प्रेरित 7:8 - सबै संस्करणहरू तुलना गर्नुहोस्

उहाँले तिनीसँग खतनाको करार बाँध्‍नुभयो, र अब्राहाम इसहाकका पिता भएर आठौँ दिनमा इसहाकको खतना गरे। इसहाक याकूबका पिता भए, र याकूब बाह्रै कुलका पिता भए।

“अनि परमेश्‍वरले अब्राहामसँग वाचा बाँध्‍नुभयो र त्‍यस वाचाको सम्‍झना गराउनका लागि शरीरमा खतना गर्ने आज्ञा दिनुभयो। त्‍यसपछि अब्राहामका छोरा इसहाकको जन्‍म भयो। अब्राहामले आफ्‍नो छोरालाई जन्‍मेको आठौँ दिनमा खतना गरिदिए। इसहाकले आफ्‍नो छोरा याकूबलाई अनि याकूबले पनि आफ्‍ना बाह्रै छोराहरूलाई शरीरको खतना गरिदिए। अब यिनीहरू नै हाम्रा बाह्र कुलका पुर्खा हुन आएका हुन्।

“परमेश्वरले अब्राहामसँग एक करार बाँध्नु भयो; यस करारको संकेत खतना थियो। यसर्थ जब अब्राहमको छोरो भयो, त्यो आठ दिनको पुग्दा उनले खतना गरिदिए। उनको छोरोको नाउँ इसहाक थियो। पछि उसले आफ्नो छोरो याकूबको पनि खतना गरे पछि याकूबले आफ्ना छोराहरूलाई त्यसै गरे। ती छोराहरू पछि बाह्रजना पिताहरू भए।

अब्राहामलाई उहाँले खतनाको करार दिनुभयो। त्यसपछि अब्राहाम इसहाकका पिता भए। जन्मेको आठौँ दिन उनले छोराको खतना गरे। इसहाकले याकोबलाई जन्माए र याकोब बाह्र कुलका पिता भए।