Janja 20
20
Pole aya na avuriha Masedwane bɨla Ngɨrese
1Okʉrukusu owa, Pole okusihi alwoni nde oyaasi bo. Emana nde olaasi bo, oyeni o njila Masedwane. 2Nde otini angaala maa, nde se oyaasi baana ma anguhu ma amayalaha Nkʉmu kuna. Emana nde oto Ngɨrese. 3Pole osi angondo atari o ŋa. Ntini e nde ayahi mbuungu mo oje Siri, nde oyuhi ndi Ajife ma saha oyusuha nde ngaa. O ŋa nde oswoli ma ovuriha ma le Masedwane. 4Baari ma yeni bɨla nde eki: Sopatere, a mwana a Pirise osi Bere, na Aritate bɨla Sekudise asi Tesalonike. Ngayise osi Derbe, ŋa Timote bɨla Tisike na Trofime, baa aki asi ngaala Asi. 5Baa mayeni levusu, adili bisi o Tʉrwa. 6Emana cinda e mpembe leviire kali, bisi leyahi mbuungu o sabi e Filipe. Ecuhu etaani eyira, bisi leyeni na abasaha bo o Tʉrwa. Saabo lesi ecuhu ncaami o ŋa.
Pole o Tʉrwa
7Cuhu e ncomi#20.7 Cuhu e ncomi mpili Ajife omakaaha cuhu e pulu. o nca ecuhu e ncaami, bisi levuniŋi ma oja lempembe. Pole aki aje na encyere, oyahi mbari o mwa baana ma anguhu, owobi tii ngo otima lempiibi. 8Bisi lekusihi abuha mo otini o njo eli na yulu, mpili ma aki ma amanaasa abaami a mbaa kuna. 9Onkere abalaha omo macwolihi me Etike oli o nci mo onwa a njo okyehe. Mbari e Pole evʉla ola, Etike oci tolo lo mini. Tolo levʉla, nde owi yulu o ngumu otari ovi. Amasaha osaara nde, nde aki amamana okwa. 10Ŋa Pole osurihi okumiŋi o yula nde, oyahi nde o nca jyala e nde oduhi ndi: «Lekaa monoŋo ongwo ni, nde oli mwo!» 11Emana Pole ovurihi okumi o ngumu e yulu, nde ocebi lempembe, okabihi bo aji. Pole oselihi owobo tii ngo e cuhu eci, emana nde oyeni. 12Ayi na avuriha na onkere a balaha mwo. Baari aso amoni ove.
Pole atemeŋe Tʉrwa mo oje Mile
13Bisi leyahi mbuungu lecwomi levusu mo oje Asose. Oto kwa bisi ledɨla Pole ma oyaha nde. Obila nde aduhi ndi nde ayira mo njila e mo ncye. 14Pole obasihi bisi ŋa Asose, saabo leyahi mbuungu leyeni Mitilene. 15Levurihi leyahi mbuungu leto o mwa Kio na encyere. Cuhu emo leto Samose, emana leto Mile. 16Pole oyiri Efeje otele aka sura ni. Nde aki njala obiha o ngaala Asi kali. Nde ayiri asisari mo oma, nde aki na njala oto Jerusaleme o cuhu e Pantekote
Pole awobo na akuuru mo okuha Efeje
17Pole aki okini o Mile, otumi ocwolo akuuru mo okuha Efeje. 18Bo ato na e nde, Pole na bo ndi: «Be leyaa osuumbu a me ekihi bɨla be, mo obaana o cuhu e ncomi e me ewasihi nca ngaala Asi. 19Me eka sa ombira nyuru o janja le Nkʉmu ni. Me eki emono ampasi, me se elila. Obila Ajife akihi makura acuumu o me. 20Be leyaa mbɨri me eka jisiha be jaa e be leki na kaama mo oyuha ni. Okoroho o mwa baari na o nca anjo a be, me ematooso be mbari e Njyami, me se ema yisiha be yo. 21Me emi cwolo Ajife bɨla baari ma ali ka Ajife ni, ma oyalaha Njyami, na ma oyalaha Jesu a Nkʉmu. 22Ŋa me eya eje na Jerusaleme. Oduduma Santi omimpa me okʉra mo oje kwa. Me i yaa maami ma aya me levusu kwa ni. 23Okoroho nca enguundu eso, Oduduma Santi abaana ojyese me ndi me eje omono mpasi me se eje ongeneŋe. 24O me, lebihi le me anku mvunu kali. Me esaha osa janja e me tii ngo ncwo. Me esa maami a Jesu a Nkʉmu aduhi me mo osa aso: letooso le Ncya e mve e mpolo e Njyami. 25Me yirihi o mpaniŋi e be aso, na otooso Onkani o Njyami. Me eyaa mbɨri na ema ka be, be leka mavuriha omono olya o me ni. 26Kya obila o me esiisa enwa lobi mbɨri: me opeende ma leku le be aso. 27Mo oma me emi tooso be maami aso a njyami aki ama yeese. Me eka jisiha jaa se mo ni. 28Lesa ayiba o be anku, na na me endoombo e Njyami, mo Oduduma Santi ampi be ma okyele. Lekyele okuha a Njyami yemiŋi. Okuha a nde abasihi mo tohi le nde anku. 29Me yaa mbɨri omana eyeniŋi e me, baari a mva ambulu ma aje oya o mpaniŋi e be, bo se ayusuha endoombo e Njyami angaa. 30Ŋa o mpaniŋi e be anku se, baari ake ma aje oduha maami a ndii, bo se abira alwoni o ngula bo. 31Lesa ayiba, be se leyibaha mbɨri: lemihi le esibi etari, na mpiibi na mwi o nca olili, me eka kolo mo ompa be mvuuru na mvuuru andwo ni.
32Ŋa me ema mpa be ŋa na Njyami bɨla mpolo e mbari e nde. Mbari e nde eli na onkʉmu mo ompa oyalihi o be mpari. O ngula yo se, Njyami ampa baari a nde ma ali epeende wanda. 33Me eka dya adoro bɨla akele a mvunu na amfa a mvuuru ni. 34Be leyaa mbɨri me ejanji o jyala e me anku mo omana kaama e me, bɨla e baari ma yiriha bɨla me. 35Me emalaha be jo eso. Ove be lejanji mo osuumbu jwa mo oyamaŋa anga owuha. Ove be leyibihi mbari e Jesu a Nkʉmu aduhi nde anku ndi: “Ove oka ni na mvuuru ampaha, ŋa ka na mvuuru abaha ni!”»
36Ntini e Pole amani owobo vwa, nde bɨla baari aso awuri avwo, aya mavwono. 37Baari aso anyuniŋi me elili jo mini, ayeni na ava o Pole, ampi nde amfemfe. 38Bo amoni obi obila nde aduhi ndi: «Be leka ma aje omono olya o me ni.» Emana bo ayeni na anyila nde tii ngo o mbuungu.
अहिले सेलेक्ट गरिएको:
Janja 20: MDT
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 20
20
Pole aya na avuriha Masedwane bɨla Ngɨrese
1Okʉrukusu owa, Pole okusihi alwoni nde oyaasi bo. Emana nde olaasi bo, oyeni o njila Masedwane. 2Nde otini angaala maa, nde se oyaasi baana ma anguhu ma amayalaha Nkʉmu kuna. Emana nde oto Ngɨrese. 3Pole osi angondo atari o ŋa. Ntini e nde ayahi mbuungu mo oje Siri, nde oyuhi ndi Ajife ma saha oyusuha nde ngaa. O ŋa nde oswoli ma ovuriha ma le Masedwane. 4Baari ma yeni bɨla nde eki: Sopatere, a mwana a Pirise osi Bere, na Aritate bɨla Sekudise asi Tesalonike. Ngayise osi Derbe, ŋa Timote bɨla Tisike na Trofime, baa aki asi ngaala Asi. 5Baa mayeni levusu, adili bisi o Tʉrwa. 6Emana cinda e mpembe leviire kali, bisi leyahi mbuungu o sabi e Filipe. Ecuhu etaani eyira, bisi leyeni na abasaha bo o Tʉrwa. Saabo lesi ecuhu ncaami o ŋa.
Pole o Tʉrwa
7Cuhu e ncomi#20.7 Cuhu e ncomi mpili Ajife omakaaha cuhu e pulu. o nca ecuhu e ncaami, bisi levuniŋi ma oja lempembe. Pole aki aje na encyere, oyahi mbari o mwa baana ma anguhu, owobi tii ngo otima lempiibi. 8Bisi lekusihi abuha mo otini o njo eli na yulu, mpili ma aki ma amanaasa abaami a mbaa kuna. 9Onkere abalaha omo macwolihi me Etike oli o nci mo onwa a njo okyehe. Mbari e Pole evʉla ola, Etike oci tolo lo mini. Tolo levʉla, nde owi yulu o ngumu otari ovi. Amasaha osaara nde, nde aki amamana okwa. 10Ŋa Pole osurihi okumiŋi o yula nde, oyahi nde o nca jyala e nde oduhi ndi: «Lekaa monoŋo ongwo ni, nde oli mwo!» 11Emana Pole ovurihi okumi o ngumu e yulu, nde ocebi lempembe, okabihi bo aji. Pole oselihi owobo tii ngo e cuhu eci, emana nde oyeni. 12Ayi na avuriha na onkere a balaha mwo. Baari aso amoni ove.
Pole atemeŋe Tʉrwa mo oje Mile
13Bisi leyahi mbuungu lecwomi levusu mo oje Asose. Oto kwa bisi ledɨla Pole ma oyaha nde. Obila nde aduhi ndi nde ayira mo njila e mo ncye. 14Pole obasihi bisi ŋa Asose, saabo leyahi mbuungu leyeni Mitilene. 15Levurihi leyahi mbuungu leto o mwa Kio na encyere. Cuhu emo leto Samose, emana leto Mile. 16Pole oyiri Efeje otele aka sura ni. Nde aki njala obiha o ngaala Asi kali. Nde ayiri asisari mo oma, nde aki na njala oto Jerusaleme o cuhu e Pantekote
Pole awobo na akuuru mo okuha Efeje
17Pole aki okini o Mile, otumi ocwolo akuuru mo okuha Efeje. 18Bo ato na e nde, Pole na bo ndi: «Be leyaa osuumbu a me ekihi bɨla be, mo obaana o cuhu e ncomi e me ewasihi nca ngaala Asi. 19Me eka sa ombira nyuru o janja le Nkʉmu ni. Me eki emono ampasi, me se elila. Obila Ajife akihi makura acuumu o me. 20Be leyaa mbɨri me eka jisiha be jaa e be leki na kaama mo oyuha ni. Okoroho o mwa baari na o nca anjo a be, me ematooso be mbari e Njyami, me se ema yisiha be yo. 21Me emi cwolo Ajife bɨla baari ma ali ka Ajife ni, ma oyalaha Njyami, na ma oyalaha Jesu a Nkʉmu. 22Ŋa me eya eje na Jerusaleme. Oduduma Santi omimpa me okʉra mo oje kwa. Me i yaa maami ma aya me levusu kwa ni. 23Okoroho nca enguundu eso, Oduduma Santi abaana ojyese me ndi me eje omono mpasi me se eje ongeneŋe. 24O me, lebihi le me anku mvunu kali. Me esaha osa janja e me tii ngo ncwo. Me esa maami a Jesu a Nkʉmu aduhi me mo osa aso: letooso le Ncya e mve e mpolo e Njyami. 25Me yirihi o mpaniŋi e be aso, na otooso Onkani o Njyami. Me eyaa mbɨri na ema ka be, be leka mavuriha omono olya o me ni. 26Kya obila o me esiisa enwa lobi mbɨri: me opeende ma leku le be aso. 27Mo oma me emi tooso be maami aso a njyami aki ama yeese. Me eka jisiha jaa se mo ni. 28Lesa ayiba o be anku, na na me endoombo e Njyami, mo Oduduma Santi ampi be ma okyele. Lekyele okuha a Njyami yemiŋi. Okuha a nde abasihi mo tohi le nde anku. 29Me yaa mbɨri omana eyeniŋi e me, baari a mva ambulu ma aje oya o mpaniŋi e be, bo se ayusuha endoombo e Njyami angaa. 30Ŋa o mpaniŋi e be anku se, baari ake ma aje oduha maami a ndii, bo se abira alwoni o ngula bo. 31Lesa ayiba, be se leyibaha mbɨri: lemihi le esibi etari, na mpiibi na mwi o nca olili, me eka kolo mo ompa be mvuuru na mvuuru andwo ni.
32Ŋa me ema mpa be ŋa na Njyami bɨla mpolo e mbari e nde. Mbari e nde eli na onkʉmu mo ompa oyalihi o be mpari. O ngula yo se, Njyami ampa baari a nde ma ali epeende wanda. 33Me eka dya adoro bɨla akele a mvunu na amfa a mvuuru ni. 34Be leyaa mbɨri me ejanji o jyala e me anku mo omana kaama e me, bɨla e baari ma yiriha bɨla me. 35Me emalaha be jo eso. Ove be lejanji mo osuumbu jwa mo oyamaŋa anga owuha. Ove be leyibihi mbari e Jesu a Nkʉmu aduhi nde anku ndi: “Ove oka ni na mvuuru ampaha, ŋa ka na mvuuru abaha ni!”»
36Ntini e Pole amani owobo vwa, nde bɨla baari aso awuri avwo, aya mavwono. 37Baari aso anyuniŋi me elili jo mini, ayeni na ava o Pole, ampi nde amfemfe. 38Bo amoni obi obila nde aduhi ndi: «Be leka ma aje omono olya o me ni.» Emana bo ayeni na anyila nde tii ngo o mbuungu.
अहिले सेलेक्ट गरिएको:
:
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES