यहोशू 18:1-3

शेयर गर्नुहोस्

यहोशू 18:1-3 नेपाली नयाँ संशोधित संस्करण (NNRV)

अनि इस्राएलीहरूका सारा समुदाय शीलोमा जम्‍मा भयो, र त्‍यहाँ भेट हुने पाल टाँग्‍यो। त्‍यो देश तिनीहरूका अधीनमा भइसकेको थियो, तर इस्राएलीहरूमा आ-आफ्‍नो अधिकार भाग नलागेका अझै सात कुल बाँकी थिए। यसकारण यहोशूले इस्राएलीहरूलाई भने, “तिमीहरूका पिता-पुर्खाका परमप्रभु परमेश्‍वरले तिमीहरूलाई दिनुभएको देश अधिकार गर्नलाई कति दिन ढिलो गर्छौ?

यहोशू 18:1-3 पवित्र बाइबल, नेपाली समकालीन संस्करण (NCV)

इस्राएलका सम्पूर्ण समुदाय शीलोमा भेला भए। अनि त्यहाँ भेट हुने पाल खडा गरे। त्यो देश तिनीहरूको अधीनमा आइसकेको थियो। तर इस्राएलीहरूका सात वटा कुलहरू बाँकी थिए, जसले उत्तराधिकारको भाग अझै पाएका थिएनन्। यसकारण यहोशूले इस्राएलीहरूलाई भने: “याहवेह तिमीहरूका पितापुर्खाका परमेश्‍वरले तिमीहरूलाई दिनुभएको देश अधिकार गर्न कहिलेसम्म तिमीहरू पर्खिरहन्छौ?

यहोशू 18:1-3 पवित्र बाइबल (NERV)

समस्त इस्राएली मानिसहरू शीलोमा एकसाथ भेला भए। त्यस स्थानमा तिनीहरूले भेट-हुने पाल लगाए। इस्राएलका मानिसहरूले त्यो देशलाई नियन्त्रण गरे। त्यस भूमिका सम्पूर्ण शत्रुहरूलाई तिनीहरूले परास्त गरे। तर त्यस समय त्यहाँ अझ इस्राएलका सात कुल समूहहरू थिए परमेश्वरले भाकल गर्नु भएको भूमि तिनीहरूलाई अझ सम्म पनि प्राप्त भएको थिएन। त्यसपछि यहोशूले इस्राएलका मानिसहरूलाई भने, “तिमीहरूको भूमि लिन तिमीहरू किन यतिलामो पर्खन्छौ? परमप्रभु, तिमीहरूका पिता-पुर्खाहरूका परमेश्वरले त्यो भूमि तिमीहरूलाई दिन्छु भन्नु भएको छ।

यहोशू 18:1-3 सरल नेपाली पवित्र बाइबल (सरल नेपाली)

त्‍यो देश विजय गरिसकेपछि इस्राएलीहरूका सारा जन-समुदाय शीलोमा भेला भए र परमप्रभुको पवित्र पाल खडा गरे। अझै इस्राएलीहरूमध्‍ये सात कुल बाँकी थिए, जसले देशको आ-आफ्‍ना भाग पाएका थिएनन्। यसकारण यहोशूले इस्राएलका मानिसहरूलाई भने, “परमप्रभु तिम्रा पुर्खाहरूका परमेश्‍वरले तिमीहरूलाई दिनुभएको देश अधिकार गर्नलाई कति बेलासम्‍म पर्खने?