यर्मिया 31:3-4 - Compare All Versions

शेयर गर्नुहोस्

परमप्रभु विगत समयमा हामीकहाँ यसो भन्‍दै देखा पर्नुभयो: “सधैँभरि रहने प्रेमले मैले तँलाई प्रेम गरेको छु। मैले तँलाई दया गरी खिँचेको छु। म फेरि तँलाई निर्माण गर्नेछु, र हे कुमारी इस्राएल, तँ फेरि बनाइनेछस्‌। तँ फेरि आफ्‍ना खैँजड़ी लिएर आनन्‍द मनाउनेहरूका साथ नाचमा तँ निस्‍कनेछस्‌।

म टाढाबाट आएर तिनीहरूकहाँ देखा परें। हे इस्राएलीहरू हो, मैले तिमीहरूलाई सधैँ प्रेम गरेको छु र मैले तिमीहरूलाई मेरो अनन्‍त प्रेमले प्रेम गरेको छु। फेरि एक पल्‍ट म तिमीहरूलाई निर्माण गर्नेछु। फेरि एक पल्‍ट खैँजडी लिएर तिमीहरू आनन्‍दले नाच्‍नेछौ।

टाढाबाट परमप्रभु आफ्ना मानिसहरू अघि देखा पर्नु हुन्छ। परमप्रभु भन्नुहुन्छ, “मैले तिमीहरूलाई त्यस्तो प्रेमले प्रेम गरें, जुन सर्वदा रहीरहन्छ। यसर्थ मैले तिमीहरूलाई, मेरो विश्वासयोग्यता कायम राखेको छु। हे कुमारी इस्राएल! म तिमीलाई पुन:र्निर्माण गर्नेछु। तिमी पुन एक राजधानी हुनेछौ। तिमीहरूले फेरि आफ्नो खैंजडी उठाउने छौ, अनि तिमीहरू अन्य मानिसहरूसँग नाच्नेछौ।

बितेको समयमा याहवेह हामीकहाँ देखा पर्नुभयो र भन्‍नुभयो: “अनन्त प्रेमले मैले तँलाई प्रेम गरेको छु; अचुक कृपाले मैले तँलाई आकर्षित गरेको छु। म तँलाई फेरि निर्माण गर्नेछु; अनि हे कन्या इस्राएल, तँ फेरि निर्माण गरिनेछस्। तँ फेरि आफ्नो खैँजडी लिएर आनन्दसाथ नाच्दै निक्लनेछस्।