KAWNCAU 20
20
Pawlux Hu Sidiex
1Khaix hoik yiien ceu pa lawh maw cuci an, Pawlux kok kawncau mau soi khankix mai khaix hoik gau kix, nawh grham kix mai lih hu ka daux meung Makedonix heue. 2Khaix hoik hu lailing nawh preeng ka daux haktiex baux an khankix mai khaix hoik sidiex gau kix tom nie, nawh hoek ka meung Helasax heue. 3Khaix hoik ot nawh tan loe khix, yam nawh dex sang brug reu hu ka meung Surix, kheu pui Yudax keud grawng ti sang yuh pa caox ka nawh, nawh tom keud ti sang deeh ing preeng ka meung Makedonix heue. 4Sopatarux, kawn simex Purux, pa mawh pui veng Berix mai Arittakhux mai Sekhuntux, pa mawh pui veng Thesalonix mai Kayux pui veng Derabe mai Timose mai Tukhix mai Trawphimux pui meung Asix, hu tau mai Pawlux tom hoek meung Asix heue. 5Pui an khankix hoik hu sivoe mai krox ex ka daux veng Troax. 6Ex brug reu hu khaing veng Philippix, khaix ngaix blah pa ang sau susaix khankix mai khaix phwan ngaix ex hoek ka kix ka veng Troax mai ex ot tan aliah ngaix heue.
Pawlux Ghoik Ti Hu Fi
7Daux aliah ngaix ngaix tix, yam hoik khrawm ex paox tix song sang sivit blah. Pawlux sidiex gau kix, kheu ce ti sang yaog ti hu pasax, nawh sidiex kix tom hoek greung sawm heue. 8Kwe kawk ngu tom nie daux lawg plak piang ka dee khrawm ex paox tix tan heue. 9Pui awn ju tix kaux pa kaux Utukhux ngawm ka diang siviex iak mai laig it tix, yam nie baox sidiex Pawlux tom rheung, kaw an lhiak it mai rau khaing dee koe loe thaix tan, yam yaog ti kliien, nawh hoik yum heue. 10Pawlux lih hu mai gup piang nawh mai kawm nawh ah nin, “Pex paw lawh maw, kheu ju nawh kawn koe daux nawh heue.” 11Khaix hoik deeh haok nawh mai hoik sivit ti ih blah mai sikah mai kix tom rheung nyao, uik hoek tom yam riang praix mai nawh lih hu heue. 12Kix viex kawn nyawm pa hoik im an hoek mai koe krax nyawm rhawm kheu, ceeix ngie ang mawh heue.
Brug Reu Hu Ka Veng Milet
13Ex hu ka reu sivoe mai brug hu ka veng Asux mai keud ti sang rieb Pawlux laig daux reu tan mawh kheu hoik bak nawh nan. 14Yam nawh sidah ex ka veng Asux, ex rieb nawh laig daux reu mai hu hoek ka veng Mitulen heue. 15Ex brug reu hu khaing tan mai ngaix pasax ex hoek sidieb klawn tiex Khiux mai khaix an tix ngaix ex hoek ka klawn tiex Samaox mai paung liep klawn tiex Trawkuli mai khaix an tix ngaix ex hoek ka veng Milet heue. 16Mawh kheu Pawlux keud ti sang brug reu via khaing veng Efesux, son ang nawh lai uik bawg yam ka daux meung Asix, kheu nawh nied ti hu ka veng Yerusaliem, sonsang pon ti ot tan ngaix pawie Pientekote, phan chix tix heue.
