ကျွန်မသည် ဆယ်စုနှစ်တစ်ခုကျော်တိုင်အောင် မူးယစ်ဆေးစွဲခဲ့သူတစ်ယောက်ဖြစ်ပြီး အရာခပ်သိမ်းကို ဆုံးရှုံးခဲ့ရပါသည်။ အသက်ရှင်ရန် မျှော်လင့်ချက်မရှိတော့ဘူးဟု ခံစားရသဖြင့် မိမိကိုယ်ကိုယ် အလွန်အကျွံ ဆေးဝါးသုံးစွဲကာ အဆုံးစီရင်ရန်ပင် ကြိုးစားခဲ့ဖူးပါသည်။ ထိုစဉ်က ကျွန်မသည် စိတ်နာကြည်းမှုနှင့် ခါးသီးမှုများ ပြည့်နှက်နေသဖြင့် ဘုရားသခင်နှင့်ပတ်သက်သော မည်သည့်အရာကိုမျှ မကြားလိုခဲ့ပါ။ ကျွန်မသည် လမ်းပျောက်လျက် တစ်ယောက်တည်း အထီးကျန်ဖြစ်နေခဲ့ပြီး မိမိဘဝကို မည်သို့ပြန်လည်ပြုပြင်တည်ဆောက်ရမည်ကိုလည်း မသိခဲ့ပါဘူး။ ထိုအချိန်က ကျွန်မနားမလည်ခဲ့သောအရာမှာ ကျွန်မ၏ဘဝကို မည်သို့ပြုပြင်ရမည်ဆိုသည့်အချက်ထက် မည်သူကပြုပြင်ပေးနိုင်သနည်းဆိုသည့် အချက်ပင်ဖြစ်ပါသည်။

ယခု၊ နှစ်နှစ်ခန့်ရှိပြီဖြစ်သောကာလအတွင်း၌ ကျွန်မ၏အသက်တာတွင် ပြောင်းလဲမှုများဖြစ်ပေါ်လာခဲ့ရာ ထိုအရာမှာ အရှင်ယေရှု၏ကျေးဇူးတော်ကြောင့်သာဖြစ်ကြောင်း ဝန်ခံသက်သေခံအပ်ပါသည်။ နေ့စဉ်ကျမ်းပိုဒ်များ၊ လမ်းညွှန်ချက်ပါသောကျမ်းစာလေ့လာမှုများနှင့် ဖတ်ရှုခြင်းအစီအစဉ်များမှတစ်ဆင့် ဘုရားသခင်နှင့်သာ၍နီးကပ်လာကာ ကိုယ်တော်၌ မိမိ၏အခြေခံအုတ်မြစ်ကို ခိုင်ခံ့စေခဲ့ပါသည်။ နေ့စဉ်ကျမ်းပိုဒ်၏အသိပေးချက်ရရှိတိုင်း နံနက်တိုင်း ကျမ်းစာဖတ်ရှုရန် ကျွန်မအား သတိပေးလျက်ရှိပါသည်။ ယခုအခါတွင် ကျွန်မသည် အတိတ်ကိုပြန်ကြည့်ရင်း ကျွန်မက ကိုယ်တော်မြတ်ကို ယုံကြည်လက်ခံရန် စောင့်ဆိုင်းနေစဉ်တစ်လျှောက်လုံး ကိုယ်တော်မြတ်သည် ကျွန်မနှင့်အတူအစဉ်ရှိနေခဲ့ကြောင်း သဘောပေါက်နားလည်ခဲ့ပြီဖြစ်ပါသည်။