भजनसंग्रह 114:1-8
भजनसंग्रह 114:1-8 नेपाली नयाँ संशोधित संस्करण (NNRV)
जब इस्राएल मिश्रदेशबाट आए, जब याकूबको घराना पराई भाषा बोल्ने मानिसहरूका बीचबाट निस्केर आए, तब यहूदा परमप्रभुको पवित्रस्थान, र इस्राएल उहाँको राज्य भयो। यो देखेर समुद्र भाग्यो, यर्दन नदी उल्टो बग्न लाग्यो। पहाड़हरू भेड़ाहरूझैँ उफ्रन लागे, डाँड़ाहरू भेड़ाका पाठाहरूझैँ कुद्न लागे। हे समुद्र, तँलाई के भयो, र तँ भागिस्? र हे यर्दन, तँ किन फर्केर गइस्? हे पहाड हो, तिमीहरू भेड़ाहरूझैँ, हे डाँड़ा हो, तिमीहरू भेड़ाका पाठाहरूझैँ किन कुद्यौ? हे पृथ्वी, परमप्रभुको सामुन्ने, याकूबका परमेश्वरको सामुन्ने थरहरी होऊ, जसले चट्टानलाई पानीको तालमा, र ढुङ्गेनी पहाड़लाई पानीको स्रोतमा परिवर्तन गर्नुभयो।
भजनसंग्रह 114:1-8 पवित्र बाइबल, नेपाली समकालीन संस्करण (NCV)
जब इस्राएलीहरू इजिप्टबाट निस्किआए, जब याकोबको घराना विदेशी भाषा बोल्ने मानिसहरूका बीचबाट निस्केर आए, तब यहूदा परमेश्वरको पवित्रस्थान, अनि इस्राएलचाहिँ उहाँको राज्य भयो। त्यो देखेर लाल समुद्र भाग्यो; यर्दन नदी पछिल्तिर फर्कियो; पर्वतहरू भेडाहरूझैँ, डाँडाहरू थुमाहरूझैँ उफ्रन लागे। हे समुद्र, तँ किन भागिस्? हे यर्दन, तँ किन पछि फर्किस्? हे पर्वतहरू हो, तिमीहरू भेडाहरूझैँ, हे डाँडाहरू हो, तिमीहरू थुमाहरूझैँ किन उफ्र्यौ? हे पृथ्वी, प्रभुको सामु, याकोबका परमेश्वरको सामु थरथरी काम्; जसले चट्टानलाई पानीका तलाउमा, कठोर चट्टानलाई पानीका मूलहरूमा परिवर्तन गर्नुभयो।
भजनसंग्रह 114:1-8 पवित्र बाइबल (NERV)
इस्राएल ले मिश्र त्यागेर गए। याकूबले त्यो विदेशलाई त्यागेर गए। यहूदा परमेश्वरको खास मानिस भए। इस्राएल उसको राज्य हुन गयो। लाल समुद्रले यो देखेर भाग्यो, यर्दन नदी उल्टा बग्न थाल्यो। पर्वतहरू भेंडाहरूझै वरिपरि नाच्न थाले। पहाडहरू भेंडाका पाठाहरू जस्तै उफ्रन थाले। लाल समुद्र, तिमी किन भागेर गयौं? यर्दन नदी, तिमी किन फर्केर भागी गयौ? हे पर्वतहरू! तिमीहरू भेंडाहरू झैं किन खुशीले उफ्रियौ? अनि पहाडहरू! तिमीहरू किन भेंडाका पाठाहरू झै बुथ्रुक-बुथ्रुक उफ्रियौ? हे पृथ्वी, याकूबको परमप्रभु परमेश्वर स्वामीको सामने थरहरी होऊ। परमेश्वर नै हुन् जसले चट्टानबाट पानी बग्ने बनाउनु भयो। परमेश्वरले कडा चट्टानबाट झरना बहाउनु भयो।
भजनसंग्रह 114:1-8 सरल नेपाली पवित्र बाइबल (सरल नेपाली)
जब इस्राएलका मानिसहरूले मिश्रदेश छोडे, जब याकूबका सन्तान त्यो विदेशबाट निस्के, यहूदा परमप्रभुको पवित्र प्रजा बन्यो, इस्राएल उहाँको आफ्नै सम्पत्ति भयो। लाल समुद्र तिनीहरूलाई देखेर पछि सर्यो, यर्दन नदी बग्न बन्द भयो। पर्वतहरू बाख्राजस्तै र डाँडाहरू भेडाजस्तै उफ्रे। हे समुद्र, के भयो? तँ पछि हटिस्? हे यर्दन, किन तैँले बग्न छोडिस्? हे पर्वतहरू हो, तिमीहरू किन बाख्राजस्ता उफ्र्यौ? हे डाँडाहरू हो, किन तिमीहरू भेडाजस्ता उफ्र्यौ? हे पृथ्वी, परमप्रभु आउनुहुँदा याकूबका परमेश्वरको सामु तँ थरथरी काँप्। उहाँले चट्टानहरूलाई पानीका पोखरीमा र कडा ढुङ्गाको पहाडलाई पानीको मुहानमा बदल्नुहुन्छ।