मत्ती 18:11-13
मत्ती 18:11-13 नेपाली नयाँ संशोधित संस्करण (NNRV)
[किनभने मानिसको पुत्र हराएकालाई बचाउन आएको हो। ] “तिमीहरू के विचार गर्छौ? कोही मानिसका सय भेड़ामा एउटा भड्केर गयो भने, उसले उनान्सय वटालाई छोड़ेर पर्वत हुँदो गएर त्यस भड्केर जाने एउटालाई खोजी गर्न जाँदैन र? यदि उसले त्यसलाई भेट्टायो भने, साँच्चै म तिमीहरूलाई भन्दछु, ती भड्केर नजाने उनान्सयभन्दा त्यस एउटाको लागि ऊ बढ़ी रमाउनेछ।
मत्ती 18:11-13 पवित्र बाइबल, नेपाली समकालीन संस्करण (NCV)
किनकि मानिसको पुत्र हराएकालाई बचाउन आएको हो। “तिमीहरूलाई के लाग्छ? यदि कुनै मानिसका एक सय भेडाहरू छन्, र तीमध्ये एउटा बाटो बिराएर गयो भने उसले उनान्सयलाई पहाडमा छोडेर त्यस बाटो बिराएर जाने एउटालाई खोज्न जाँदैन र? म तिमीहरूलाई साँच्चै भन्दछु, उसले त्यो भेट्टाएपछि बाटो नबिराउने ती उनान्सयभन्दा त्यस एउटाप्रति ऊ आनन्दित हुनेछ।
मत्ती 18:11-13 पवित्र बाइबल (NERV)
परमेश्वरको पुत्र हराएकाहरूलाई वचाउन आउनु भएको छ। “तिमीहरू के सोच्छौ? यदि कुनै मानिसको 100 वटा भेंडा़हरू छन्, अनि कुनै एउटा हराएको छ, भने अरू 99 वटा भेंडा़लाई डाँडामा छोडेर ऊ हराएको एउटा भेंडा़लाई खोज्न जाँदैन? के यो ठीक होइन? अनि जब उसले हराएको भेंडा़ भेट्टाउँछ तब ऊ आफूसित भएका 99 वटा भेंडा़मा भन्दा त्यो एउटा भेंडा़ पाएर रमाउनेछ। म तिमीहरूलाई साँच्चो भन्दछु।
मत्ती 18:11-13 सरल नेपाली पवित्र बाइबल (सरल नेपाली)
[किनभने म मानव पुत्र त हराएकाहरूलाई नै बचाउनको लागि आएको हुँ।] “तिमीहरूको के विचार छ? सय वटा भेडा हुने मानिसले एउटा भेडा हरायो भने त्यसले के गर्छ होला? त्यसले अरू उनान्सय वटालाई त्यही पाखामा छोडेर हराएकोलाई खोज्न जाँदैन र? त्यसलाई भेट्टाएपछि नबरालिएका उनान्सय भेडाहरूको लागि भन्दा पनि त्यो भेट्टाएको एउटै भेडाको लागि ऊ ज्यादै खुसी हुनेछ।