Tawx Riang Rao Kuad Ceucao
17Nawh ploi pui khaing veng Milet ti hu kok pui bung kaing ceucao veng Efesux khankix hoek ka nawh heue. 18Yam hoek kix ka nawh, nawh ah nin ka kix, “Tokaux pex hoik tawng, jah tom ngaix, yam dig caong aux ka meung Asix, aux lawk ot mai pex awm pa yuh ka mawx jheung jheung. 19Grawng hoik viex aux rhawm awn rhawm tiem mai jah rawm ngai ti yuh son Siyiex, kheu ceu pa cheuk pa nyaw pa hoik kham geu aux ka grawng pa caox pa pui Yudax khankix hoik keud ti yuh ka aux, 20Grawng pa ang aux lhat krai ka pex grawng pa koe bwanson kuceu mai gau ka pex sivoe pui mai khawm tix nyiex hoik tix nyiex, 21Kham mhai rug ka pui Yudax khankix mai ka pui Helasax khankix grawng ceu pa doh keud ka phimap tix plak Siyiex mai krax yum rhawm plak Simiang ex Yesux Khrit heue. 22Jhak heue, yam in, aux hu ka daux pa hoik phyawk Khuan ka veng Yerusaliem mai ang tawng grawng ceu pa sang hoek piang aux tan, 23lheu khaing pa kham Khuan Singax Singeh mhai rug ka aux ka daux ku veng mai krai aux grawng pa phyawk mai pa kha rhawm krox son aux heue. 24Viang mawh nan, nyawk ka mawh ju aux, ang aux lai lhawk ka ju aux, sonsang pon yuh aux tom hoik, #2Ti 4:7kaing sidiex gau pa hoik pon aux khaing Simiang Yesux, sonsang pon ti kham mhai rug grawng lox bwan gaux rhawm pa dex dawd mai bwanson Siyiex heue. 25Jhak heue, yam in aux tawng grawng pex khawmuik, pa hoik hu lai ling aux sinax ti sidiex gau, grawng meung Siyiex, tak ang lai baox yaox pakngai aux heue. 26Mawh kheu nan aux tom kham mhai rug ka pex singaix, grawng singax singeh aux khaing nham pui khawmuik heue. 27Grawh grawng nawh, ang aux sax lhat krai lox tawm jhawm krai Siyiex khawmuik ka pex heue. 28Mawh kheu nan rien rhawm ka tokaux tix mai ka cub yung khawmuik, pa hoik kieh Khuan Singax Singeh pex mawh cao bung cao kia, sonsang tawx ceu cao sawm pa hoik liag Simiang ka nham tokaux tix heue. 29Aux tawng khaix hoik lih hu aux, grawng soxla pa caox khankix tak laig ka sinax pex mai tak ang deuh cub yung, 30mai pui tix blah tak sang kaoh khaing ka daux pex mai krai grawng ceu pa lud, sonsang bluh kawncau mau soi khankix hawt khaix tokaux tix heue. 31Mawh kheu nan pex pau ti jhak mai doh keud grawng son loe num khawm yam ponngaix, ponsawm, aux ang laux lee tix, jah rawm ngai mai sidiex gau ka ku kaux daux pui heue. 32Puxaik khankix eue, yam in aux tawx pong pex ka Siyiex mai ka gumlox bwanson Nawh, pa chix kieh pex ting lhaong mai tawx sin ka pex, ka sinax kix pa singax singeh khawmuik heue. 33Aux ang sax ghoing ka mau, ka khri, phan ang mawh nan ka kraung ceep pui tix kaux kawx heue. 34Tokaux pex kawx hoik tawng grawng taix aux in, hoik yuh ti pon ceu pa lo aux mai kix pa ot tau mai aux khankix heue. 35Ka daux kuceu khawmuik aux hoik tawx ceu pa hawt jawh pex ti yuh, sonsang yuh pex kaing pa khaw ti teem ka pui pa iak riang rao khankix mai sonsang doh keud ka lox Simiang Yesux, pa hoik ah tokaux Nawh nin, Ceu pa tawx lheu ting bwanson khaing ceu pa pon heue.” 36Khaix hoik ah nawh nan, nawh grux ngawng mai rawg bwan tau mai kix khawmuik heue. 37Kix khawmuik nied ti yiiem mai kawm ngawg nawh mai ngheut nawh, 38mai kix nie lheu khi rhawm kheu lox pa hoik ah nawh grawng kix tak ang lai baox yaox pakngai nawh mai kix viex ti hu tawx nawh ka reu heue.
अहिले सेलेक्ट गरिएको:
KAWNCAU 20: WCL
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Wa Common Language Bible © Bible Society of Myanmar, 2012
KAWNCAU 20
20
Pawlux Hu Sidiex
1Khaix hoik yiien ceu pa lawh maw cuci an, Pawlux kok kawncau mau soi khankix mai khaix hoik gau kix, nawh grham kix mai lih hu ka daux meung Makedonix heue. 2Khaix hoik hu lailing nawh preeng ka daux haktiex baux an khankix mai khaix hoik sidiex gau kix tom nie, nawh hoek ka meung Helasax heue. 3Khaix hoik ot nawh tan loe khix, yam nawh dex sang brug reu hu ka meung Surix, kheu pui Yudax keud grawng ti sang yuh pa caox ka nawh, nawh tom keud ti sang deeh ing preeng ka meung Makedonix heue. 4Sopatarux, kawn simex Purux, pa mawh pui veng Berix mai Arittakhux mai Sekhuntux, pa mawh pui veng Thesalonix mai Kayux pui veng Derabe mai Timose mai Tukhix mai Trawphimux pui meung Asix, hu tau mai Pawlux tom hoek meung Asix heue. 5Pui an khankix hoik hu sivoe mai krox ex ka daux veng Troax. 6Ex brug reu hu khaing veng Philippix, khaix ngaix blah pa ang sau susaix khankix mai khaix phwan ngaix ex hoek ka kix ka veng Troax mai ex ot tan aliah ngaix heue.
Pawlux Ghoik Ti Hu Fi
7Daux aliah ngaix ngaix tix, yam hoik khrawm ex paox tix song sang sivit blah. Pawlux sidiex gau kix, kheu ce ti sang yaog ti hu pasax, nawh sidiex kix tom hoek greung sawm heue. 8Kwe kawk ngu tom nie daux lawg plak piang ka dee khrawm ex paox tix tan heue. 9Pui awn ju tix kaux pa kaux Utukhux ngawm ka diang siviex iak mai laig it tix, yam nie baox sidiex Pawlux tom rheung, kaw an lhiak it mai rau khaing dee koe loe thaix tan, yam yaog ti kliien, nawh hoik yum heue. 10Pawlux lih hu mai gup piang nawh mai kawm nawh ah nin, “Pex paw lawh maw, kheu ju nawh kawn koe daux nawh heue.” 11Khaix hoik deeh haok nawh mai hoik sivit ti ih blah mai sikah mai kix tom rheung nyao, uik hoek tom yam riang praix mai nawh lih hu heue. 12Kix viex kawn nyawm pa hoik im an hoek mai koe krax nyawm rhawm kheu, ceeix ngie ang mawh heue.
Brug Reu Hu Ka Veng Milet
13Ex hu ka reu sivoe mai brug hu ka veng Asux mai keud ti sang rieb Pawlux laig daux reu tan mawh kheu hoik bak nawh nan. 14Yam nawh sidah ex ka veng Asux, ex rieb nawh laig daux reu mai hu hoek ka veng Mitulen heue. 15Ex brug reu hu khaing tan mai ngaix pasax ex hoek sidieb klawn tiex Khiux mai khaix an tix ngaix ex hoek ka klawn tiex Samaox mai paung liep klawn tiex Trawkuli mai khaix an tix ngaix ex hoek ka veng Milet heue. 16Mawh kheu Pawlux keud ti sang brug reu via khaing veng Efesux, son ang nawh lai uik bawg yam ka daux meung Asix, kheu nawh nied ti hu ka veng Yerusaliem, sonsang pon ti ot tan ngaix pawie Pientekote, phan chix tix heue.
