मत्ती 5:1-3
मत्ती 5:1-3 नेपाली नयाँ संशोधित संस्करण (NNRV)
भीड़लाई देखेर उहाँ डाँड़ामा उक्लनुभयो, र उहाँ बस्नुभएपछि चेलाहरू उहाँकहाँ आए। उहाँले मुख खोल्नुभयो र तिनीहरूलाई शिक्षा दिन लाग्नुभयो: “धन्य आत्मामा दीन हुनेहरू, किनभने स्वर्गको राज्य तिनीहरूको हो।
मत्ती 5:1-3 पवित्र बाइबल, नेपाली समकालीन संस्करण (NCV)
उहाँले जब भीडलाई देख्नुभयो, तब उहाँ डाँडामा उक्लनुभयो र बस्नुभयो। उहाँका चेलाहरू उहाँ नजिक आए। अनि उहाँले तिनीहरूलाई यसो भन्दै सिकाउनुभयो: उहाँले भन्नुभयो: “आत्मामा दीन हुनेहरू धन्य हुन्, किनभने स्वर्गको राज्य तिनीहरूकै हो।
मत्ती 5:1-3 पवित्र बाइबल (NERV)
येशूले त्यहाँ भएका धेरै मानिसहरूलाई देख्नु भयो। येशू डाँडामा उक्लेर बस्नुभयो। उहाँका चेलाहरू पनि उहाँको नजिक आएका थिए। उहाँले तिनीहरूलाई सिकाउन थाल्नुभयो। उहाँले भन्नुभयो, “ती मानिसहरू धन्य हुन् जसले आफूलाई आत्मिक रूपले दरिद्र छौं भनी बुझेका छन्, किनभने स्वर्गको राज्य तिनीहरूकै हो।
मत्ती 5:1-3 सरल नेपाली पवित्र बाइबल (सरल नेपाली)
मानिसहरूको ठूलो धुइरो लागेको देखेर येशू डाँडामाथि गई बस्नुभयो र चेलाहरू पनि आएर उहाँका वरिपरि बसे। अनि उहाँले तिनीहरूलाई शिक्षा दिँदै यसो भन्नुभयो– “आफूलाई आत्मामा गरीब ठान्नेहरू कति धन्य हुन्! किनभने परमेश्वरको राज्य तिनीहरूकै हो।