လုကာကျမ်း 7မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထို့​ကြော​င့် သ​င့်​အား​ငါ​ဆို​သည်​ကား ဤ​အ​မျိုး​သ​မီး​သည် များ​စွာ​သော ‘ဂူနာဟ်’ အ​ပြစ်​တို့​မှ​ခွ​င့်​လွှတ်​ခြင်း​ခံ​ရ၏။ ထို​သို့​ခွ​င့်​လွှတ်​ခြင်း​ခံ​ရ​ကြောင်း​ကို​သူ၏​ကြီး​မား​သော​မေ​တ္တာ​က​သက်​သေ​ခံ၏။ ထို့သို့ပင် ‘ဂူနာဟ်’ အပြစ်​အ​နည်း​ငယ်​သာ​ခွ​င့်​လွှတ်​ခြင်း​ခံ​ရ​သော​သူ​မူ​ကား အ​နည်း​ငယ်​သာ​လျှင်​ချစ်​တတ်၏” ဟု​မိ​န့်​တော်​မူ၏။ ထို​နောက်​အီ​စာ​က “သင်၏ ‘ဂူနာဟ်’ အပြစ်များကိုခွင့်လွှတ်ပြီ” ဟု အ​မျိုး​သ​မီး​အား​မိ​န့်​တော်​မူ၏။

သို့​ရာ​တွင် အီ​စာ​က​ထို​အ​မျိုး​သ​မီး​အား “သင်၏ ‘အီ​မာန်’ ယုံ​ကြည်​ခြင်း​သည် သ​င့်​ကို​ကယ်​တင်​ပြီ။ ငြိမ်းချမ်း​စွာ​သွား​လော့” ဟု​မိ​န့်​တော်​မူ၏။

သူသည်အီ​စာ၏​နောက်၌​ခြေ​တော်​ရင်း​တွင်​ရပ်၍ ငို​ယို​လျက်ခြေတော်ကို မျက်ရည်ဖြင့်ဆေးကာ သူ၏ဆံပင်ဖြင့်သုတ်၏။ သူ၏​မျက်​ရည်​သည်​အီ​စာ၏​ခြေ​များ​အ​ပေါ်​သို့​ကျ​သည်​ရှိ​သော် မိ​မိ၏​ဆံ​ပင်​ဖြ​င့်​သုတ်၏။ ထို့နောက် ကိုယ်တော်၏ခြေတော်ကို အဆက်မပြတ်နမ်းရှုပ်လျက် ဆီမွှေးဖြင့်သုတ်လိမ်းပေးလေ၏။

ထို့​ကြော​င့်​အ​ကျွန်ုပ်​သည် သ​ခင်၏​အ​ထံ​တော်​သို့ လာ​ထိုက်​သူ​မ​ဟုတ်​ဟုယူ​ဆ​ပါ၏။ အ​မိ​န့်​တော်​ကို​သာ​ပေး​တော်​မူ​ပါ​လျှင် အ​ကျွန်ုပ်၏​ကျွန်​သည် ကျန်း​မာ​လာ​ပါ​လိ​မ့်​မည်။ အ​ကျွန်ုပ်​ကိုယ်​တိုင်​ပင် အ​ထက်​အ​ရာ​ရှိ​အောက်​တွင် အ​မှု​ထမ်း​သူ​ဖြစ်​ပါ၍ အ​ကျွန်ုပ်၏​လက်​အောက်​တွင်​လည်း စစ်​သား​များ​ရှိ​ပါ၏။ စစ်​သား​တစ်​ယောက်​အား ‘သွား​လော့’ ဟု​ဆို​လျှင် သူ​သည်​သွား​ပါ၏။ အ​ခြား​တစ်​ယောက်​အား ‘လာ​ခဲ့’ ဟု​ဆို​လျှင်​လာ​ပါ၏။ အ​ကျွန်ုပ်၏​ကျွန်​အား ‘ဤ​အ​မှု​ကို​ပြု​လော့’ ဟု​ဆို​လျှင် သူ​သည်​ပြု​ပါ၏” ဟု​လျှောက်​ထား​စေ၏။ ဤ​စ​ကား​ကို ဟ​ဇ​ရသ်​အီ​စာ​ကြား​တော်​မူ​လျှင် အံ့​ဩ​တော်​မူ၏။ အီ​စာ​သည် နောက်​မှ​လိုက်​လာ​ကြ​သော လူ​ပ​ရိ​သတ်​တို့​ကို လှ​ည့်​ကြ​ည့်​တော်​မူ​လျက် “ငါ​ဆို​သည်​ကား ဤ​ကဲ့​သို့​ကြီး​မား​သော ‘အီ​မာန်’ ယုံ​ကြည်​ခြင်း​ကို အစ္စရာအီလီ​အ​မျိုး​သားတို့​အ​ထဲ​မှာ​ပင် ငါ​မ​တွေ့​ဖူး​သေး” ဟု မိ​န့်​တော်​မူ၏။

ထို​အ​ခါ​အီ​စာ​သည် လူ​တို့၏​ရော​ဂါ​ဝေ​ဒ​နာ​များ​ကိုပျောက်​ကင်း​စေ​တော်​မူ၏။ “ဂျင်န်” နတ်ဆိုးများ​ကိုနှင်​ထုတ်၍ မျက်​မ​မြင်​များ​ကို​မျက်​စိ​မြင်​စေ​တော်​မူ၏။ အီ​စာ​က “သင်​တို့​မြင်​ရ​ကြား​ရ​သ​ည့်​အ​ရာ​များ​ကိုယာဟ်ယာထံ​သွား၍ပြော​ကြား​ကြလော့။ မျက်​မ​မြင်​များမျက်​စိ​အ​လင်း​ကို ပြန်​လည်​ရ​ရှိ​ကြ၏။ ခြေ​မ​သန်​စွမ်း​သူ​များ​လမ်း​လျှောက်​ကြ၏။ အ​ရေ​ပြား​ရော​ဂါ​သည်များ​သ​န့်​စင်​သွား​ကြ၏။ နား​ပင်း​သူ​များနား​ကြား​ရကြ၏။ သေ​သော​သူ​များအ​သက်​ပြန်၍​ရှင်ကြ၏။ ဆင်း​ရဲ​သူ​တို့သတင်းကောင်းကို​ကြား​ရ​ကြ၏။