Zaˍhkaˍriˆ li‸ 7
7
Maˇ hteˇ maˇ cawˇ ve hkʼaw caˇ tuˬ ce ve
1Jawˇmawˇ Daˍriˆ uˉ peunˍ chehˇ ve awˇ hkʼaw‸ teˇ hkʼaw‸, ha pa kʼawˇ maˬ teˇ maˬ, awˇ nyi teˇ nyi htaˇ Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
2Beˍteˍlaˆ venˇ yaˇ teˇ hpaˍ lehˬ, yawˇ hui awˬ pon Gʼuiˬsha geh bon lawˬ laˇ tuˬ, Shaˍreˍzaˍ, Reˍgeˍmaˍlehˆ leh yawˇ hui ve chaw teˇ hpaˍ hpaˍ hta‸ Gʼuiˬsha ve bon yehˬ lo kʼai tcuh ve yoˬ. 3Yawˇ hui gaˬ la leh, paw hkuˇ leh tcuh kaˍ paˍ teˇ hpaˍ hta‸ chi hkʼe na nyi ve yoˬ. Bon yehˬ luˬ kʼai peuˬ ve hta‸ ngaˬ hui dawˇ nawˇ leh, ponˬ laˬ htaˇ ngaˬ hui te jaw ve hkʼe, ha pa ngaˇ maˬ teˇ maˬ gaˬ la htaˇ ngaˬ hui dawˇ haˍ leh caˇ tuˬ gʼa ce tuˬ sheˍ laˇ, teh‸ kʼoˆ ve yoˬ.
4Oˇ htaˇ Gʼuiˬsha ve tawˇ ngaˬ geh gaˬ la ve yoˬ. 5Yawˇ kʼoˆ ve, Chaw yaˇ teˇ hpaˍ leh paw hkuˇ teˇ hpaˍ hta‸ chi hkʼe kʼoˆ piˇ-oˆ. Ponˬ laˬ peuˬ ve suhˍ chi hkʼaw‸ awˬ yanˇ hkʼaw nawˬ hui lehˬ, ha pa ngaˇ maˬ teˇ maˬ leh suhˍ maˬ teˇ maˬ hta‸ dawˇ haˍ leh caˇ tuˬ ce chehˇ ve htawˇ, nawˬ hui ngaˬ hta‸ yawˆ yan ve awˬ hkʼaw lo te chehˇ ve maˇ heˆ. 6Nawˬ hui caˇ ve dawˬ ve lehˬ, a shu yawˇ awˬ to nyi hkʼaˇ suh tuˬ awˬ pon ceh te chehˇ ve yoˬ, teh‸ ngaˬ hta‸ kʼoˆ laˇ ve yoˬ.
7Gʼuiˬsha lehˬ, ponˬ laˬ peuˬ ve tcuh kaˍ paˍ teˇ hpaˍ hta‸ htawˇ chi ve hkʼa shuˍ kʼoˆ piˇ jaw ve yoˬ. Awˬ yanˇ oˇ ve teˇ hpaˍ awˬ hkʼaw lo, Yeˍruˆsaˍlehnˍ venˇ lehˬ paw sha jaˇ leh, venˇ oˇ ve hkʼaw chaw hkʼa biˇ chehˇ taˍ ve yoˬ. Venˇ oˇ ve awˬ hawˉ awˬ na, hkʼaw hkuiˉ puiˍ lo hkʼa gaˬ chaw chehˇ biˇ taˍ ve yoˬ.
Maˇ na yuˬ ve pa taw shu mvuhˇmiˬ lo gʼa ca chehˇ ve
8Gʼuiˬsha lehˬ, Zaˍhkaˍriˆ hta‸ chi hkʼe kʼaw‸ kʼoˆ piˇ ve yoˬ. 9Aˬ sho-eˬ htaˇ ka‸ ngaˬ ve chaw teˇ hpaˍ hta‸ ngaˬ tawˇ piˇ taˍ peuˬ ve yoˬ. Hteˇ ve cawˇ ve hkʼaw suhˉ jehˬ piˇ leh, awˬ chawˇ chawˇ teˇ gʼaˇ hta‸ teˇ gʼaˇ ha kʼaˉ da‸-o‸. 10Mehˇchawˇma, yaˇcuˬshi, haˍ gʼawˇ ve chaw leh nawˬ hui geh ca chehˇ la taˍ ve hkehˉ chaw teˇ hpaˍ hta‸ maˇ gʼa fawˉ mehˍ piˇ. Teˇ gʼaˇ hta‸ teˇ gʼaˇ naˬ tuˬ taˇ te da‸, teh‸ ngaˬ kʼoˆ piˇ taˍ peuˬ ve yoˬ.