Tawx Riang Rao Kuad Ceucao
17Nawh ploi pui khaing veng Milet ti hu kok pui bung kaing ceucao veng Efesux khankix hoek ka nawh heue. 18Yam hoek kix ka nawh, nawh ah nin ka kix, “Tokaux pex hoik tawng, jah tom ngaix, yam dig caong aux ka meung Asix, aux lawk ot mai pex awm pa yuh ka mawx jheung jheung. 19Grawng hoik viex aux rhawm awn rhawm tiem mai jah rawm ngai ti yuh son Siyiex, kheu ceu pa cheuk pa nyaw pa hoik kham geu aux ka grawng pa caox pa pui Yudax khankix hoik keud ti yuh ka aux, 20Grawng pa ang aux lhat krai ka pex grawng pa koe bwanson kuceu mai gau ka pex sivoe pui mai khawm tix nyiex hoik tix nyiex, 21Kham mhai rug ka pui Yudax khankix mai ka pui Helasax khankix grawng ceu pa doh keud ka phimap tix plak Siyiex mai krax yum rhawm plak Simiang ex Yesux Khrit heue. 22Jhak heue, yam in, aux hu ka daux pa hoik phyawk Khuan ka veng Yerusaliem mai ang tawng grawng ceu pa sang hoek piang aux tan, 23lheu khaing pa kham Khuan Singax Singeh mhai rug ka aux ka daux ku veng mai krai aux grawng pa phyawk mai pa kha rhawm krox son aux heue. 24Viang mawh nan, nyawk ka mawh ju aux, ang aux lai lhawk ka ju aux, sonsang pon yuh aux tom hoik, #2Ti 4:7kaing sidiex gau pa hoik pon aux khaing Simiang Yesux, sonsang pon ti kham mhai rug grawng lox bwan gaux rhawm pa dex dawd mai bwanson Siyiex heue. 25Jhak heue, yam in aux tawng grawng pex khawmuik, pa hoik hu lai ling aux sinax ti sidiex gau, grawng meung Siyiex, tak ang lai baox yaox pakngai aux heue. 26Mawh kheu nan aux tom kham mhai rug ka pex singaix, grawng singax singeh aux khaing nham pui khawmuik heue. 27Grawh grawng nawh, ang aux sax lhat krai lox tawm jhawm krai Siyiex khawmuik ka pex heue. 28Mawh kheu nan rien rhawm ka tokaux tix mai ka cub yung khawmuik, pa hoik kieh Khuan Singax Singeh pex mawh cao bung cao kia, sonsang tawx ceu cao sawm pa hoik liag Simiang ka nham tokaux tix heue. 29Aux tawng khaix hoik lih hu aux, grawng soxla pa caox khankix tak laig ka sinax pex mai tak ang deuh cub yung, 30mai pui tix blah tak sang kaoh khaing ka daux pex mai krai grawng ceu pa lud, sonsang bluh kawncau mau soi khankix hawt khaix tokaux tix heue. 31Mawh kheu nan pex pau ti jhak mai doh keud grawng son loe num khawm yam ponngaix, ponsawm, aux ang laux lee tix, jah rawm ngai mai sidiex gau ka ku kaux daux pui heue. 32Puxaik khankix eue, yam in aux tawx pong pex ka Siyiex mai ka gumlox bwanson Nawh, pa chix kieh pex ting lhaong mai tawx sin ka pex, ka sinax kix pa singax singeh khawmuik heue. 33Aux ang sax ghoing ka mau, ka khri, phan ang mawh nan ka kraung ceep pui tix kaux kawx heue. 34Tokaux pex kawx hoik tawng grawng taix aux in, hoik yuh ti pon ceu pa lo aux mai kix pa ot tau mai aux khankix heue. 35Ka daux kuceu khawmuik aux hoik tawx ceu pa hawt jawh pex ti yuh, sonsang yuh pex kaing pa khaw ti teem ka pui pa iak riang rao khankix mai sonsang doh keud ka lox Simiang Yesux, pa hoik ah tokaux Nawh nin, Ceu pa tawx lheu ting bwanson khaing ceu pa pon heue.” 36Khaix hoik ah nawh nan, nawh grux ngawng mai rawg bwan tau mai kix khawmuik heue. 37Kix khawmuik nied ti yiiem mai kawm ngawg nawh mai ngheut nawh, 38mai kix nie lheu khi rhawm kheu lox pa hoik ah nawh grawng kix tak ang lai baox yaox pakngai nawh mai kix viex ti hu tawx nawh ka reu heue.
अहिले सेलेक्ट गरिएको:
:
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Wa Common Language Bible © Bible Society of Myanmar, 2012