Janja 11
11
Pyere o Jerusaleme, aduha ancya ma ayiri na bo o Sesare
1Antuma bɨla baana ma anguhu ma aki o Jude, ayuhi ndi baari ma aki ka Ajife ni, amayalaha mbari e Njyami. 2Ntini e Pyere ayi na avuriha Jerusaleme, Ajife ma yalihi Jesu ampi nde mberi 3ndi: «We oma nyuniŋa nca anjo a baari ma akini osa sasi ni. We se omaja bɨla bo!» 4Ŋa Pyere oduhi maami ma ayiri aso ma ebaniŋi, na bo ndi: 5«Me eki nca onguundu o Jope me evwono. Me emoni maami a njimi. Me emoni kiila ewa na yulu, mva mfa enini, ama kwara ma ancwo ma ana. Owi yulu, oyi mpili e me. 6Me ekeesi yo yemiŋi, me emoni anyama ma embono ena bɨla anyama a swaha ŋa anyama majyeŋe o bali na anywi. 7Me yuhi juuyi leduha na me ndi: “Pyere temeŋe, buma we oja!” 8Ŋa me kaali mbɨri: “Kali Nkʉmu biibi ma amalehe ngɨri bɨla biila me ebi ekini onyuniŋa mo onwa a me ni.” 9O jwe le ojwele me vurihi eyuhi juuyi lya lewa na yulu, lo leduha ndi: “Biibi e Njyami ama duha ndi eve, we i buuna oduha mbɨri jo ebi ni!” 10Maami maa ayiri amihi atari, emana avrihi na yulu. 11O nci na nci ŋa abalaha atari ayi o njo e bisi lekihi o yo. Atumi bo nkara Sesare mo me. 12Oduduma Santi oduhi me mo oje bɨla bo asisari. Baana ma anguhu ma asyami a me eyi bɨla bo, ayeni bɨla me, ŋa bisi le nyuniŋi nca njo e balaha jya. 13Ŋa nde oduhi bisi osuumbu a nde amoni obaanji ma otele o nca njo e nde, oduhi na nde ndi: “Tuma abalaha Jope na ayaha Pyere, mawoloho se o Simo. 14Nde oduha we maami mavusuha we bɨla njo e we eso.” 15Me eki kini ebaana owobo, Oduduma Santi osurihi o yula bo, mva osuumbu a nde asurihi o yula saabe o ntini lebaani. 16Me yubihi mbari e Nkʉmu aduhi ndi: “Jan ampi baari ateeme ma anja, ŋa ma aje ompa be ateeme mo Oduduma Santi.” 17Njyami omampa bo puha ji jya, mva o nde ampi saabe o ntini leyalihi Jesu Krisi a Nkʉmu. Me na, mo oliha Njyami osa maami a nde?» 18Bo ayuha mbari jya, aya pi. Bo na nde ndi: «Lekʉma leka na Njyami! Ee jaa jaa, baari ma ali ka Ajife ni ma buuna okaala lebihi le bo. Bo se manyuniŋa nca lebihi. Njyami mvuuru ampa bo lengulu lya.»
Okuha Antyose
19Baari macalihi o oca oca o ntini maswesihi baari, o ngula leku le Etyene, ayeni tii ngo Finisi bɨla Sipre na Antyose. Ŋa bo atoosihi mbari e Njyami eso ni na Ajife. 20Okoroho maamo o mpaniŋi e bo asi Sipre bɨla Sirene maya Antyose. Bo se atoosi Ncya e mve e Jesu a Nkʉmu na Angɨreke se. 21Mpari e Nkʉmu eki bɨla bo, kya obila o baari kuna ma yalihi, bo se akalihi mpili e Nkʉmu. 22Baari mo okuha a Jerusaleme ayuhi jaa jya. O ŋa bo atumi Barnabase Antyose. 23Barnabase oto, omoni mpolo e Njyami ama asa, nde osweri. Nde oyaasi bo aso mo oka tele bɨla Nkʉmu nca etima e bo. 24Barnabase aki mvuuru ove, Oduduma Santi oma luula o nde, nde se aki na oyalihi. Baari kuna se ayalihi Nkʉmu.
25Emana barnabase oyeni onguundu o Tarse na asaha Sole. 26Nde omoni nde kwa, oyi na nde Antyose. Bo aso avwele asi osibi etiina o nca okuha jwa. Bo ayisihi baari kuna. Jwa ojwa ancomi mabaani ocwolo alwoni a Jesu ma akritye, ŋa Antyose. 27Ma ecuhu bya, awobi a mbari e Njyami asurihi Jerusaleme mo oje Antyose. 28Omo o nca bo nkuumi Angabise. Oduduma Santi aki omaluula o nde, nde otoosi ndi njala enini eva o yula ncye eso. Njala enini jya eyi o ntini e Klode aki nkani. 29Alwoni ayeesi ndi mvuuru na mvuuru ompa e nde abuuna obaha. Bo atuma, mo oyamaŋa baari ma amabaana ma anguhu o Jude. 30Alwoni asi vwa, bo atumi a bo apuha na Barnabase bɨla Sole, mpili akuuru a mo okuha a Jude.
अहिले सेलेक्ट गरिएको:
Janja 11: MDT
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 11
11
Pyere o Jerusaleme, aduha ancya ma ayiri na bo o Sesare
1Antuma bɨla baana ma anguhu ma aki o Jude, ayuhi ndi baari ma aki ka Ajife ni, amayalaha mbari e Njyami. 2Ntini e Pyere ayi na avuriha Jerusaleme, Ajife ma yalihi Jesu ampi nde mberi 3ndi: «We oma nyuniŋa nca anjo a baari ma akini osa sasi ni. We se omaja bɨla bo!» 4Ŋa Pyere oduhi maami ma ayiri aso ma ebaniŋi, na bo ndi: 5«Me eki nca onguundu o Jope me evwono. Me emoni maami a njimi. Me emoni kiila ewa na yulu, mva mfa enini, ama kwara ma ancwo ma ana. Owi yulu, oyi mpili e me. 6Me ekeesi yo yemiŋi, me emoni anyama ma embono ena bɨla anyama a swaha ŋa anyama majyeŋe o bali na anywi. 7Me yuhi juuyi leduha na me ndi: “Pyere temeŋe, buma we oja!” 8Ŋa me kaali mbɨri: “Kali Nkʉmu biibi ma amalehe ngɨri bɨla biila me ebi ekini onyuniŋa mo onwa a me ni.” 9O jwe le ojwele me vurihi eyuhi juuyi lya lewa na yulu, lo leduha ndi: “Biibi e Njyami ama duha ndi eve, we i buuna oduha mbɨri jo ebi ni!” 10Maami maa ayiri amihi atari, emana avrihi na yulu. 11O nci na nci ŋa abalaha atari ayi o njo e bisi lekihi o yo. Atumi bo nkara Sesare mo me. 12Oduduma Santi oduhi me mo oje bɨla bo asisari. Baana ma anguhu ma asyami a me eyi bɨla bo, ayeni bɨla me, ŋa bisi le nyuniŋi nca njo e balaha jya. 13Ŋa nde oduhi bisi osuumbu a nde amoni obaanji ma otele o nca njo e nde, oduhi na nde ndi: “Tuma abalaha Jope na ayaha Pyere, mawoloho se o Simo. 14Nde oduha we maami mavusuha we bɨla njo e we eso.” 15Me eki kini ebaana owobo, Oduduma Santi osurihi o yula bo, mva osuumbu a nde asurihi o yula saabe o ntini lebaani. 16Me yubihi mbari e Nkʉmu aduhi ndi: “Jan ampi baari ateeme ma anja, ŋa ma aje ompa be ateeme mo Oduduma Santi.” 17Njyami omampa bo puha ji jya, mva o nde ampi saabe o ntini leyalihi Jesu Krisi a Nkʉmu. Me na, mo oliha Njyami osa maami a nde?» 18Bo ayuha mbari jya, aya pi. Bo na nde ndi: «Lekʉma leka na Njyami! Ee jaa jaa, baari ma ali ka Ajife ni ma buuna okaala lebihi le bo. Bo se manyuniŋa nca lebihi. Njyami mvuuru ampa bo lengulu lya.»
Okuha Antyose
19Baari macalihi o oca oca o ntini maswesihi baari, o ngula leku le Etyene, ayeni tii ngo Finisi bɨla Sipre na Antyose. Ŋa bo atoosihi mbari e Njyami eso ni na Ajife. 20Okoroho maamo o mpaniŋi e bo asi Sipre bɨla Sirene maya Antyose. Bo se atoosi Ncya e mve e Jesu a Nkʉmu na Angɨreke se. 21Mpari e Nkʉmu eki bɨla bo, kya obila o baari kuna ma yalihi, bo se akalihi mpili e Nkʉmu. 22Baari mo okuha a Jerusaleme ayuhi jaa jya. O ŋa bo atumi Barnabase Antyose. 23Barnabase oto, omoni mpolo e Njyami ama asa, nde osweri. Nde oyaasi bo aso mo oka tele bɨla Nkʉmu nca etima e bo. 24Barnabase aki mvuuru ove, Oduduma Santi oma luula o nde, nde se aki na oyalihi. Baari kuna se ayalihi Nkʉmu.
25Emana barnabase oyeni onguundu o Tarse na asaha Sole. 26Nde omoni nde kwa, oyi na nde Antyose. Bo aso avwele asi osibi etiina o nca okuha jwa. Bo ayisihi baari kuna. Jwa ojwa ancomi mabaani ocwolo alwoni a Jesu ma akritye, ŋa Antyose. 27Ma ecuhu bya, awobi a mbari e Njyami asurihi Jerusaleme mo oje Antyose. 28Omo o nca bo nkuumi Angabise. Oduduma Santi aki omaluula o nde, nde otoosi ndi njala enini eva o yula ncye eso. Njala enini jya eyi o ntini e Klode aki nkani. 29Alwoni ayeesi ndi mvuuru na mvuuru ompa e nde abuuna obaha. Bo atuma, mo oyamaŋa baari ma amabaana ma anguhu o Jude. 30Alwoni asi vwa, bo atumi a bo apuha na Barnabase bɨla Sole, mpili akuuru a mo okuha a Jude.
अहिले सेलेक्ट गरिएको:
:
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES