YouVersion လိုဂို
ရှာရန် အိုင်ကွန်

Mateo 1

1
Xolilal Ebꞌ Yichmam Jesucristo
1Jaꞌton sbꞌi ebꞌ yichmam Naj Jesucristo yin xolilal tiꞌ. Jaꞌ Jesucristo, yicꞌaal naj David cꞌal yicꞌaal pax naj Abraham. 2Jaꞌ naj Abraham, smam naj Isaac, jaxa naj Isaac, smam naj Jacob. Jaꞌ naj Jacob, smam naj Judá yetoj wanxa ebꞌ yuẍtaj. 3Jaꞌ naj Judá yetoj ix Tamar, ey yuninal ebꞌ, naj Fares cꞌal naj Zérah. Jaꞌ naj Fares, smam naj Hesrón. Jaꞌ naj Hesrón, smam naj Aram. 4Jaꞌ naj Aram, smam naj Aminadab. Jaꞌ naj Aminadab, smam naj Nahasón. Jaꞌ naj Nahasón, smam naj Salmón. 5Jaꞌ naj Salmón yetoj ix Rahab, ey yuninal ebꞌ, naj Booz. Jaꞌ naj Booz yetoj ix Rut, ey yuninal ebꞌ, naj Obed. Jaꞌ naj Obed, smam naj Jesé. 6Jaꞌ naj Jesé, smam naj rey David, smam naj Salomón. Jaꞌ xutx naj Salomón tuꞌ, jaꞌ ix yistil naj Urías yet sbꞌabꞌelal. 7Jaꞌ naj Salomón, smam naj Roboam. Jaꞌ naj Roboam, smam naj Abías. Jaꞌ naj Abías, smam naj Asá. 8Jaꞌ naj Asá, smam naj Josafat. Jaꞌ naj Josafat, smam naj Joram. Jaꞌ naj Joram, smam naj Uzías. 9Jaꞌ naj Uzías, smam naj Jotam. Jaꞌ naj Jotam, smam naj Ahaz. Jaꞌ naj Ahaz, smam naj Ezequías. 10Jaꞌ naj Ezequías, smam naj Manasés. Jaꞌ naj Manasés, smam naj Amón. Jaꞌ naj Amón, smam naj Josías. 11Jaꞌ naj Josías, smam naj Jeconías yetoj ebꞌ yuẍtaj. Jaꞌ yul stiempoal ebꞌ tuꞌ jix iꞌletoj ebꞌ yuninal Israel* yu yakꞌle servil ebꞌ bꞌey Babilonia. 12Jaꞌ yet eyxa ecꞌ ebꞌ bꞌey Babilonia tuꞌ xin, jix ali Salatiel, scꞌaal naj Jeconías. Jaꞌ naj Salatiel, smam naj Zorobabel. 13Jaꞌ naj Zorobabel, smam naj Abihud. Jaꞌ naj Abihud, smam naj Eliaquim. Jaꞌ naj Eliaquim, smam naj Azor. 14Jaꞌ naj Azor, smam naj Sadoc. Jaꞌ naj Sadoc, smam naj Aquim. Jaꞌ naj Aquim smam naj Eliud. 15Jaꞌ naj Eliud, smam naj Eleazar. Jaꞌ naj Matán, smam naj Jacob. 16Jaꞌ naj Jacob, smam naj José, yichamil ix María, ix xutx Naj Jesús, naj chi yij Mesías,* jaꞌton naj Akꞌbꞌil Yopiso yu Dios.* 17Yu tuꞌ xin, canlajonwan ebꞌ ichmame yet tax cꞌal naj Abraham masantaꞌcꞌal naj David. Catuꞌ canlajonwan pax ebꞌ yet tax cꞌal naj David masantaꞌcꞌal jix iꞌletoj ebꞌ Israel bꞌey Babilonia. Catuꞌ canlajonwan pax ebꞌ yet tax cꞌal jix iꞌletoj ebꞌ Israel tuꞌ bꞌey Babilonia masantaꞌcꞌal jix ali Naj Cristo.
Yalubꞌal Jesucristo
(Lucas 2:1-7)
18Jaxca cꞌal tiꞌ yoc skꞌaneal yalubꞌal Jesucristo tiꞌ: Eyxa swa kꞌane naj José yetoj ix María. Kꞌane tocꞌal, cꞌamto chi yiꞌle sbꞌa ebꞌ, asan xin, mimejalxa pax ix María tuꞌ. Jaꞌ Naj Santo Espíritu jix akꞌon pitzcꞌu a jun unin tuꞌ yin ix. 19Jaꞌ naj José tuꞌ, caw jijem naj yin sley Moisés.* Caxcꞌal jijem naj asan xin, ma yal scꞌul naj chi abꞌcha skꞌumal ix María tuꞌ yu ánima, yuxan jix yoche naj chi lawi ey jun swa kꞌane ebꞌ tuꞌ yin ewantajil. 20Jaꞌ yet lalanto snaꞌon naj José jun tuꞌ xin, catuꞌ jix xꞌoxon a sbꞌa jun yángel Naj Kaawil yin weyicheal tet naj, catuꞌ jix yalon tet jaxca tiꞌ:
—José, jaach yicꞌaal naj David,* manche jaach xiw ja wiꞌon María ja wistiloj. Yutol jaꞌ jun unin eyxa oc yin ix tuꞌ, jaꞌ Naj Santo Espíritu jix aon oc yin ix. 21Jaꞌ jun unin oj aloj tuꞌ, winaj unin. Oj ja wakꞌ yij sbꞌi Jesús,#1:21 Jesús chi yal yeloc apnoj “Dios Colwawom”. yutol jaꞌ oj colon el ebꞌ sconobꞌ xol spenail, ẍi jun ángel tuꞌ tet naj José. 22Jix yun masanil wan tiꞌ yet watxꞌ chi yun tzet jix yal Naj Kaawil yet jix yakꞌbꞌalnen stiꞌ jun ẍejabꞌ yalon jaxca tiꞌ:
23Ey jun ix kꞌopo ix, cꞌamto chi yiꞌle sbꞌa yetoj junoj winaj, asan xin, oj pitzcꞌu a jun unin yin. Jaꞌ jun unin oj aloj tuꞌ, winaj unin. Emanuel oj yijaꞌ, ẍi yul An Juun Tzꞌibꞌebꞌilcanoj.*#Isaías 7:14.
Emanuel chi yal yeloc apnoj: Eyecꞌ Dios ketoj. 24Jaꞌ yet jix el sweyan naj José tuꞌ xin, jix sjijen naj jaxca jix yun yalon jun yángel Naj Kaawil tuꞌ tet naj, catuꞌ jix ẍaꞌon scꞌul yiꞌon ix. 25Asan xin ma tocꞌal yiꞌle sbꞌa ebꞌ, masantaꞌcꞌal jix ali naj sbꞌabꞌel yuneꞌ ix tuꞌ, catuꞌ jix akꞌle yij sbꞌi Jesús, yu naj José tuꞌ.

လက်ရှိရွေးချယ်ထားမှု

Mateo 1: knj

အရောင်မှတ်ချက်

မျှဝေရန်

ကူးယူ

None

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

YouVersion သည် သင့်အတွေ့အကြုံကို စိတ်ကြိုက်ပြင်ဆင်ရန် ကွတ်ကီးများကို အသုံးပြုသည်။ ကျွန်ုပ်တို့၏ဝဘ်ဆိုဒ်ကိုအသုံးပြုခြင်းဖြင့် ကျွန်ုပ်တို့၏ ကိုယ်ရေးကိုယ်တာမူဝါဒတွင်ဖော်ပြထားသည့်အတိုင်း ကျွန်ုပ်တို့၏ cookies အသုံးပြုမှုကို သင်လက်ခံပါသည်။