Janja 13
13
Matuma Sole bɨla Barnabase
1Nca okuha Antyose, eki na awobi a mbari e Njyami bɨla abalaha mayisiha mbari e Njyami. Eki na Barnabase, na Simyon ma acwolihi mo pi, na Lisise osi Sirene bɨla Manaye akʉli bɨla Erode Titrake#13.1 Erode yu, Erode Antipase Luc.3.1 ŋa na Sole. 2Cuhu mo bo amakusaha abuha mo ovwono na leka le ongerehe, ŋa Oduduma Santi oduhi na bo ndi: «Lenyila Barnabase bɨla Sole o paani mo osa janja e me eswoli bo o yo.» 3Bo amana oka ongerehe bɨla levwono, alehi se jyala o yula bo, bo anyili bo ayeni.
Barnabase bɨla Pole o Sipre
4O ŋa Oduduma Santi otumi Barnabase bɨla Sole, bo asurihi Selisi. O ŋa bo ayahi mbuungu mo oje na Sipre. 5Bo ato Salamine, atoosi mbari e Njyami nca anjo ma Ajife mavwonoŋo. Jan#13.5 Jan ali kuuni omakaaha Jan-Marke. aki bɨla bo mo oyamaŋa bo. 6Bo avuuli mpuhu jya, bo ato Pafose. Bo amoni Ojife omo a nga ati ma cwolihi o Bare-Jesu. Aduuhi ndi nde owobi a mbari e Njyami. 7Nde akihi o njo lepatima Serjise Paulise. Nde leki balaha oyeri. Nde ocwoli Barnabase bɨla Sole, obila nde aki na njala oyuha mbari e Njyami. 8Ŋa Elimase anga ati ji nkuumi e nde mo juuyi le ngɨreke njala Barnabase bɨla Sole kali. Nde se njala ndi lepatima oyalaha Njyami kali. 9O ŋa Oduduma Santi oki omaluula o Sole macwolihi se o Pole, nde okwi Elimase ompaha. 10Na nde ndi: «We na ndii, we akiisa baari aso, we mwana a Jabɨri. We njala maami ma ave kali! Ediiŋi e Nkʉmu eli tele, ŋa we aka nyila okaala jo? 11O ŋa kwoho o Nkʉmu oli o yula we mo oliisa we. We aka amamono ni. Ma antini ma, we aka ma asa mono ebalihi e mwi ni.» O nci na ci ŋa, miisi ma Elimase apiini, nde oya o nca lempiibi. Nde oya asaha njila bɨla mvuuru akwara nde o kwoho, ma olaha nde njila. 12Ntini lepatima omono maami ma ayiri, oyalihi Jesu. Ŋa Mbari e Nkʉmu etiili nde mo otima.
Pole bɨla Barnabase ŋa Antyose a Pisidi
13Pole bɨla abuha a nde akumi o mbuungu o Pafose, ayeni Perse eli o Pamfili. Ŋa Jan onyili bo ovurihi na Jerusaleme. 14Emana Bo acyehi Perse, alwoni njila bo ato Antyose a Pisidi. O cuhu mawuumaŋa bo anyuniŋi nca njo mavwonoŋo, aya o nci. 15Amana oliira osaangumu ekele bɨla awobi a mbari e Njyami, ankʉmu a njo mavwonoŋo aduhi ndi: «E baana ma anguhu, yuhu be na mbari eyaasa baari, be lebuuna owobo.» 16Pole otemiŋi, osaari kuho na bo ndi: «Asi Isayele, be baari lenyiimaŋa Njyami, lemayuha me! 17Njyami a baari a Isayele amaswolo ankaha a saabe. Nde amakuusa baari ba ntini e bo ma kihi ma ojya ŋa Ejipte. Emana Njyami otusihi bo mo osi kya mo mpari e nde. 18Nde okyeli bo lemihi le ekuumi me esibi ena (40) o nca kayi. 19Nde ocali ankaka ncaami o Kanaan, emana nde ompi osi o bo kya na baari a saabe mva wanda. 20Maami maa abihi lemihi le enkama me esibi ena na ekuumi etaani 450. Emana nde ompi bo apami, tii ngo o ntini owobi a mbari e Njyami Samyele. 21Emana ankaha a saabe apɨsi nkani. Njyami ompi bo Saule a mwana Kise, ombɨsa o Bejame. Saule oki nkani lemihi le ekuumi me esibi ena (40).»
22«Emana Njyami ocyesi Saule mo olehe Davide, mo oka nkani ankaha a saabe. Njyami aduha o Davide ndi: “Me emibaha Davide a mwana a Jese. Nde asa me ove ma otima, nde se aje osa maami a me edya aso.” 23Nca ombɨsa o Davide, Njyami omatusuha ovusihi a Isayele, mva o nde alehi bo ndayi. Nkuumi e nde Jesu. 24Jesu oki kini oya ni, Jan Batise oti obamaŋa mo bu ndi asi Isayele aso ayaha ateeme mo olaha ndi bo na njala okaali eku e bo. 25Jan-Batise aki oya atuha na omana janja e nde, nde oduhi ndi: “O be me na? Me ka mvuuru a be lediliha ni. Ŋa nde aya ngula me. Me ka tele mo ocyese akoroho a mo nyiili e nde ni.”
26«Be baana ma anguhu a me, si be lema aka ombɨsa ŋa Abraame, si kali baari manyiimaŋa Njyami o mpaniŋi e be, Njyami omatuma mbari evusiha ji o saabe. 27Asi Jerusaleme bɨla ankʉmu a bo aka yiimba Jesu ni. Ntini e bo ma baniŋi Jesu, bo asi maami ma awobi a mbari e Njyami a saabe leliiraha me ecuhu mawuumaŋa. 28Bo aka basaha jaa e bo mo obuma nde oyo ni, okoroho bo apɨsi Pilate mo obuma nde. 29Bo amana osa maami mateendi nca esaangumu o yula Jesu, bo acyesi nde ma lembanji alehi o nca muuma. 30Ŋa Njyami onyuusi nde o mpaniŋi akwi. 31Nca ecuhu kuna, Jesu osa laha nyuru na alwoni mawi bɨla nde Ngalili tii ngo Jerusaleme. Bo aya baari masiisa enwa o nde na baari a Isayele. 32Ŋa bisi se letooso be Ncya e Mve jya, e njyami alehi ankaha a saabe ndayi. 33Nde asi vwa mo saabe leli baana a bo, o ntini e nde anyuusi Jesu nca leku. Mva ma amateende nca osaangumu o Pisome o jwele ndi:
“We Mwana a me a balaha,
lobi me emikʉla we.”
34Njyami omanyuusa Jesu nca leku. Nyuru e nde eka ma bolo o muuma ni. Njyami aki amabaana oduha ndi:
“Me eje ompa be andosoho mo opeende a jaa jaa
a me elehi Davide ndayi.”
35Kya obila o nde avuriha oduha o biri nkɨma ndi:
“We aka nyila opeende a we obolo ni.”
36Davide omana ojanja ma a nde antini mo osuumbu a Njyami adii, nde okwi. Asiihi nde bɨla ankaha a nde, emana nde oboli. 37Ŋa a Njyami ama nyuusa o nca leku aka bolo ni. 38Baana ma anguhu, ove be lejyabi mbɨri: o Jesu, amatooso be leboloho le ambiini a be. Angɨri a Moyise aki i buuna osa ndi be leki tele ni. 39Ŋa o ngula nde, mpɨni mvuuru ayalaha ma asa nde oka tele. 40Lesa ayiba mo odʉma maami ma awobi a mbari e Njyami mateendi amaya o be:
41“Be baari leli na ombira nyuru, lekeese!
Be leka o nca lekimi, emana be lenywoŋo.
Obila nca lebihi le be, me esa maami mo mini a lwari, ma ali aduha be mo oduha be leka yalaha ni!”»
