इजकिएल 24:15-18
इजकिएल 24:15-18 नेपाली नयाँ संशोधित संस्करण (NNRV)
परमप्रभुको यो वचन मकहाँ आयो: “हे मानिसको छोरो, एकै प्रहारमा म तँबाट तेरो आँखाको नानीलाई लैजान लागेको छु। तापनि तैंले शोक नगर्। नरो, र तेरा आँखाबाट केही आँसु नझार्। चूपचाप बसेर सुस्केरा हाल्। मृतकको निम्ति शोक नगर्। टाउकोमा फेटा र खुट्टामा जुत्ता लगा। तेरो मुख नछोप्। मलामीहरूको खाने कुरा नखा।” यसैले बिहानै मैले यो कुरा मानिसहरूलाई भनें, र त्यही बेलुकी मेरी पत्नीको मृत्यु भयो। भोलि बिहान मैले जे आज्ञा पाएको थिएँ, त्यसै गरें।
इजकिएल 24:15-18 पवित्र बाइबल, नेपाली समकालीन संस्करण (NCV)
याहवेहको वचन मकहाँ आयो: “हे मानिसको छोरा, एकै प्रहारमा म तेरो आँखाको खुशीलाई लैजान लागेको छु। तापनि विलाप नगर्, नरो, र तेरा आँखाबाट आँसु नबगा। चुपचाप सुस्केरा हाल्; मृतकको निम्ति शोक नगर्। तेरो फेटा बाँधिराख् र तेरा खुट्टामा जुत्ता लगाइराख्; तेरो दाह्री वा जुङ्गालाई नछोप्, न त रीतिअनुसार शोक गर्नेहरूको भोजन खा।” यसरी मैले बिहान मानिसहरूसँग भनेँ, र बेलुका मेरी पत्नीको मृत्यु भयो। भोलिपल्ट मलाई आज्ञा गरिएअनुसार मैले गरेँ।
इजकिएल 24:15-18 पवित्र बाइबल (NERV)
त्यसपछि परमप्रभुको वचन मकहाँ आयो। उहाँले भन्नुभयो, “हे मानिसको छोरा! तिमी आफ्नो पत्नीलाई ज्यादै प्रेम गर्छौ, तर म उसलाई तिमीदेखि टाढो लान्छु। तिम्रो पत्नी अचानक मर्नेछन्। तर तिमीले उसको मृत्युमाथि शोक गर्ने छैनौ। तिमी चिच्याउने छैनौ। आफैंलाई रून नदेऊ। तर तिमीले आफ्नो शोकमा सुस्केरा हाल। आफ्नो मृतक पत्नीका निम्ति नरोऊ। तिमीले सधैँ जस्तै साधारण लुगा लगाऊ। आफ्नो फेटा र जुत्ता लगाऊ। आफ्नो शोक प्रकट गर्न जुगाँ नछोप अनि एउटा मानिस मर्दा मानिसहरूले खाने भोजन नखाऊ।” त्यसको अर्को बिहान, म मानिसहरूलाई भन्दै थिएँ। त्यही साँझ मेरी पत्नीको मृत्यु भयो। अर्को बिहान मैले त्यही गरें जुन परमेश्वरले मलाई आज्ञा दिनु भएको थियो!
इजकिएल 24:15-18 सरल नेपाली पवित्र बाइबल (सरल नेपाली)
परमप्रभु मसित बोल्नुभयो, “ए मरणशील मानिस, तैँले सबैभन्दा धेरै माया गरेको व्यक्तिलाई म एकै प्रहारमा तँबाट लैजानेछु। तर तैँले दु:ख नपोखाउनू, नरुनू र आँसु नझार्नू। तैँले सुँक्क-सुँक्क गरी रोएको पनि कसैले नसुनोस्। तैँले शोक गरेको देखाउन कपाल नखौरी र खाली खुट्टा नहिंड्। तेरो अनुहार नछोप् र शोक गर्नेहरूले खाने भोजन तैँले नखा।” म बिहानै मानिसहरूसित कुरा गर्दै थिएँ। त्यही साँझ मेरी स्वास्नी मरी। त्यसको भोलिपल्ट मैले उहाँको आज्ञाअनुसार गरें।