यशैया 16:4-5
यशैया 16:4-5 नेपाली नयाँ संशोधित संस्करण (NNRV)
मोआबबाट निकालिएकाहरू तपाईंसँग बसून्। ध्वंसकारीहरूबाट तिनीहरूका निम्ति एउटा शरणस्थान बन्नुहोस्।” अत्याचारीहरूको अब अन्त हुनेछ, र विनाश रोकिनेछ। अत्याचारीहरू देशबाट हराउनेछन्। प्रेममा एउटा सिंहासन स्थापित गरिनेछ, त्यसमा दाऊदको घरानाबाट विश्वासयोग्यसाथ एक मानिस विराजमान हुनुहुनेछ, र उहाँले इन्साफ गर्दा न्यायको खोजी गर्नुहुनेछ, र धार्मिकताका पक्षको गति तीव्र पार्नुहुनेछ।
यशैया 16:4-5 पवित्र बाइबल, नेपाली समकालीन संस्करण (NCV)
मोआबी भगुवाहरूलाई तिमीहरूसित बस्न देओ; नाश गर्नेहरूको सामु तिनीहरूका निम्ति आश्रय बनिदेओ।” थिचोमिचो गर्नेहरूको अन्त्य हुनेछ, र सर्वनाश समाप्त हुनेछ; आक्रमणकारी देशबाट लोप हुनेछ। प्रेममा एउटा सिंहासन स्थापित हुनेछ; त्यसमा दावीदको घरानाबाट विश्वासयोग्य एक मानिस विराजमान हुनुहुनेछ; उहाँले न्याय गर्दा निष्पक्षतासाथ गर्नुहुनेछ; र धार्मिकतामा काम गर्न ढिलो गर्नुहुनेछ।
यशैया 16:4-5 पवित्र बाइबल (NERV)
ती मोअबबाट आएका मानिसहरूलाई जबरजस्ती आफ्ना घरहरू छोड्न लगाए। यसकारण तिमीहरूका जग्गामा तिनीहरूलाई बस्न देऊ। तिनीहरूका शत्रुहरूबाट तिनीहरूलाई लुकाऊ, लुटपाट रोकिने छ शत्रु पराजित हुनेछ। मानिसहरूलाई दुःख कष्ट दिनेहरू जति यस ठाउँबाट जानेछन्। त्यसपछि दाऊदको घरानाबाट एकजना नयाँ राजा आउनेछन्। उनी देशभक्त, मायालु र कृपालु हुनेछन्। यी राजाले निष्पक्ष न्याय गर्नेछन्। उनले ती कुराहरू मात्र गर्नेछन् जुन राम्रो र सही हुन्।
यशैया 16:4-5 सरल नेपाली पवित्र बाइबल (सरल नेपाली)
हामीलाई तिम्रो देशमा बस्न देओ। हामीलाई नाश पार्न खोज्नेहरूका हातबाट हामीलाई बचाओ।” (अत्याचार र विनाशको अन्त हुनेछ र देशलाई ध्वस्त पार्नेहरू रहनेछैनन्। दाऊदका सन्तानबाट एक जना राजा हुनेछन् र तिनले विश्वास र प्रेमसाथ प्रजालाई शासन गर्नेछन्। उचित काम जति तिनले झट्टै गरिहाल्नेछन् र न्यायको रक्षा गर्नेछन्।)