Zowɛli 4
4
Dɛnaa n kiri kuri tɔrɔ kɔsɔn la
1Taãn nɛ!
Bɛa biikoo lɛ li sonbore,
ma á re wusii
ma Zudaa gána laanka
Zeruzalɛmu kiwi
kɛ saa ma da a bǎã nɛ.
2Ma á re tɔrɔn tumaa soekɔn,
nyankɔrɔ lɛ ke,
ǹ nə́ bíi mà
"Dɛnaa Lawa n kiri we",
ma á re ǹ kiɛ bɛ nɛ.
Ǹ sii mɛn zɛnaa maa zaman,
Izirayeli, ma din wɔn kɛn manɛ,
ma á re bɛa kiri we
ǹ ganaa walan.
A giala, ǹ nə́ ǹ sasawaa,
ǹ nə́ ǹ kaa tɔrɔ kɔsɔn bii,
ǹ nə́ maa gána lɛ gii kɔn.
3Ǹ nə́ n pã maa minin lɛn ganaa,
ǹ nə́ ǹ gii kɔn.
Ǹ nə́ ǹ nɛgiĩn sã,
ǹ nə́ lɔ kɔrɔn pii ka a paa nɛ.
Ǹ nə́ ǹ nɛlɔn sã,
ǹ nə́ duvɛ̃ pii ka a paa nɛ
ǹ nə́ mi.
4 #
IZA 14.29-31; 23.1-18; ZER 47.1-7; EZE 25—28; AMƆ 1.6-10; SOF 2.4-7; ZAK 9.1-7; MAT 11.21-22; LUK 10.13-14. Kasɛn Tiiri minin laanka Sidɔn
minin kɛn dɔn,
ka Filisiti kiwin kɛn tumaa
a minin ni,
kaa wàa-n ma gɔn?
Ka n die kaa gɛ̀ dòo boe
ma ganaa?
Bɛ̀ ka n masɛ gialaa sonbore,
á bǐɛ̃ kɔ!
Min goon bie gɛ̀ dòo boe wa.
Ma dɔ á re doe a ganaa,
ma bɔ ka ganaa,
a din bǎã nɛ.
5Ka dinin lɛn man ká maa
sana laanka maa wɔrɔ lɛ goa,
ma gɔn màn sonboren kɛn,
ká woo bɛn kaa
kaa dì kionən kɛn nɛ.
6Ka dinin lɛn dɔn man ká
Zudaa minin laanka
Zeruzalɛmu minin sã
Grɛsi minin la,
ká ǹ wɔlɔ lui ǹ dinin gána ganaa.
7Sɛnɛ, ka ǹ sã bǎã mɛn nɛ,
masɛ á re wusii ma ǹ waa walan,
ma da ǹ nɛ.
Ka sii baraa mɛn zɛnaa,
ma á re a dɔlɔ diɛ ka mìi ni.
8Ma á re kaa nɛgiĩn
laanka kaa nɛlɔn siɛ̃
Zudaa gána minin kɛn la.
Bɛn dɔn tá re ǹ siɛ̃
Saabaa minin kɛn la,
ǹ mɛnɛn lɛn wɔlɔ bɛ́ lui-n
kànaa ganaa.
Ma din Dɛnaa Lawa-n má pɛ.
9Ka kɛ pɛ tɔrɔ kɔsɔn lɛn manɛ:
ka n yɔrɔ bɔ zia-baa taman yii.
Ka min kakan lɛn foo taã,
zia-baalin lɛn tumaa nə n mɔrɔ,
ǹ wo zia la.
10 #
IZA 2.4; MIS 4.3. Ka kaa kána nànan bɔyaa,
ka ǹ baa gɔya san lɛa,
ka kaa sɛǹ gɔyan bɔyaa,
ka ǹ baa sɛmiɛ̃n lɛa.
Pàã wɛɛ bɛ́ min mɛn ganaa,
bɛ pɛ mà: «Giĩ-n ka masɛ nɛ!»
11Tɔrɔ kɔsɔn lɛn tumaa,
ka yiɛ bǎã yii ni ka daa,
ka da ka baa nɛ ka n lɛ sɔkɔn.
Dɛnaa Lawa,
n din nə n min kakan lɛn dia,
ǹ da gisĩ kànaa!
12Dɛnaa Lawa n kɛ pii:
Tɔrɔn tumaa yoo ǹ mɛ zii la,
ǹ wo nyankɔrɔ basa kɛ nɛ,
ǹ bɛ́ ǹ mɛn lɛ bíi mà
«Dɛnaa Lawa n kiri we.»
Man die giɛ̃ tán walan lɛn,
ma kiri wɔ
tɔrɔ kɔsɔn kɛn tumaa ganaa,
ǹ mɛnɛn bɛ́ ka lɛnpɛnɛ.
13 #
SNS 14.14-16,19,20; 19.15. Ka kaa sɛǹ gɔyan goa,
a giala, ǹ kurii dɔ ka *belee bɛ́ lɔn.
Ka ǹ tɔtɔrɔ ka gòãn li,
ka rezɛ̃ bɛ́ lɔn,
a giala bɛa minin lɛn baraabaa
la yii ni.
14Nyankɔrɔ lɛ ke,
kiri wɔ ǹ bǎã lɛa,
zaman tá die walan girigiri.
A giala,
Dɛnaa Lawa bɛ́ re n din nyɛɛ
walan ǹ mɛn pinaa,
bɛa lɛawaa diri.
15Wasa laanka mui á re tii
ka wɔlɔ tì bɛ́ lɔn,
leeren ba re tɛ-pii doo wa.
16 #
AMƆ 1.2. Dɛnaa Lawa nə n toɛ
*Siɔn kele la á n wɔɔsaa we
a nə n toɛ Zeruzalɛmu
á n paraa we.
Lon laanka tán nə́ ke bìn diɛ.
Sɛnɛ,
Dɛnaa Lawa din na a zaman tamaɛ,
Izirayeli minin lɛn man kiɛ
a din yele.
17Dɛnaa Lawa kɛ pɛ ǹ nɛ:
Ka á re doɛ̃ kəni,
mà masɛ Dɛnaa Lawa n
kaa Lawa lɛa.
Ma din lɛ n giã-n Siɔn kele kɛ la,
maa kele sonbore lɛ.
Zeruzalɛmu á re wusii
a maa wɔ baa duduu,
tiin ba re we a-n doo duduu wa.
Lawa a zaman a yii-nyɛɛ yɛ
18Bɛa pinaa kɛ nɛ,
duvɛ̃ dii á re baa sii kelen la,
bɔ̀nyaa dɔ á re baa sii
tentenen la,
Zudaa gána a pɛrɛn kɛn tumaa
á re piɛ̃ ka mu ni.
Mu á re pìã woɛ̃
Dɛnaa Lawa a kion kɛ nɛ,
a din lɛ n die Sitimu
a nyankɔrɔ lɛ kɛ basɛ̃.
19Ezipti gána kɛ gɔ́ɔ̃ kooro
á die goɛ̃,
Edɔmu gána kɛ á re
don gɔ́ɔ̃ kooro-a biɛ.
A giala,
ǹ nə́ kakaarɛbaa ǹ sii zɛnaa
Zudaa minin lɛn manɛ,
ǹ nə́ ǹ dɛ ǹ dinin gána nɛ,
a da yaa, ǹ sii dɔ la wa.
20-21Sonbore, masɛ máa ǹ sii la wa.
Bɛ lɛ n ke,
minin tá re goɛ̃ Zudaa gána lɛ-n
miɛ̃ duduu,
minin tá re goɛ̃ Zeruzalɛmu kiwi
kɛ nɛ biikoo tumaa li,
ma dinmaa Dɛnaa Lawa n die giɛ̃
Siɔn kele kɛ la.
अहिले सेलेक्ट गरिएको:
Zowɛli 4: SCE2013
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
San Catholic Edition Bible © Bible Society of Burkina Faso, 2013.
