न्यायकर्ताहरू 3:20-22
न्यायकर्ताहरू 3:20-22 नेपाली नयाँ संशोधित संस्करण (NNRV)
जब उनी आफ्नो महलको कौसीको शीतल कोठामा बसिरहेका थिए तब उनका नजिक आएर एहूदले भने, “परमेश्वरबाट हजूरलाई मैले एउटा कुरो भन्नु छ।” तब एग्लोन आफ्नो आसनबाट उठे, र एहूदले आफ्नो देब्रे हातले दाहिनेतिर भएको चुपी निकालेर, उनको भुँड़ीमा रोपिदिए। चुपी बीँड़समेत पस्यो, र उनको ढाड़बाट निस्कियो। बोसोले चुपीलाई छोप्यो। तिनले चुपी निकालेनन्, तर त्यत्तिकै अवस्थामा छोड़िराखे।
न्यायकर्ताहरू 3:20-22 पवित्र बाइबल, नेपाली समकालीन संस्करण (NCV)
तिनी आफ्नो महलको छतमा बनाइएको शीतल कोठामा बसिरहेका बेला एहूद तिनीकहाँ गएर भने, “मसित तपाईंका निम्ति परमेश्वरबाट आएको एउटा समाचार छ।” राजा जब आफ्नो आसनबाट उठे, तब एहूदले आफ्नो हात बढाएर आफ्नो दाहिने तिघ्रामा भएको तरवार थुतेर राजाको पेटमा रोपिदिए। तरवारको बिँडसमेत पेटभित्र पस्यो, र तिनको ढाडबाट निस्क्यो। एहूदले तरवार बाहिर निकालेनन्, तर त्यसलाई बोसोले छोपिदियो; तब पेटको फोहोर निस्क्यो।
न्यायकर्ताहरू 3:20-22 पवित्र बाइबल (NERV)
एहूद एग्लोन राजा कहाँ गए। राजा आफ्नो दरबारको माथिल्लो कोठामा एक्लै बसिरहेका थिए। तब एहूदले भने, “मसित तपाईंको निम्ति परमेश्वरको सन्देश छ।” राजा आफ्नो गद्दीबाट उठे। उनी एहूदका अत्यन्त छेउमा थिए। जसै राजा आफ्नो गद्दीबाट उठ्दै थिए, एहूदले आफ्नो देब्रेहात बढाएर आफ्नो दाहिने जाँघमा बाँधिएको तरवार निकाले। त्यसपछि एहूदले तरवार राजाको भूँडीमा रोपिदिए। त्यो तरवार एग्लोनको भूँडीमा यति भित्र पस्यो कि त्यसको बींड पनि बोसोले छोप्यो। एहूदले एग्लोनदेखि तरवार बाहिर तान्न सकेनन् अनि एग्लोनको आन्द्रा-भूँडी बाहिर निस्कियो।
न्यायकर्ताहरू 3:20-22 सरल नेपाली पवित्र बाइबल (सरल नेपाली)
तब राजा एक्लै महलको छानाको शीतल-कोठामा बसेका बेलामा एहूदले छेउमा गएर भने, “तपाईंलाई परमेश्वरबाट एउटा खबर छ।” त्यो सुनेर राजा उभिए। एहूदले देब्रे हातले दाहिनेतिरबाट तरवार झिकेर राजाको पेटमा रोपिदिए। बिँडसमेत पूरा तरवार पेटभित्र पस्यो र बोसोमा पुरियो। तरवार वारपार भएर राजाको पछिल्लोपट्टि निस्क्यो र त्यो ननिकाली एहूदले त्यत्तिकै छोडिदिए।