42Ntini e Pole bɨla Barnabase ma acuhi nca njo mavwonoŋo, apɨsi bo mo oya na vraa cuhu ma awuumaŋa e vusu, mo ovuriha owobo o maami mimaa. 43Bo amana okuha jwa, Ajife kuna bɨla baari ma ali ka Ajife ni, ma nyiimiŋa ekele e Moyise, alwoni Pole bɨla Barnabase. Pole bɨla Barnabase awobi bɨla bo, ayaasi bo mo oka yemiŋi o mpolo e Njyami.
44Cuhu mawuumaŋa eto, baari a nca onguundu aso akusihi abuha mo oyuha mbari e Nkʉmu. 45Ajife amono lemvuuru lya, mfuniŋa mwo esi bo. Bo akɨmaŋi maami a Pole aduhi, aya ma tuha nde. 46Pole bɨla Barnabase aya ma wobo bɨla lila leso ndi: «Eki obaana otooso mbari e Njyami ŋa na be ma Ajife. Ŋa be lemi kemeŋe yo. Be se lema bɨsa lebihi le mbumbu. Kya obila eli bisi lema aje ŋa mpili e baari ma ali ka Ajife ni. 47Kya obila o Nkʉmu ama duha na saabe ndi:
“Me emacuusa we, we oyalala o baari, mo vwa
we aje otooso ovusihi
tii mpili esyelehe ncye!”»
48Ŋa baari ma ali ka Ajife ni ayuha vwa asweri. Bo akuusi lekʉma le mbari e Nkʉmu. Baari ma aki ma amaswolo aso ma lebihi le mbumbu, akirihi ayalihi. 49Mbari e Nkʉmu eselihi oje nca ngaala jya eso. 50Ŋa Ajife acyesi akaasi ma aki na etomi ma enini ma vwoniŋi Njyami, na ankʉmu a mo onguundu. Bo asaari otohi ma oswesehe Pole bɨla Barnabase, bo acuuri bo o ngaala e bo. 51Abalaha a vwele ayeni na okubuha owʉru a mo ntaami e bo, o mbele maami maa. Bo ayeni Ekonyome. 52Ŋa ma alwoni ma Antyose aso bo asili nca oswere, na Oduduma Santi se ama luula o bo.
अहिले सेलेक्ट गरिएको:
Janja 13: MDT
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 13
13
Matuma Sole bɨla Barnabase
1Nca okuha Antyose, eki na awobi a mbari e Njyami bɨla abalaha mayisiha mbari e Njyami. Eki na Barnabase, na Simyon ma acwolihi mo pi, na Lisise osi Sirene bɨla Manaye akʉli bɨla Erode Titrake#13.1 Erode yu, Erode Antipase Luc.3.1 ŋa na Sole. 2Cuhu mo bo amakusaha abuha mo ovwono na leka le ongerehe, ŋa Oduduma Santi oduhi na bo ndi: «Lenyila Barnabase bɨla Sole o paani mo osa janja e me eswoli bo o yo.» 3Bo amana oka ongerehe bɨla levwono, alehi se jyala o yula bo, bo anyili bo ayeni.
Barnabase bɨla Pole o Sipre
4O ŋa Oduduma Santi otumi Barnabase bɨla Sole, bo asurihi Selisi. O ŋa bo ayahi mbuungu mo oje na Sipre. 5Bo ato Salamine, atoosi mbari e Njyami nca anjo ma Ajife mavwonoŋo. Jan#13.5 Jan ali kuuni omakaaha Jan-Marke. aki bɨla bo mo oyamaŋa bo. 6Bo avuuli mpuhu jya, bo ato Pafose. Bo amoni Ojife omo a nga ati ma cwolihi o Bare-Jesu. Aduuhi ndi nde owobi a mbari e Njyami. 7Nde akihi o njo lepatima Serjise Paulise. Nde leki balaha oyeri. Nde ocwoli Barnabase bɨla Sole, obila nde aki na njala oyuha mbari e Njyami. 8Ŋa Elimase anga ati ji nkuumi e nde mo juuyi le ngɨreke njala Barnabase bɨla Sole kali. Nde se njala ndi lepatima oyalaha Njyami kali. 9O ŋa Oduduma Santi oki omaluula o Sole macwolihi se o Pole, nde okwi Elimase ompaha. 10Na nde ndi: «We na ndii, we akiisa baari aso, we mwana a Jabɨri. We njala maami ma ave kali! Ediiŋi e Nkʉmu eli tele, ŋa we aka nyila okaala jo? 11O ŋa kwoho o Nkʉmu oli o yula we mo oliisa we. We aka amamono ni. Ma antini ma, we aka ma asa mono ebalihi e mwi ni.» O nci na ci ŋa, miisi ma Elimase apiini, nde oya o nca lempiibi. Nde oya asaha njila bɨla mvuuru akwara nde o kwoho, ma olaha nde njila. 12Ntini lepatima omono maami ma ayiri, oyalihi Jesu. Ŋa Mbari e Nkʉmu etiili nde mo otima.
Pole bɨla Barnabase ŋa Antyose a Pisidi
13Pole bɨla abuha a nde akumi o mbuungu o Pafose, ayeni Perse eli o Pamfili. Ŋa Jan onyili bo ovurihi na Jerusaleme. 14Emana Bo acyehi Perse, alwoni njila bo ato Antyose a Pisidi. O cuhu mawuumaŋa bo anyuniŋi nca njo mavwonoŋo, aya o nci. 15Amana oliira osaangumu ekele bɨla awobi a mbari e Njyami, ankʉmu a njo mavwonoŋo aduhi ndi: «E baana ma anguhu, yuhu be na mbari eyaasa baari, be lebuuna owobo.» 16Pole otemiŋi, osaari kuho na bo ndi: «Asi Isayele, be baari lenyiimaŋa Njyami, lemayuha me! 17Njyami a baari a Isayele amaswolo ankaha a saabe. Nde amakuusa baari ba ntini e bo ma kihi ma ojya ŋa Ejipte. Emana Njyami otusihi bo mo osi kya mo mpari e nde. 18Nde okyeli bo lemihi le ekuumi me esibi ena (40) o nca kayi. 19Nde ocali ankaka ncaami o Kanaan, emana nde ompi osi o bo kya na baari a saabe mva wanda. 20Maami maa abihi lemihi le enkama me esibi ena na ekuumi etaani 450. Emana nde ompi bo apami, tii ngo o ntini owobi a mbari e Njyami Samyele. 21Emana ankaha a saabe apɨsi nkani. Njyami ompi bo Saule a mwana Kise, ombɨsa o Bejame. Saule oki nkani lemihi le ekuumi me esibi ena (40).»
22«Emana Njyami ocyesi Saule mo olehe Davide, mo oka nkani ankaha a saabe. Njyami aduha o Davide ndi: “Me emibaha Davide a mwana a Jese. Nde asa me ove ma otima, nde se aje osa maami a me edya aso.” 23Nca ombɨsa o Davide, Njyami omatusuha ovusihi a Isayele, mva o nde alehi bo ndayi. Nkuumi e nde Jesu. 24Jesu oki kini oya ni, Jan Batise oti obamaŋa mo bu ndi asi Isayele aso ayaha ateeme mo olaha ndi bo na njala okaali eku e bo. 25Jan-Batise aki oya atuha na omana janja e nde, nde oduhi ndi: “O be me na? Me ka mvuuru a be lediliha ni. Ŋa nde aya ngula me. Me ka tele mo ocyese akoroho a mo nyiili e nde ni.”
26«Be baana ma anguhu a me, si be lema aka ombɨsa ŋa Abraame, si kali baari manyiimaŋa Njyami o mpaniŋi e be, Njyami omatuma mbari evusiha ji o saabe. 27Asi Jerusaleme bɨla ankʉmu a bo aka yiimba Jesu ni. Ntini e bo ma baniŋi Jesu, bo asi maami ma awobi a mbari e Njyami a saabe leliiraha me ecuhu mawuumaŋa. 28Bo aka basaha jaa e bo mo obuma nde oyo ni, okoroho bo apɨsi Pilate mo obuma nde. 29Bo amana osa maami mateendi nca esaangumu o yula Jesu, bo acyesi nde ma lembanji alehi o nca muuma. 30Ŋa Njyami onyuusi nde o mpaniŋi akwi. 31Nca ecuhu kuna, Jesu osa laha nyuru na alwoni mawi bɨla nde Ngalili tii ngo Jerusaleme. Bo aya baari masiisa enwa o nde na baari a Isayele. 32Ŋa bisi se letooso be Ncya e Mve jya, e njyami alehi ankaha a saabe ndayi. 33Nde asi vwa mo saabe leli baana a bo, o ntini e nde anyuusi Jesu nca leku. Mva ma amateende nca osaangumu o Pisome o jwele ndi:
“We Mwana a me a balaha,
lobi me emikʉla we.”