Zowɛli 4
4
Dɛnaa n kiri kuri tɔrɔ kɔsɔn la
1Taãn nɛ!
Bɛa biikoo lɛ li sonbore,
ma á re wusii
ma Zudaa gána laanka
Zeruzalɛmu kiwi
kɛ saa ma da a bǎã nɛ.
2Ma á re tɔrɔn tumaa soekɔn,
nyankɔrɔ lɛ ke,
ǹ nə́ bíi mà
"Dɛnaa Lawa n kiri we",
ma á re ǹ kiɛ bɛ nɛ.
Ǹ sii mɛn zɛnaa maa zaman,
Izirayeli, ma din wɔn kɛn manɛ,
ma á re bɛa kiri we
ǹ ganaa walan.
A giala, ǹ nə́ ǹ sasawaa,
ǹ nə́ ǹ kaa tɔrɔ kɔsɔn bii,
ǹ nə́ maa gána lɛ gii kɔn.
3Ǹ nə́ n pã maa minin lɛn ganaa,
ǹ nə́ ǹ gii kɔn.
Ǹ nə́ ǹ nɛgiĩn sã,
ǹ nə́ lɔ kɔrɔn pii ka a paa nɛ.
Ǹ nə́ ǹ nɛlɔn sã,
ǹ nə́ duvɛ̃ pii ka a paa nɛ
ǹ nə́ mi.
4 #
IZA 14.29-31; 23.1-18; ZER 47.1-7; EZE 25—28; AMƆ 1.6-10; SOF 2.4-7; ZAK 9.1-7; MAT 11.21-22; LUK 10.13-14. Kasɛn Tiiri minin laanka Sidɔn
minin kɛn dɔn,
ka Filisiti kiwin kɛn tumaa
a minin ni,
kaa wàa-n ma gɔn?
Ka n die kaa gɛ̀ dòo boe
ma ganaa?
Bɛ̀ ka n masɛ gialaa sonbore,
á bǐɛ̃ kɔ!
Min goon bie gɛ̀ dòo boe wa.
Ma dɔ á re doe a ganaa,
ma bɔ ka ganaa,
a din bǎã nɛ.
5Ka dinin lɛn man ká maa
sana laanka maa wɔrɔ lɛ goa,
ma gɔn màn sonboren kɛn,
ká woo bɛn kaa
kaa dì kionən kɛn nɛ.
6Ka dinin lɛn dɔn man ká
Zudaa minin laanka
Zeruzalɛmu minin sã
Grɛsi minin la,
ká ǹ wɔlɔ lui ǹ dinin gána ganaa.
7Sɛnɛ, ka ǹ sã bǎã mɛn nɛ,
masɛ á re wusii ma ǹ waa walan,
ma da ǹ nɛ.
Ka sii baraa mɛn zɛnaa,
ma á re a dɔlɔ diɛ ka mìi ni.
8Ma á re kaa nɛgiĩn
laanka kaa nɛlɔn siɛ̃
Zudaa gána minin kɛn la.
Bɛn dɔn tá re ǹ siɛ̃
Saabaa minin kɛn la,
ǹ mɛnɛn lɛn wɔlɔ bɛ́ lui-n
kànaa ganaa.
Ma din Dɛnaa Lawa-n má pɛ.
9Ka kɛ pɛ tɔrɔ kɔsɔn lɛn manɛ:
ka n yɔrɔ bɔ zia-baa taman yii.
Ka min kakan lɛn foo taã,
zia-baalin lɛn tumaa nə n mɔrɔ,
ǹ wo zia la.
10 #
IZA 2.4; MIS 4.3. Ka kaa kána nànan bɔyaa,
ka ǹ baa gɔya san lɛa,
ka kaa sɛǹ gɔyan bɔyaa,
ka ǹ baa sɛmiɛ̃n lɛa.
Pàã wɛɛ bɛ́ min mɛn ganaa,
bɛ pɛ mà: «Giĩ-n ka masɛ nɛ!»
11Tɔrɔ kɔsɔn lɛn tumaa,
ka yiɛ bǎã yii ni ka daa,
ka da ka baa nɛ ka n lɛ sɔkɔn.
Dɛnaa Lawa,
n din nə n min kakan lɛn dia,
ǹ da gisĩ kànaa!
12Dɛnaa Lawa n kɛ pii:
Tɔrɔn tumaa yoo ǹ mɛ zii la,
ǹ wo nyankɔrɔ basa kɛ nɛ,
ǹ bɛ́ ǹ mɛn lɛ bíi mà
«Dɛnaa Lawa n kiri we.»
Man die giɛ̃ tán walan lɛn,
ma kiri wɔ
tɔrɔ kɔsɔn kɛn tumaa ganaa,
ǹ mɛnɛn bɛ́ ka lɛnpɛnɛ.
13 #
SNS 14.14-16,19,20; 19.15. Ka kaa sɛǹ gɔyan goa,
a giala, ǹ kurii dɔ ka *belee bɛ́ lɔn.
Ka ǹ tɔtɔrɔ ka gòãn li,
ka rezɛ̃ bɛ́ lɔn,
a giala bɛa minin lɛn baraabaa
la yii ni.
14Nyankɔrɔ lɛ ke,
kiri wɔ ǹ bǎã lɛa,
zaman tá die walan girigiri.
A giala,
Dɛnaa Lawa bɛ́ re n din nyɛɛ
walan ǹ mɛn pinaa,
bɛa lɛawaa diri.
15Wasa laanka mui á re tii
ka wɔlɔ tì bɛ́ lɔn,
leeren ba re tɛ-pii doo wa.
16 #
AMƆ 1.2. Dɛnaa Lawa nə n toɛ
*Siɔn kele la á n wɔɔsaa we
a nə n toɛ Zeruzalɛmu
á n paraa we.
Lon laanka tán nə́ ke bìn diɛ.
Sɛnɛ,
Dɛnaa Lawa din na a zaman tamaɛ,
Izirayeli minin lɛn man kiɛ
a din yele.
17Dɛnaa Lawa kɛ pɛ ǹ nɛ:
Ka á re doɛ̃ kəni,
mà masɛ Dɛnaa Lawa n
kaa Lawa lɛa.
Ma din lɛ n giã-n Siɔn kele kɛ la,
maa kele sonbore lɛ.
Zeruzalɛmu á re wusii
a maa wɔ baa duduu,
tiin ba re we a-n doo duduu wa.
Lawa a zaman a yii-nyɛɛ yɛ
18Bɛa pinaa kɛ nɛ,
duvɛ̃ dii á re baa sii kelen la,
bɔ̀nyaa dɔ á re baa sii
tentenen la,
Zudaa gána a pɛrɛn kɛn tumaa
á re piɛ̃ ka mu ni.
Mu á re pìã woɛ̃
Dɛnaa Lawa a kion kɛ nɛ,
a din lɛ n die Sitimu
a nyankɔrɔ lɛ kɛ basɛ̃.
19Ezipti gána kɛ gɔ́ɔ̃ kooro
á die goɛ̃,
Edɔmu gána kɛ á re
don gɔ́ɔ̃ kooro-a biɛ.
A giala,
ǹ nə́ kakaarɛbaa ǹ sii zɛnaa
Zudaa minin lɛn manɛ,
ǹ nə́ ǹ dɛ ǹ dinin gána nɛ,
a da yaa, ǹ sii dɔ la wa.
20-21Sonbore, masɛ máa ǹ sii la wa.
Bɛ lɛ n ke,
minin tá re goɛ̃ Zudaa gána lɛ-n
miɛ̃ duduu,
minin tá re goɛ̃ Zeruzalɛmu kiwi
kɛ nɛ biikoo tumaa li,
ma dinmaa Dɛnaa Lawa n die giɛ̃
Siɔn kele kɛ la.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
San Catholic Edition Bible © Bible Society of Burkina Faso, 2013.