यूहन्ना 16:22-23
यूहन्ना 16:22-23 नेपाली नयाँ संशोधित संस्करण (NNRV)
यसरी नै अहिले तिमीहरूलाई शोक हुन्छ, तर म फेरि तिमीहरूलाई देख्नेछु, र तिमीहरूका हृदय आनन्दित हुनेछन्। अनि कसैले तिमीहरूको आनन्द तिमीहरूबाट खोस्नेछैन। त्यो दिन तिमीहरूले मलाई केही सोध्नेछैनौ। साँच्चै म तिमीहरूलाई भन्दछु, तिमीहरूले मेरो नाउँमा पितासँग जे माग्छौ, उहाँले त्यो तिमीहरूलाई दिनुहुनेछ।
यूहन्ना 16:22-23 पवित्र बाइबल, नेपाली समकालीन संस्करण (NCV)
तिमीहरूलाई पनि त्यस्तै नै हुन्छ: अहिले तिमीहरूको शोकको समय हो, तर मैले फेरि तिमीहरूलाई देख्नेछु, र तिमीहरू रमाउनेछौ। अनि कसैले पनि तिमीहरूको आनन्द खोस्नेछैन। अनि त्यस दिन तिमीहरूले मलाई फेरि केही पनि माग्नेछैनौ। म तिमीहरूलाई साँच्चै भन्दछु, तिमीहरूले मेरो नाममा जे माग्छौ, त्यो मेरा पिताले तिमीहरूलाई दिनुहुनेछ।
यूहन्ना 16:22-23 पवित्र बाइबल (NERV)
तिमीहरूसँग पनि ठीक त्यस्तै हुनेछ। अहिले तिमीहरू दुःखीछौ। तर म तिमीहरूलाई फेरि देख्नेछु र तिमीहरू खुशी हुनेछौ। अनि कसैले पनि तिमीहरूको खुशी खोसेर लानेछैन। त्यस दिन तिमीहरूले मलाई केही पनि सोध्ने छैनौ। म तिमीहरूलाई साँच्चो भन्दछु। मेरो नाममा जे मागे पनि मेरा पिताले तिमीहरूलाई दिनुहुनेछ।
यूहन्ना 16:22-23 सरल नेपाली पवित्र बाइबल (सरल नेपाली)
तिमीहरूलाई पनि त्यस्तै हुँदै छ। अहिले तिमीहरू शोक गर्छौ, तर म तिमीहरूलाई फेरि भेट्न आउँदा तिमीहरूको हृदय आनन्दले भरिनेछ र यस्तो खालको आनन्द तिमीहरूबाट कसैले पनि खोसेर लैजान सक्नेछैन। त्यति बेला तिमीहरूले मसँग केही पनि सोध्नेछैनौ। म साँच्चै भन्छु, मेरो नाउँमा जे मागे तापनि पिताले तिमीहरूलाई दिनुहुनेछ।