11Ya‸ hkʼaˇ, ngaˬ ve chaw teˇ hpaˍ lehˬ, tawˇ oˇ ve teˇ hpaˍ hta‸ maˇ na yuˬ. 12Yawˇ hui lehˬ, a shu yawˇ ve nyi ma hta‸ haˉ pui shiˍ hkʼa shuˍ heh la piˇ leh, aˬ sho-eˬ ngaˬ ve tcuh kaˍ paˍ teˇ hpaˍ hta‸ cuˇ leh yawˇ hui hta‸ kʼoˆ piˇ taˍ ve tawˇ oˇ ve teˇ hpaˍ hta‸ maˇ na yuˬ. Hkʼe te leh ngaˬ nyi ma zuhˆ la ve yoˬ. 13Ngaˬ tawˇ yaw piˇ taˍ ve hta‸ yawˇ hui maˇ na yuˬ ve pa taw, yawˇ hui ve bon lawˬ hkawˇ hta‸ ngaˬ maˇ na yuˬ piˇ. 14Mvuhˇ haw mvuhˇ yeˬ lonˉ hkʼa shuˍ, ngaˬ yawˇ hui hta‸ shu ve mvuhˇmiˬ lo gʼa‸ kʼoˬ piˇ ve yoˬ. Da‸ jaˇ ve mvuhˇmiˬ chi hta‸ ngaˬ gawˬ cu gawˬ pehˆ hpeh‸ la piˇ ve yoˬ, teh‸ Gʼuiˬsha kʼoˆ ve yoˬ.
လက္ရွိေရြးခ်ယ္ထားမွု
Zaˍhkaˍriˆ li‸ 7: LHBE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.
Zaˍhkaˍriˆ li‸ 7
7
Maˇ hteˇ maˇ cawˇ ve hkʼaw caˇ tuˬ ce ve
1Jawˇmawˇ Daˍriˆ uˉ peunˍ chehˇ ve awˇ hkʼaw‸ teˇ hkʼaw‸, ha pa kʼawˇ maˬ teˇ maˬ, awˇ nyi teˇ nyi htaˇ Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
2Beˍteˍlaˆ venˇ yaˇ teˇ hpaˍ lehˬ, yawˇ hui awˬ pon Gʼuiˬsha geh bon lawˬ laˇ tuˬ, Shaˍreˍzaˍ, Reˍgeˍmaˍlehˆ leh yawˇ hui ve chaw teˇ hpaˍ hpaˍ hta‸ Gʼuiˬsha ve bon yehˬ lo kʼai tcuh ve yoˬ. 3Yawˇ hui gaˬ la leh, paw hkuˇ leh tcuh kaˍ paˍ teˇ hpaˍ hta‸ chi hkʼe na nyi ve yoˬ. Bon yehˬ luˬ kʼai peuˬ ve hta‸ ngaˬ hui dawˇ nawˇ leh, ponˬ laˬ htaˇ ngaˬ hui te jaw ve hkʼe, ha pa ngaˇ maˬ teˇ maˬ gaˬ la htaˇ ngaˬ hui dawˇ haˍ leh caˇ tuˬ gʼa ce tuˬ sheˍ laˇ, teh‸ kʼoˆ ve yoˬ.
4Oˇ htaˇ Gʼuiˬsha ve tawˇ ngaˬ geh gaˬ la ve yoˬ. 5Yawˇ kʼoˆ ve, Chaw yaˇ teˇ hpaˍ leh paw hkuˇ teˇ hpaˍ hta‸ chi hkʼe kʼoˆ piˇ-oˆ. Ponˬ laˬ peuˬ ve suhˍ chi hkʼaw‸ awˬ yanˇ hkʼaw nawˬ hui lehˬ, ha pa ngaˇ maˬ teˇ maˬ leh suhˍ maˬ teˇ maˬ hta‸ dawˇ haˍ leh caˇ tuˬ ce chehˇ ve htawˇ, nawˬ hui ngaˬ hta‸ yawˆ yan ve awˬ hkʼaw lo te chehˇ ve maˇ heˆ. 6Nawˬ hui caˇ ve dawˬ ve lehˬ, a shu yawˇ awˬ to nyi hkʼaˇ suh tuˬ awˬ pon ceh te chehˇ ve yoˬ, teh‸ ngaˬ hta‸ kʼoˆ laˇ ve yoˬ.
7Gʼuiˬsha lehˬ, ponˬ laˬ peuˬ ve tcuh kaˍ paˍ teˇ hpaˍ hta‸ htawˇ chi ve hkʼa shuˍ kʼoˆ piˇ jaw ve yoˬ. Awˬ yanˇ oˇ ve teˇ hpaˍ awˬ hkʼaw lo, Yeˍruˆsaˍlehnˍ venˇ lehˬ paw sha jaˇ leh, venˇ oˇ ve hkʼaw chaw hkʼa biˇ chehˇ taˍ ve yoˬ. Venˇ oˇ ve awˬ hawˉ awˬ na, hkʼaw hkuiˉ puiˍ lo hkʼa gaˬ chaw chehˇ biˇ taˍ ve yoˬ.
Maˇ na yuˬ ve pa taw shu mvuhˇmiˬ lo gʼa ca chehˇ ve
8Gʼuiˬsha lehˬ, Zaˍhkaˍriˆ hta‸ chi hkʼe kʼaw‸ kʼoˆ piˇ ve yoˬ. 9Aˬ sho-eˬ htaˇ ka‸ ngaˬ ve chaw teˇ hpaˍ hta‸ ngaˬ tawˇ piˇ taˍ peuˬ ve yoˬ. Hteˇ ve cawˇ ve hkʼaw suhˉ jehˬ piˇ leh, awˬ chawˇ chawˇ teˇ gʼaˇ hta‸ teˇ gʼaˇ ha kʼaˉ da‸-o‸. 10Mehˇchawˇma, yaˇcuˬshi, haˍ gʼawˇ ve chaw leh nawˬ hui geh ca chehˇ la taˍ ve hkehˉ chaw teˇ hpaˍ hta‸ maˇ gʼa fawˉ mehˍ piˇ. Teˇ gʼaˇ hta‸ teˇ gʼaˇ naˬ tuˬ taˇ te da‸, teh‸ ngaˬ kʼoˆ piˇ taˍ peuˬ ve yoˬ.
11Ya‸ hkʼaˇ, ngaˬ ve chaw teˇ hpaˍ lehˬ, tawˇ oˇ ve teˇ hpaˍ hta‸ maˇ na yuˬ. 12Yawˇ hui lehˬ, a shu yawˇ ve nyi ma hta‸ haˉ pui shiˍ hkʼa shuˍ heh la piˇ leh, aˬ sho-eˬ ngaˬ ve tcuh kaˍ paˍ teˇ hpaˍ hta‸ cuˇ leh yawˇ hui hta‸ kʼoˆ piˇ taˍ ve tawˇ oˇ ve teˇ hpaˍ hta‸ maˇ na yuˬ. Hkʼe te leh ngaˬ nyi ma zuhˆ la ve yoˬ. 13Ngaˬ tawˇ yaw piˇ taˍ ve hta‸ yawˇ hui maˇ na yuˬ ve pa taw, yawˇ hui ve bon lawˬ hkawˇ hta‸ ngaˬ maˇ na yuˬ piˇ. 14Mvuhˇ haw mvuhˇ yeˬ lonˉ hkʼa shuˍ, ngaˬ yawˇ hui hta‸ shu ve mvuhˇmiˬ lo gʼa‸ kʼoˬ piˇ ve yoˬ. Da‸ jaˇ ve mvuhˇmiˬ chi hta‸ ngaˬ gawˬ cu gawˬ pehˆ hpeh‸ la piˇ ve yoˬ, teh‸ Gʼuiˬsha kʼoˆ ve yoˬ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.