होशे 2:14-20
होशे 2:14-20 नेपाली नयाँ संशोधित संस्करण (NNRV)
“यसैकारण अब म त्यसलाई फकाएर मरुभूमिमा लानेछु, र त्यससित मायालु कुरा गर्नेछु। त्यहाँ म त्यसलाई त्यसका दाखबारीहरू फिर्ता गर्नेछु, र आकोरको बेँसीलाई चाहिँ आशाको ढोका तुल्याइदिनेछु। त्यहाँ त्यसले आफ्नो युवावस्थाका दिनमा जस्तै र मिश्रदेशबाट आएको दिनमा झैँ गीत गाउनेछ। परमप्रभु घोषणा गर्नुहुन्छ, “त्यस दिन तैंले मलाई ‘मेरा पति’ भन्नेछस्, र ‘मेरा मालिक’ भन्नेछैनस्। म बाल देवताहरूका नाउँ त्यसको मुखबाट हटाइदिनेछु, र तिनीहरूका नाउँको उच्चारण फेरि कहिल्यै हुनेछैन। त्यस दिन म तिनीहरूका निम्ति वनका पशुहरू र आकाशका पक्षीहरू र जमिनमा घस्रने जन्तुहरूसित करार बाँध्नेछु। म धनु, तरवार र लड़ाइँ देशबाट दूर गरिदिनेछु, कि सबै सुरक्षासाथ लेट्न सकून्। म तँलाई सधैँको निम्ति मेरी पत्नी तुल्याउनेछु। म धार्मिकता र न्यायमा दृढ़ प्रेम र माया गरेर तँलाई पत्नी तुल्याउनेछु। म तँलाई ईमानदारीमा मेरी पत्नी तुल्याउनेछु, र तैंले परमप्रभुलाई चिन्नेछस्।”
होशे 2:14-20 पवित्र बाइबल, नेपाली समकालीन संस्करण (NCV)
“यसकारण अब म त्यसलाई लोभ्याउन लागेको छु; म त्यसलाई उजाडस्थानमा डोर्याउनेछु, र त्यससँग मायालु कुरा गर्नेछु। त्यहाँ म त्यसलाई त्यसका दाखबारीहरू फर्काइदिनेछु, र आकोरको बेँसीलाई एउटा आशाको ढोका बनाइदिनेछु। त्यहाँ त्यसले आफ्नो जवानीको दिनमा झैँ, इजिप्टबाट निस्किआएको दिनमा झैँ गाउनेछे।” याहवेह घोषणा गर्नुहुन्छ, “त्यस दिन तैँले मलाई ‘मेरो मालिक’; भन्न छोडेर ‘मेरा पति’ भन्नेछस्। म त्यसको मुखबाट बाल-देवताहरूका नाम हटाइदिनेछु; तिनीहरूका नामको उच्चारण फेरि कहिल्यै पनि हुनेछैन। त्यस दिन म तिनीहरूका निम्ति जङ्गलका जनावरहरू, आकाशका चराचुरुङ्गीहरू र जमिनमा हलचल गर्ने पशुप्राणीहरूसँग करार बाँध्नेछु। म देशबाट धनु, तरवार र युद्ध हटाइदिनेछु, ताकि सबै जना सुरक्षित भएर विश्राम लिन सकून्। म तँलाई सदाका निम्ति पत्नी तुल्याउनेछु; म तँलाई धार्मिकतामा र न्यायमा, प्रेममा र दयामा दुलही बनाउनेछु। म तँलाई विश्वासयोग्यतामा दुलही बनाउनेछु; अनि तैँले याहवेहलाई चिन्नेछस्।”
होशे 2:14-20 पवित्र बाइबल (NERV)
“यसकारण म तिनलाई मायालु शब्दहरू भन्ने छु। म तिनलाई मरूभुमिमा पुर्याउँछु र दयापूर्वक कुराहरू गर्छु। त्यहाँ तिनलाई दाखबारीहरू दिनेछु। म तिनलाई आशाको द्वार जस्तै आकोरको बेंसी दिनेछु। तब मलाई तिनले त्यस्तै जवाफ दिनेछन् जस्तो मिश्रबाट आउँदा दिएका थिए।” परमप्रभु भन्नुहुन्छ। “त्यस समयमा तिमीले मलाई ‘मेरो लोग्ने भनी’ बोलाउँनेछौ। तर तिमी मलाई ‘मेरो बाल देवता’ भन्ने छैनौ। म तिनको मुखबाट बाल नाउँलाई खोस्नेछु। त्यसपछि मानिसहरूले फेरि बालको नाउँ उच्चारण गर्नेछैनन्। “त्यस समय म इस्राएलीहरूका निम्ति एउटा करार गर्नेछु। जङ्गलका पशुहरूसित, आकासमा उडिहिँड्ने चराहरूसित र जमीनमा घस्रिहिँड्ने प्राणीसित। म युद्धका सम्पूर्ण धनु तरवार र हातहतियार नष्ट गरिदिनेछु। कुनै हतियार पनि यहाँ रहने छैन। म धर्तीलाई सुरक्षित पार्नेछु यसर्थ इस्राएलका मानिसहरू शान्तिसित विश्राम गर्न सकुन्। अनि म (परमेश्वर) तिमीलाई सधैँको निम्ति दुलही बनाउँनेछु। म तिमीलाई धर्म र न्यायपूर्वक दृढ प्रेम र माया गरेर दुलही बनाउँनेछु। म तिमीलाई मेरी विश्वास योग्य दुलही बनाउँनेछु। त्यसपछि तिमी साँच्चो अर्थमा परमप्रभुलाई जान्नेछौ।
होशे 2:14-20 सरल नेपाली पवित्र बाइबल (सरल नेपाली)
यसकारण म त्यसलाई फेरि उजाड-स्थानमा पुर्याउनेछु र त्यहाँ प्रेमको कुरा गरेर म फेरि त्यसको मन जित्नेछु। त्यसका दाखबारीहरू म त्यसैलाई फर्काइदिनेछु र दु:ख-कष्टको बेसीलाई आशाको ढोका तुल्याईदिनेछु। त्यहाँ त्यसले आफ्नो जवानीको दिनमा झैँ र मिश्रदेशबाट आएको दिनमा जस्तै मप्रति आफ्नो मन फर्काउनेछ। तब फेरि त्यसले मलाई आफ्नो लोग्ने भन्नेछ तर तपाईं ‘मेरो बाल’ भनी कहिल्यै भन्नेछैन। म त्यसलाई फेरि कहिल्यै बालको नाम लिन दिनेछैन। त्यस बेला म सबै जङ्गली जनावरहरू र चरा-चुरुङ्गीहरूसित मेरा प्रजालाई तिनीहरूले कुनै हानि नगरून् भनी एउटा करार बाँध्नेछु। देशबाट सबै लडाइँका हात-हतियारहरू, तरवारहरू र धनुहरू म हटाउनेछु र मेरा प्रजालाई शान्ति र सुरक्षाका साथ बास गर्न दिनेछु। ए इस्राएल, म तँलाई मेरी स्वास्नी बनाउनेछु। म तेरो साँचो र विश्वासयोग्य लोग्ने हुनेछु। म तँलाई निरन्तर प्रेम र दया देखाउनेछु। सधैँको लागि तँ मेरो हुनेछस्। मेरो प्रतिज्ञा पूरा गरी तँलाई आफ्नै बनाउनेछु र तैँले मलाई परमप्रभु भनी स्वीकार्नेछस्।