34Njyami omanyuusa Jesu nca leku. Nyuru e nde eka ma bolo o muuma ni. Njyami aki amabaana oduha ndi:
“Me eje ompa be andosoho mo opeende a jaa jaa
a me elehi Davide ndayi.”
35Kya obila o nde avuriha oduha o biri nkɨma ndi:
“We aka nyila opeende a we obolo ni.”
36Davide omana ojanja ma a nde antini mo osuumbu a Njyami adii, nde okwi. Asiihi nde bɨla ankaha a nde, emana nde oboli. 37Ŋa a Njyami ama nyuusa o nca leku aka bolo ni. 38Baana ma anguhu, ove be lejyabi mbɨri: o Jesu, amatooso be leboloho le ambiini a be. Angɨri a Moyise aki i buuna osa ndi be leki tele ni. 39Ŋa o ngula nde, mpɨni mvuuru ayalaha ma asa nde oka tele. 40Lesa ayiba mo odʉma maami ma awobi a mbari e Njyami mateendi amaya o be:
41“Be baari leli na ombira nyuru, lekeese!
Be leka o nca lekimi, emana be lenywoŋo.
Obila nca lebihi le be, me esa maami mo mini a lwari, ma ali aduha be mo oduha be leka yalaha ni!”»
42Ntini e Pole bɨla Barnabase ma acuhi nca njo mavwonoŋo, apɨsi bo mo oya na vraa cuhu ma awuumaŋa e vusu, mo ovuriha owobo o maami mimaa. 43Bo amana okuha jwa, Ajife kuna bɨla baari ma ali ka Ajife ni, ma nyiimiŋa ekele e Moyise, alwoni Pole bɨla Barnabase. Pole bɨla Barnabase awobi bɨla bo, ayaasi bo mo oka yemiŋi o mpolo e Njyami.
44Cuhu mawuumaŋa eto, baari a nca onguundu aso akusihi abuha mo oyuha mbari e Nkʉmu. 45Ajife amono lemvuuru lya, mfuniŋa mwo esi bo. Bo akɨmaŋi maami a Pole aduhi, aya ma tuha nde. 46Pole bɨla Barnabase aya ma wobo bɨla lila leso ndi: «Eki obaana otooso mbari e Njyami ŋa na be ma Ajife. Ŋa be lemi kemeŋe yo. Be se lema bɨsa lebihi le mbumbu. Kya obila eli bisi lema aje ŋa mpili e baari ma ali ka Ajife ni. 47Kya obila o Nkʉmu ama duha na saabe ndi:
“Me emacuusa we, we oyalala o baari, mo vwa
we aje otooso ovusihi
tii mpili esyelehe ncye!”»
48Ŋa baari ma ali ka Ajife ni ayuha vwa asweri. Bo akuusi lekʉma le mbari e Nkʉmu. Baari ma aki ma amaswolo aso ma lebihi le mbumbu, akirihi ayalihi. 49Mbari e Nkʉmu eselihi oje nca ngaala jya eso. 50Ŋa Ajife acyesi akaasi ma aki na etomi ma enini ma vwoniŋi Njyami, na ankʉmu a mo onguundu. Bo asaari otohi ma oswesehe Pole bɨla Barnabase, bo acuuri bo o ngaala e bo. 51Abalaha a vwele ayeni na okubuha owʉru a mo ntaami e bo, o mbele maami maa. Bo ayeni Ekonyome. 52Ŋa ma alwoni ma Antyose aso bo asili nca oswere, na Oduduma Santi se ama luula o bo.
अहिले सेलेक्ट गरिएको:
:
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES