भजनसंग्रह 1:1-4
भजनसंग्रह 1:1-4 सरल नेपाली पवित्र बाइबल (सरल नेपाली)
त्यो मानिस सुखी रहन्छ, जो दुष्ट मानिसको सल्लाह मान्दैन, पापीहरूको चालमा चल्दैन वा परमेश्वर नमान्नेहरूको साथ दिँदैन। तर परमप्रभुको व्यवस्था मान्नलाई खुसी हुन्छ र रात-दिन त्यसको अध्ययन गर्छ, त्यो खोलाका छेउमा उम्रेको ठीक समयमा आफ्नो फल दिने र पात पनि नओइलिने रूखजस्तो हुन्छ। त्यसले जुन कुरामा हात लाउँछ, त्यसमा सफल हुन्छ। तर दुष्ट मानिसहरू भने त्यस्ता हुँदैनन्, तिनीहरू त हावाले उडाइलैजाने भुसजस्ता हुन्छन्।
भजनसंग्रह 1:1-4 नेपाली नयाँ संशोधित संस्करण (NNRV)
धन्य हो त्यो मानिस, जो दुष्टहरूको सल्लाहमा हिँड्दैन, जो पापीहरूको मार्गमा खड़ा हुँदैन, अनि गिल्ला गर्नेहरूको सङ्गतमा बस्दैन। तर परमप्रभुको व्यवस्थामा नै त्यो खुशी रहन्छ, र त्यसले दिनरात उहाँकै व्यवस्थामा मनन गर्छ। त्यो खोलाको किनारमा रोपेको बोटजस्तै हुन्छ, जसले आफ्नो ऋतुमा फल दिन्छ, अनि जसको पात कहिल्यै ओइलाउँदैन। त्यसले जे पनि गर्छ, त्यसमा त्यो सफल हुन्छ। दुष्टहरू त्यस्ता हुँदैनन्! तिनीहरू बतासले उड़ाएर लैजाने भुसजस्तै हुन्छन्।
भजनसंग्रह 1:1-4 पवित्र बाइबल, नेपाली समकालीन संस्करण (NCV)
धन्य हुन् तिनीहरू, जो दुष्टहरूको सल्लाहमा हिँड्दैनन्, जो पापीहरूको मार्गमा खडा हुँदैनन्, जो गिल्ला गर्नेहरूको सङ्गतमा बस्दैनन्। तर तिनीहरू याहवेहको व्यवस्थामा नै प्रसन्न रहन्छन्, र दिनरात उहाँकै व्यवस्थामा नै मनन गर्छन्। तिनीहरू नदीको किनारमा रोपेको रूखजस्तै हुन्छन्, जसले आफ्नो ऋतुमा फल दिन्छ; र जसको पात कहिल्यै ओइलाउँदैन; तिनीहरूले जे काम गर्छन्, त्यसमा सफल हुन्छन्। दुष्टहरू त्यस्ता हुँदैनन्; तर तिनीहरूचाहिँ बतासले उडाइलैजाने भुसजस्तै हुन्छन्।
भजनसंग्रह 1:1-4 पवित्र बाइबल (NERV)
यदि उसले दुष्ट मानिसको सल्लाह मान्दैन, पापीहरूको जस्तो जीवन बिताउँदैन, अनि जसले परमेश्वरलाई श्रद्धा नगर्ने मानिसहरूलाई मन पराउँदैन त्यो मानिस साँच्चै नै सुखी हुनेछ। धार्मिक मानिसले परमप्रभुको शिक्षा मन पराउँछ। ऊ परमप्रभुको शिक्षाहरूको विषयमा रात-दिन सोचिरहन्छ। यसकारण त्यो मानिस खोलाको पानीले सिंचेको रूख जस्तै बलियो हुन्छ ऊ ठीक समयमा फल दिने रूख सरह हो। ऊ पातहरू भएको रूख जस्तै हो जो मर्दैन उसले गरेको प्रत्येक काममा ऊ सफल हुन्छ। तर दुष्ट मानिसहरू त्यस्ता हुँदैनन्। दुष्ट मानिसहरूलाई भूसलाई जस्तै हावाले उडाई लान्छ।
भजनसंग्रह 1:1-4 सरल नेपाली पवित्र बाइबल (सरल नेपाली)
त्यो मानिस सुखी रहन्छ, जो दुष्ट मानिसको सल्लाह मान्दैन, पापीहरूको चालमा चल्दैन वा परमेश्वर नमान्नेहरूको साथ दिँदैन। तर परमप्रभुको व्यवस्था मान्नलाई खुसी हुन्छ र रात-दिन त्यसको अध्ययन गर्छ, त्यो खोलाका छेउमा उम्रेको ठीक समयमा आफ्नो फल दिने र पात पनि नओइलिने रूखजस्तो हुन्छ। त्यसले जुन कुरामा हात लाउँछ, त्यसमा सफल हुन्छ। तर दुष्ट मानिसहरू भने त्यस्ता हुँदैनन्, तिनीहरू त हावाले उडाइलैजाने भुसजस्ता हुन्छन्।
