गन्ती 1:47-54
गन्ती 1:47-54 नेपाली नयाँ संशोधित संस्करण (NNRV)
लेवीका परिवारहरूचाहिँ अरूहरूसित गनिएनन्। किनभने परमप्रभुले मोशालाई भन्नुभएको थियो, “लेवीको कुलचाहिँ तैंले नगन्नू, र इस्राएलीहरूसँगसँगै तिनीहरूको जनसंख्या नलिनू। तर तैंले लेवीहरूलाई गवाहीको मण्डप र त्यसका सबै सरसामानमाथि नियुक्त गर्नू। मण्डप त्यसका सबै सरसामानसमेत तिनीहरूले नै बोकून्। तिनीहरूले त्यसको रेखदेख गरून्। तिनीहरूले आफ्नो पाल मण्डपकै वरिपरि लगाऊन्। मण्डप अगि लाँदा लेवीहरूले त्यो उखेलून्, र मण्डप खड़ा गर्ने बेलामा लेवीहरूले नै त्यो खड़ा गरून्। मण्डपको नजिक आउने अन्य मानिस मारिओस्। इस्राएलीहरूले आ-आफ्नो दलको समूहभित्र र आफ्नै झन्डाको छेउछाउमा आफ्नो शिविर लगाऊन्। तर लेवीहरूले चाहिँ गवाहीको मण्डपको वरिपरि आफ्नो शिविर लगाऊन्, ताकि इस्राएलीहरूको समुदायमाथि क्रोध नपरोस्। लेवीहरूले नै गवाहीको मण्डपको सेवा-टहलको जिम्मा लिऊन्।” परमप्रभुले मोशालाई दिनुभएका सबै आज्ञाबमोजिम नै इस्राएलीहरूले गरे।
गन्ती 1:47-54 पवित्र बाइबल, नेपाली समकालीन संस्करण (NCV)
लेवीहरूको पुर्ख्यौली कुललाई चाहिँ अरू कुलहरूसँग गनिएन। याहवेहले मोशालाई भन्नुभएको थियो: “तैँले लेवीहरूको कुललाई गन्ती नगर्नू अर्थात् गणनामा अरू इस्राएलीहरूसँग सामेल नगर्नू। त्यसको सट्टामा लेवीहरूको कुललाई साक्षी पाटीको समागम पालको जिम्मेवारी दिनू; अर्थात् त्यसमा भएका सबै सरसामानहरू र हरेक कुराहरूमाथि जिम्मावाल नियुक्त गर्नू। तिनीहरूले समागम पाल र त्यसका सबै सरसामानहरू बोकून्; तिनीहरूले त्यसको रेखदेख गरून्, र त्यसको चारैतिर छाउनी हालेर बसून्। जब समागम पाललाई सार्नुपर्ने हुन्छ, तब लेवीहरूले त्यसलाई तल झारून्, र त्यो समागम पाल नयाँ ठाउँमा खडा गर्दा लेवीहरूले नै खडा गरून्। यदि कुनै व्यक्ति त्यसको नजिक गयो भने त्यो मारिनेछ। इस्राएलीहरूले आफ्नो दलअनुसार पाल टाँगून्। हरेकले आ-आफ्ना झण्डामुनि छाउनीहरू खडा गरून्। तर लेवीहरूले चाहिँ इस्राएली समुदायमाथि मेरो क्रोध नपरोस् भनेर समागम पालको साक्षी पाटीको वरिपरि आफ्ना पालहरू खडा गरून्। लेवीहरूचाहिँ समागम पालको साक्षी पाटीको हेरचाहका लागि जिम्मेवार रहनेछन्।” इस्राएलीहरूले यी सबै कुराहरू याहवेहले मोशालाई आज्ञा गर्नुभएअनुसार सबै गरे।
गन्ती 1:47-54 पवित्र बाइबल (NERV)
लेवी कुल समूहका परिवारका मानिसहरूको गणना इस्राएलका अन्य मानिसहरूसित गरिएन। परमप्रभुले मोशालाई भन्नुभएको थियोः “लेवीको कुल समूहका मानिसहरूको गणना नगर्नु अथवा तिनीहरूलाई इस्राएलका अरू मानिसहरूसँग नमिलाउनु। तर तिमीले लेवीहरूलाई करारको पवित्र पाल र यसका सबै वस्तुहरू हेरचाह गर्नुका निम्ति नियुक्त गर्यौ। तिनीहरूले पवित्र पाल र यसका सबै वस्तुहरू बोक्नु पर्छ। अनि तिनीहरूले पवित्र पालको सेवा गर्नुपर्छ र तिनीहरूले उनीहरूको छाउनी यसकै वरिपरि बनाउनु पर्छ। जब तिमीले पवित्र पाल सार्थ्यो लेवीहरूले यसलाई तल झार्नु पर्थ्यो जब तिमीहरू रोकिने छौ, लेवीहरूले यसलाई स्थापित गर्नु पर्थ्यो। कुनै जो विदेशी नजिक आउँछ त्यसलाई मार्नु पर्छ। इस्राएलीहरूले आफ्नो आफ्नो दल समूह भित्र र आफ्नै झण्डाको छेउ छाउमा शिविर बनाऊन्। तर लेवीहरूले तिनीहरूका छाउनी पवित्र पालकै वरिपरि लगाउन् र यसलाई रक्षा गर्नु पर्छ ताकि करारको पवित्र पाल सुरक्षित रहोस् र परमेश्वरको रिसको प्रकोप इस्राएली समुदायमाथि नपरोस्।” यसरी इस्राएलका मानिसहरूले परमप्रभुद्वारा मोशालाई दिनु भएको सबै आज्ञाहरू पालन गरे।
गन्ती 1:47-54 सरल नेपाली पवित्र बाइबल (सरल नेपाली)
लेवीहरूका नाम अरू कुलका नामसित लेखिएनन् किनभने परमप्रभुले मोशालाई भन्नुभएको थियो, “जब तिमीहरूले फौजी काम गर्न लायक मानिसहरूका नामको गन्ती लिन्छौ, त्यसमा लेवीका कुल नलिनू। त्यसको सट्टामा लेवीहरूलाई मेरो पवित्र पाल र त्यसका सर-सामानको जिम्मा दिनू। तिनीहरूले पवित्र पाल र सर-सामान बोक्नेछन् र त्यहाँ सेवाकार्य गर्नेछन् र आफ्ना पाल त्यसका चारैपट्टि टाँग्नेछन्। जब तिमीहरूले पवित्र पाल सार्छौ, लेवीहरूले मेरो पवित्र पाल उठाउनेछन् र नयाँ ठाउँमा फेरि पाल टाँग्नेछन्। अरू कोही पवित्र पालको छेउमा आयो भने त्यो मारिनेछ। बाँकी इस्राएलीहरूले दल-दल गरेर पाल लाउनेछन् र हरेक मानिस आफ्नो हुलसित आफ्नो झन्डामुनि रहनेछ। तर लेवीहरूले नै पवित्र पालको कामकाज गर्नेछन् र त्यसलाई नै घेरेर बस्नेछन्। त्यसो हुँदा परमेश्वरको क्रोध इस्राएली समाजमाथि खनिनेछैन।” अनि इस्राएलका मानिसहरूले सबै कुरा परमप्रभुले मोशालाई दिनुभएको आज्ञाअनुसार गरे।