प्रेम अमर छ। उहाँले इस्राएलीहरूलाई मिश्रदेशदेखि निकाली ल्याउनुभयो; उहाँको प्रेम अमर छ। आफ्ना बलिया हात र शक्तिमान् पाखुराले निकाल्नुभयो; उहाँको प्रेम अमर छ।