बाट लोकप्रिय बाइबल पदहरू {{chapter}}

शेयर गर्नुहोस्

ကိုယ်တော်ယေရှုဟ အဲမိုလူဝို "ကိုယ် စိ နှလုံးသုံးပါးလုံးန နန့်ရဲ့ဘုရားရှင်ဝို ကြွင်းမဲ့ယုံကြည်ရှစ်ခင်ရမယ်။ အယ်မိုဇာဟ ကီးမြတ်ဝို ပထမဆုံးပညတ်တော်ဘဲ့ဖြစ်ရယ်။ ဒုတိယပညတ်တော်ဟ ကိုယ့်အီဇာနီးချင်းဝို ကိုယ့်ကိုကိုယ်ရှစ်မျိုး ရှစ်ရမယ်။

ပညတ်တရားကျမ်းန ပရောဖက်ဒို့ ဟောပြောသန်ကြားခဲ့ဝိုဇာဒွေဟ အဲမိုပညတ်တရားနှေ့ပါးပေါ်မှာ မူတည်ရားဂေ့ရယ်။" ဆိုပီး မိတော်မူလေရယ်။

အဲမိုမျိုးဘဲ့ လူများဂီးဟ ခေါ်ဆော်ဇာခံရဘေမဲ့ ဝွီးကော့ဇာခံရသူဟ နည်းငယ်ဘဲ့ရှေ့လေရယ်။" ဆိုပီး မိတော်မူလေရယ်။

သေဆုံးရာဟနေ ပလန်လည်ရှင်သန်လာဝိုကာလမှာ လူဒွေဟ လက်ထပ်ထီးမြားဇာ လုပ်ဂေ့ဟန်း၊ လက်ထပ်ထီးမြားဝို့ ပေးစားဇာလဲ ရှေ့ဂေ့မှာမုဝ။ အဲမိုစား လူဒွေဟ ရွှေဗြို့တော်မှာရှေ့ဝို နတ်ဒေဝါဒွေမျိုး ဖြစ်ဂေ့ရလိမယ်ဖြစ်ရယ်။

ခွန်ဆစ်သရဝို ငွေဒန်းဂါးတပြားဝို ငါ့ဝိုပြပါ။" ဆိုပီး မိတော်မူဝိုခါမှာ သူနို့ဟ ငွေဒန်းဂါးတပြားဝို ကိုယ်တော်ဆီဝို ယူဆော်လာလေရယ်။ ကိုယ်တော်ယေရှုဟ သူ့နို့ဝို "ငွေဒန်းဂါးတစ်ပြားပေါ်မှာရှေ့ဝို ပုံ န နော်မယ်ဟ ဟယ်သူ့နော်မယ်နူး။" ဆိုပီး မေးတော်မူလေရယ်။ သူနို့ဟလည်း "ဆီဇာဘုရင် ဧကရာဇ်ဖြစ်ပါရယ်။" ဆိုပီး ရှော့တံဂေ့ဝိုခါမှာ ကိုယ်တော်ဟ "အဲမျိုးဖြစ်မယ်ဆိုဝါ ဆီဇာဘုရင်ဧကရာဇ်န ဆိုင်ဝိုဇာဝို ဆီဇာဘုရင်ဧကရာဇ်ဝိုပေးပီး ဘုရားရှင် န ဆိုင်ဝိုဇာဝို ဘုရားရှင်ဝိုပေးဂေ့လော့။" ဆိုပီး မိတော်မူလေရယ်။